ड्रयु ब्यारिमोर

ड्रयु ब्यारिमोर
जन्म	ड्रयु ब्लिथ ब्यारिमोर (१९७५-०२-२२)फेब्रुअरी २२, १९७५ क्लभर सिटी, क्यालिफोर्निया, सं.रा.अ.
पेशा	अभिनेत्रि, निर्माता, निर्देशक, मोडेल
कार्यकाल	सन् १९७८–हाल
उचाइ	५ फिट ४ इन्च (१.६३ मी)
जीवनसाथी	जरेमी थोमस ( वि १९९४⁠–⁠१९९५) टोम ग्रिन ( वि २००१⁠–⁠२००२)
मातापिता	जोन ड्र्यु ब्यारिमोर जाइड ब्यारिमोर
आफन्त	जोन ब्यारिमोर (हजुरबुवा)
वेबसाइट	www.drewbarrymore.com

ड्रयु ब्लिथ ब्यारिमोर (जन्म २२ फेब्रुअरी १९७५) एक अमेरिकी चलचित्र अभिनेत्री, निर्माता र निर्देशक हुन्। उनी अमेरिकी अभिनेताहरूको ब्यारिमोर परिवारको एक सदस्य र जोन ब्यारिमोरकि नातिनी हुन। ११ वर्षको उमेरमा उनी पहिलोपटक एक विज्ञापनमा देखा परेकी थिइन्। ब्यारिमोरले सन् १९८० मा अल्टरेड स्टेट्सबाट आफ्नो अभिनय यात्राको सुरुवात गर्दै त्यसपछि इटी द एक्स्ट्रा-टेरेस्ट्रियलमा आफ्नो पहिलो प्रमुख भूमिकामा अभिनय गरिकी थिइन्। उनले आफूलाई मुख्य रूपले हास्य भूमिकाहरूमा स्थापित गरेर छिट्टै हलिउडको सबैभन्दा मान्यता प्राप्त बाल कलाकारहरू मध्य एक बन्न सफल भएकी थिइन्।

ब्यारिमोरको उदण्ड बाल्यकाल लागूऔषध दुर्व्यसनले ग्रस्त थियो भने उनले दुई वर्ष पुनर्स्थापन केन्द्रमा बितेको थियो। ब्यारिमोरले १९९० आत्मकथा, लिटिल गर्ल लस्ट लेखिन। उनले [पोइजन इभी, ब्याड गर्लस, ब्वाइज अन द साइड र एभ्रि वन सेज आई लभ यु लगायतका चलचित्रको साथमा आफूलाई सफलतापूर्वक बालकलाकारको भूमिकाबाट वयस्क अभिनेत्रीको रूपमा परिवर्तन गरेकी थिइन्।

सन् १९९५ मा उनले आफ्नो साझेदार न्यान्सी जुभोनेनसँग मिलेर फ्लावर फिल्म्स नामक निर्माण कम्पनीको स्थापना गरेकी थिइन्। यस कम्पनीले पहिलो चलचित्र ब्यारिमोर अभिनीत १९९९ को नेवर बिन किस्ड निर्माण गरेको थियो। फ्लावर फिल्म्सले ब्यारिमोर अभिनित चार्लिज एन्जल्स, ५० फर्स्ट डेट्स, र म्युजिक एन्ड लिरिक्स, साथ साथै सम्प्रदायक चलचित्र डनी डार्कोको निर्माण गरेको थियो। ब्यारिमोरले त्यसपछि हि इज नट देट इन्टु यु, बेवर्ली हिल्स चिहुवाहुवा, एभ्रिबडी इज फाइन र गोइङ द डिस्टेन्समा काम गरेकी थिइन्। हलिउड वक अफ फेमको तारा हासिल गरेकी ब्यारिमोर, सन् २००७ मा पिपुल पत्रिकाको १०० सबैभन्दा सुन्दर मानिसहरूको मुखपृष्ठमा देखापरेकी थिइन्।

ब्यारिमोरलाई संयुक्त राष्ट्र विश्व खाद्य कार्यक्रमका लागि भोकको विरुद्ध राजदूतको रूपमा नामाङ्कन गरिएको थियो। त्यसबेला देखि उनले कार्यक्रमको लागि १० लाख भन्दा बढि दान गरिसकेकी थिइन्। सन् २०१० मा उनलाई ग्रे गार्डनमा लिटल एडीको भूमिकाको लागि स्क्रीन एक्टर्स गिल्ड अवार्ड र लघु-शृङ्खला वा टेलिभिजन चलचित्रहरूमा सर्वश्रेष्ठ अभिनेत्रीको गोल्डन ग्लोब अवार्ड द्वारा सम्मानित गरिएको थियो।

