डिएगो फोर्लान

स्वतन्त्र विश्वकोश, नेपाली विकिपिडियाबाट
Jump to navigation Jump to search
This name uses Spanish naming customs. The first or paternal family name is "फोर्लान" and the second or maternal family name is "कोराज्जो".
डिएगो फोर्लान
U10 Diego Forlán 7524.jpg
व्यक्तिगत विवरण
पुरा नाम डिएगो फोर्लान कोराज्जो
जन्म मिति (१९७९-०५-१९) १९ मे १९७९ (उमेर ४०)
उचाई १.८० मी (५ फिट ११ इन्च)[१]
खेल्ने स्थान अग्रपंक्ति (फुटबल)
क्लबको विवरण
हालको क्लब सेरेजो ओसाका
नम्बर १०
युवा क्लब
१९९०–१९९१ Peñarol
१९९१–१९९४ Danubio
१९९४–१९९७ Independiente
सिनियर क्लब*
बर्ष क्लबहरू खेल (गोल)
१९९७–२००२ Independiente ८० (३७)
२००२–२००४ Manchester United ६३ (१०)
२००४–२००७ Villarreal १०६ (५४)
२००७–२०११ Atlético Madrid १३४ (७४)
२०११–२०१३ Internazionale १८ (२)
२०१२–२०१४ Internacional ३४ (१०)
२०१४– Cerezo Osaka ३९ (१६)
राष्ट्रिय टिम
२००२–२०१४ Uruguay ११२ (३६)
  • बरिष्ठ फुटबल क्लबमा उपस्थिति तथा खेल्दा गरेको गोल (गोललाई घरेलु लिगमा गरेको गनिनेछ) नवीनतम जानकारी १२ मे २०१५.

डिएगो फोर्लान कोराज्जो (स्पेनी उच्चारण: [ˈdjeɣo forˈlan]; जन्म १९ मे १९७९) उरूग्वेली फुटबलर हुन जो जापानी क्लब सेरेजो ओसाकाका लागि फरवार्डका रूपमा खेल्ने गर्दछन् । उनी पिचिचि ट्रफि र युरोपियन गोल्डेन सु का दुइ पटकका विजेता हुन भने २०१० फिफा विश्वकपमा प्रतियोगिताको उत्कृष्ट खेलाडीका रूपमा गोल्डेन बल जित्न पनि सफल भएका थिए । उनी उरूग्वे राष्ट्रिय फुटबल टिमका तबसम्म उच्च गोलकर्ता थिए जबसम्म उनका सहपाठी लुइस स्वारेजले उनलाई उछिनेनन् । फोर्लान फुटबलरको परिवारमा जन्मेका थिए – उनका पिता पाब्लोले साओ पाउलो (१९७०–१९७५) र उरूग्वेका लागि १९६६ र १९७४ फिफा विश्वकप खेलेका थिए भने मावली हजुरबुवा जुआन कार्लोस कोराज्जोले अर्जेन्टीनी क्लब इन्डीपेन्डाइन्टका लागि खेलेका थिए ।  फोर्लानले युवा टोलीबाट माथि उठेर इन्डीपेन्डाइन्ट क्लबमा लागि आफ्नो ४ बर्ष बिताएर आफैँलाई नियमित खेलाडीका रूपमा स्थापित गरेका थिए । उनको खेलले प्रशंशकहरू सम्मोहित हुन थालेका थिए । लगत्तै उनलाई भित्र्याउन म्यान्चेस्टर युनाइटेडले सिलसिला अघि बढायो । सोचेअनुरूप प्रभावकारी नभएपछि म्यान्चेस्टर प्रबन्धक सर एलेक्सले २००४ मा उनलाई भिल्लारियलको बाटो देखाए । उनलाई भित्राउन र निकाल्न दुवै काममा म्यान्चेस्टरले हतारो गर्यो जसको फल उसले राम्रै भोग्यो । भिल्लारियल छिरेको पहिलो सिजनमै उनले तहल्का मच्चाउँदै २५ गोल हानेका थिए । फोर्लानको यो खेलले एट्लेटिको म्याड्रिडका प्रबन्धकमा पनि राम्रो छाप छोड्यो जसको फलत उसले फोर्लानलाई नभित्राइ रहन सकेन । एट्लेटिकोमा पनि एक सिजन उनी उच्च गोलकर्ता बन्दै पिचिचिस ट्रफि कब्जा गर्न सफल भए । २०१० यूरोपा लिग फाइनलमा एट्लेटिकोलाई उपाधि जिताउन उनले फुलह्याम विरूद्ध गोल गरेका थिए । २०११ मा इटालियन क्लब इन्टर मिलान उनलाई भित्राउन उत्सुक भयो र भित्रायो पनि तर २०१२ मै उनी इन्टरनेकियोनल मा स्थानान्तरित भए । उनको अन्तराष्ट्रिय जीवनवृत्ती पनि निकै सफल मानिन्छ । सन् २००२ देखि राष्ट्रिय टोलीमा उदाएका फोर्लानले आफ्नो १२ बर्षे अन्तराष्ट्रिय खेलमा कुल ३६ गोल गरेका थिए । उनमा भएको गोल गर्ने खुबी विश्वकप र कोप्पा अमेरिकामा पनि देख्न सकिन्छ । २००२ फिफा विश्वकपमा उनले गरेको एक गोल हेर्दै सुन्दर थियो । २००६ फिफा विश्वकपका लागि उरूग्वे छनौट हुन सकेन तर २०१० फिफा विश्वकपमा उनले ५ गोल गर्दै लोकप्रियताको चरम चुलीमा पुगेका थिए । उक्त विश्वकपमा उनले घाना विरूद्ध गरेको फ्रि-किक गोल र जर्मनी विरूद्ध तेस्रो स्थानका लागि भएको प्ले-अफमा गरिएको गोलको सँधै चर्चा भइरहनेछ ।

en:Diego Forlán

  1. "Site oficial do Sport Club Internacional :: Grupo de Jogadores", Internacional.com.br।