गुगल एनलाइटिक

गुगल एनलाइटिक

साइटको प्रकार	वेब विश्लेषण
मालिक	गूगल
युआरएल	www.google.com/analytics analytics.google.com
व्यवसायिक	हो
दर्ता	आवस्यक

गूगल एनलाईटिक अथवा एनलाईटिक्स, (अङ्ग्रेजी: Google Analytics) प्रकाशन गरिएको वेबसाईट लाई मापन वा वेब विश्लेषण गर्ने गूगलद्वारा सञ्चालन गरिएको सेवा हो । गुगलले यो सेवा सन् २००५ नोभेम्बरमा अर्चिनलाई आफ्नो स्वामित्वमा ल्याए पश्चात शुरू गरेको थियो । गुगल एनलाइटिक हाल इन्टरनेटमा वेभ विश्लेषणको लागि प्रयोग हुने सेवाहरू मध्ये एक रहेको छ । यो सेवा दुई संस्करणमा उपलब्ध रहेको छ, गूगल एनलाईटिक्स ३६० तथा गूगल एनलाईटिक्स मोबाइल एप ।

प्रविधि

गूगल एनलाईटिक लाई कार्यान्वयन गर्न वेबसाईट मा एक प्रकारको पेज ट्याग राखिएको हुन्छ, जसलाई गूगल एनलाईटिक ट्रेकिङ्ग कोड भनिन्छ । यस्तो कोड जाबा-स्क्रिप्ट (एक प्रकारको प्रोग्रामिङ्ग भाषा) द्वारा बनेको हुन्छ जसलाई वेबसाईटमा रहेका सबै वेबपेजभित्र राखेपछि मात्र गुगल एनलाईटिक्सले सेवा प्रदान गर्दछ।

इतिहास

सन् २००५ मा गुगल ले "अर्चिन सफ्टवेयर कर्पोरेसन" लाई अधिग्रहण गरी "अर्चिन अन डिमान्ड" सेवा को विकास गरेको थियो जसलाई सन् २००६ मा गुगल एनलाईटिक मा परिणत गर्ने विचार धारणाको प्रस्तुत भएको थियो ।

कार्य सम्पादन

गूगल एनलाईटिक्सको कारण वेभसाइटको कार्य सम्पादनमा पर्न सक्ने प्रभावको बारेमा धेरै अनलाईन छलफल भएको छ । तर गूगलले सन् २००९ डिसेम्बरमा वेभसाइट खुल्न ढिला हुन सक्ने जोखिमलाई न्यूनिकरण गर्नको लागि अङ्क्रोनोउस जाभा स्क्रिप्ट लागू गरेको थियो ।

लोकप्रियता

गुगल एनलाइटिक सबैभन्दा बढी प्रयोग गरिने बेभ विश्लेषण सेवा हो, हाल १०,००० प्रसिद्ध बेभसाइटहरू करिब ५५ प्रतिशतमा यसको प्रयोग रहेको छ । साथै १,०००,००० प्रमुख बेभसाइटहरूमा ४९.९५ प्रतिशतले यसको प्रयोग गरेको छ ।