प्रारम्भिक जीवन

ड्रयु ब्यारिमोरको जन्म कल्भर सिटी, क्यालिफोर्नियामा अमेरिकी अभिनेता जोन ड्रयु ब्यारिमोर र अभिनेत्री इलडिको जेड ब्यारिमोर को सन्तानको रूपमा भएको थियो। उनकी आमा पश्चिम जर्मनीको ब्रेनेनबर्गमा भएको विस्थापित व्यक्तिहरूको शिविरमा द्वितीय विश्वयुद्धको हङ्गेरियाली शरणार्थिहरूकोमा जन्मिएकी थिइन्। ब्यारिमोरका पिता अङ्ग्रेज र आयरल्यान्डेली मूलका हुन्। उनको जन्म पछि उनका आमाबुबा बीच छोडपत्र भएको थियो। उनका सौतेनी भाइ जोन ब्लिथ ब्यारिमोर, एक अभिनेता हुन र साथै उनका दुई सौतेनी बहिनीहरू, ब्लिथ डोलोरेस ब्यारिमोर र जेसिका ब्लिथ ब्यारिमोर छन्।

उनको जिजुबुवा र जिजुआमा क्रमशः मरिस ब्यारिमोर र जर्जी ड्रयु ब्यारिमोर, मरिस कस्टेलो र माई कस्टेलो र उनको हजुरबुवा जोन ब्यारिमोर र हजुरआमा डोलोरेस कस्टेलो सबै कलाकार थिए; साथै बुवा जोन ब्यारिमोर पनि आफ्नो पीढीका सर्वाधिक चर्चित अभिनेता थिए। उनी डायना ब्यारिमोरकी भदै र लायोनेल ब्यारिमोर, इथेल ब्यारिमोरकी नातिनी-भदै हुन् र हेलेन कस्टेलो उनको बुवाकी सानीआमा हुन्। उनी निर्देशक स्टिभन स्पिलबर्ग, र सोफिया लरेन को धर्मपुत्री पनि हुन्।

उनको पहिलो नाम, ड्रयु , उनको जिजुआमा जर्जी ड्रयु क्यारिमोरको माइतिको थर तथा उनको बीचको नाम ब्लिथ , उनको जिजुबुवा मरिस ब्यारिमोर द्वारा स्थापित वंशको उपनाम हो।

अभिनय कार्यजीवन

अभिनय जीवनको सुरुवात

ड्रयु ब्यारिमोरको तारा हलिउड वक अफ फेममा

ड्रयु ब्यारिमोरले एघार महिनाकी हुँदा कुकुरको खानाको विज्ञापनमा प्रस्तुति दिएर अभिनय जीवनको सुरुवात गरेकी थिइन्। उनले १९८० मा उनले आल्टर्ड स्टेट्समा एउटा सानो भूमिकामा अभिनय गरेर ठूलोपर्दाको चलचित्रमा अभिनयको सुरुवात गरेकी थिइन्। एक वर्ष पछि उनलाई इटि. द एक्स्ट्रा-टेरेस्ट्रियलमा इलियटको सानो भूमिका मिल्यो जसले उनिलाई लोकप्रिय बनाएको थियो। उनलाई १९८४ मा इरेकन्सिलिएबल डिफरेन्सेसमा आफ्नै बुवाआमाको छोडपत्र गराउँदै गरेकी एक युवा केटीको रूपमा उनको भूमिकाको लागि सर्वत्कृष्ट सहायक अभिनेत्रीको लागि गोल्डन ग्लोबमा मनोनित भएकी थिइन्।

सङ्क्रमण काल

ड्रयु ब्यारिमोर बाल्यकालमा राष्ट्रपति रेगनसँग

अचानक प्रमुख अभिनेत्री बन्नु सँगै ब्यारिमोरले नराम्रो कष्टपूर्ण बाल्यकाल झेल्नु परेको थियो। उनी सानो छँदा नियमित रूपमा प्रसिद्ध स्टुडियो ५४ जाने गर्दथिन्। उनी नौ वर्षको उमेरमा चुरोट, ११ वर्षको उमेरमा रक्सी, र १२ वर्षको उमेरमा मारिजुआना सेवन र १३ वर्षको उमेरमा कोकिन जस्ता लागूऔषधको प्रयोग गर्न सुरु गरेकी थिइन्। उनको रात्रीजिन्दगी र लगातार पार्टी गर्नु सञ्चार माध्यमका लागि एक लोकप्रिय विषय नै बनेको थियो। उनी १३ वर्षको उमेरमा पुनर्स्थापन केन्द्रमा रहिन। १४ वर्षको उमेरमा आत्महत्याको प्रयासको कारण उनीको पुन: पुनर्स्थापन केन्द्रमा फिर्ता भएकी थिइन्, यसपछि तीन महिना उनी गायक डेभिड क्रसबी र उनको पत्नी सँग बस्न थालेकी थिइन्। पछि ब्यारिमोरले आफ्नो १९९० को आत्मकथा लिटल गर्ल लस्टमा आफ्नो जीवनको यस अवधिको वर्णन गरेकी छन्। अर्को वर्ष बालअदालतमा मुक्तिको लागि बिन्तिपत्रले सफलता पाए पछि उनी लस एन्जलसमा भएको आफ्नो घरमा फिर्ता भएकी थिइन्।

आफ्नो किशोरावस्थाको अन्त्य तिर ब्यारिमोरले पोइजन आइभी (सन् १९९२) मा एक युवालाई बहकाउने चलाख युवतीको भूमिकाबाट एक नयाँ छवि अगाडि ल्याउन सफल भएकी थिइन्। यो चलचित्र बक्स अफिसमा असफल भए पनि भिडियो र केबलमा निकै लोकप्रिय बन्न पुगेको थियो। त्यसै वर्ष १७ वर्षको उमेरमा उनी इन्टरभ्यु पत्रिकाको जुलाई अङ्कको मुखपृष्ठमा आफ्नो हुनेवाला जीवनसाथी तथा तत्कालीन अभिनेता जेमी वाल्टर्ससँग नग्न मुद्रामा देखा पर्नुका साथै पत्रिकाको भित्री पृष्ठहरूमा पनि उनको नग्न तस्वीरहरू प्रकाशित भएका थिए। उनले १९९२ मा स्तन घटाउनको लागि शल्यक्रिया गराएकी थिइन्।

सन् १९९३ मा ब्यारिमोर चलचित्र गनक्रेजीबाट दोस्रो गोल्डन ग्लोबको लागि मनोनयनमा परेकी थिइन्। उनी प्लेब्वाई पत्रिकाको जनवरी १९९५ अङ्कको मुखपृष्ठमा देखा पर्दै भित्री पृष्ठहरूको लागि पनि नग्न मुद्रामा तस्वीरहरू खिचाएकी थिइन्। इ.टि. द एक्स्ट्रा-टेरेस्ट्रियलमा उनलाई बालकलाकारको रूपमा निर्देशित गरेका स्टिभन स्पीलबर्गले उनको बीसौँ जन्मदिनमा "आफ्नो शरीरलाई ढाक" लेखेको नोट सहित उपहार स्वरूप सिरक दिएका थिए। यससँग ब्यारिमोरका प्लेब्वाईको नग्न तस्वीरहरूलाई उनको कलाविभागले बदलेर पुरा कपडा लगाएको बनाएका तस्वीर प्रतिहरू पनि संलग्न थिए। १९९५ मा डेभिड लेटरम्यानको जन्मदिनको उपलक्ष्यमा लेट सो विथ डेभिड लेटरम्यानमा देखापर्दा ब्यारिमोर उनको डेस्कमा चढ्दै र क्यामरालाई पछाडी पारेर कपडा उठाई उनलाई आफ्नो स्तनहरू देखाइदिएकी थिइन्। यसै समय तिर उनी गेस? जिन्सको विज्ञापनमा मोडलको रूपमा देखापरेकी थिइन्।

ख्याति तिर फिर्ति

सन् १९९५ मा ब्यारिमोरले ब्वाइज अन द साइडमा ब्युपी गोल्डबर्ग र मरियम-लुइस पार्करको विपक्षमा काम गरेकी थिइन् लगत्तै अर्को वर्ष उनले सफल भूत चलचित्र स्क्रीममा एक अथिति भूमिका निभाएकी थिइन्। ब्यारिमोरले अभिनयको मामलामा अत्यधिक विश्वसनीयता कायम गरेर बक्स अफिसको शीर्ष स्थानमा पुग्न सफल भएकी थिइन्। उनिलाई लगातार विसफूल थिङ्किङ (सन् १९९७), द वेडिङ्ग सिङ्गर (सन् १९९८) र "होम्स फ्राइज (सन् १९९८), जस्ता रोमान्टिक हाँस्य भूमिकाहरू दिइएको थियो।

ब्यारिमोरले चार्लिज एन्जिल्स लगायतका आफ्नो कम्पनी, फ्ल्भर फिल्म्सद्वारा निर्मित चलचित्रहरूमा काम गर्नु बाहेक राइडिङ यिनी कार्स विथ बयस (सन् २००१) कमेडी/बर्भली डी 'ओनोफ्रियोको वास्तविक जीवनकथामा आधारितमा अभिनय गरेकी थिइन्। यसमा उनले एक नशालु पदार्थको सेवन गर्ने पितासँग विवाहमा असफल किशोरी आमाको भूमिका निभाएकी थिईन्। २००२ मा, ब्यारिमोर स्याम रकवेल र जुलिया रोबर्टससँग कनफेसन्स अफ अ डेन्जरस माइन्डमा देखापरेकी थिइन्।

फ्लावर फिल्म्स र नयाँ कार्य

म्युजिक एन्ड लिरिक्स लन्डन प्रिमियरमा ब्यारिमोर

सन् १९९५ मा उनले आफ्नो व्यावसायिक साझेदार न्यान्सी जुभोनेनसँग मिलेर फ्लावर फिल्म्स नामक निर्माण कम्पनीको स्थापना गरेकी थिइन्। यस कम्पनीले पहिलो चलचित्र १९९९ को ब्यारिमोर अभिनीत नेभर बिन किस्ड निर्माण गरेको थियो। कम्पनीको दोस्रो प्रस्तुति चार्लिज एन्जल्स (सन् २०००) बक्स अफिसमा अत्यधिक रूपमा सफल भएपछि ब्यारिमोर र कम्पनी दुवैको प्रतिष्ठा बलियो गर्नमा सहयोगी सिद्ध भएको थियो। रिचर्ड केलीको पहिलो चलचित्र डनी डार्कोको निर्माणमा बाधा आएपछि ब्यारिमोर फ्लावर फिल्म्स तर्फबाट आर्थिक सहयोग गर्दै अगाडि आइन् र एक अङ्ग्रेजी शिक्षिकाको शीर्षक पात्र करेन पोमेरयको सानो भूमिका निर्वाह गरेकी थिइन्। हुनत यो चलचित्र सेप्टेम्बर ११को आक्रमणको परिणामस्वरूप बक्स अफिसमा त्यति सफल हुन सकेन तर डिभिडी लोकार्पण पछि यो षडयन्त्रको उल्झन र अर्थ खुलासा गर्न समर्पित हुन असंख्य वेबसाइटहरूलाई प्रोत्साहित गर्दै सांस्कृतिक चलचित्रको स्तरमा पुग्यो।

२००३ मा ब्यारिमोरले चार्लिज एन्जल्स: फुल थ्रोटल मा डिलन स्यान्डर्सको रूपमा आफ्नो भूमिकालाई दोहर्‍याईन, ड्युप्लेक्समा बेन स्टिलरको साथमा देखापरिन र उनलाई ओलिभ, द अदर रेनडियरमा उनको प्रश्तुतिको लागि एमी पुरस्कारको लागि मनोनयन गरियो। २००४ मा फ्लावर फिल्म्सले सह-अभिनेता एडम स्यान्डलरको ह्याप्पी मेडिसन कम्पनीसँग मिलेर ५० फर्स्ट डेट्सको निर्माण गर्‍यो। उनको आकर्षणको समाहार गर्दै रोजर एबर्टले ५० फर्स्ट डेट्सको आफ्नो समीक्षामा ब्यारिमोरलाई "मुस्कान, लजालु सद्भवना" भएकि तथा चलचित्रलाई "अनुग्रह पाउन र मन पराउम योग्य" भने।

ब्यारिमोरले ५० फर्स्ट डेट्स पछि फिभर पिच(सन् २००५) र २००७ मा म्युजिक एन्ड लिरिक्स र लकी युमा अभिनय गरेकी थिइन्। उनको त्यस पछिका चलचित्रहरूमा २००८ को बेवर्ली हिल्स चिहुवाहुवा र २००९ को ही इज जस्ट नट द्याट इन्टु यु , ग्रे गाइन्स तथा एभ्रिबडी इज फाइन समवेश छन्।

ब्यारिमोरद्वारा निर्देशित पहिलो चलचित्र ह्विप इट , २००९ अक्टोबरमा लोकार्पण भएको थियो।

करियरको अन्य विशिष्टताहरू

ब्यारिमोरले एनिमेटेड कमेडी फ्यामिली गाइमा ब्रायन ग्रिफिनको सोझी प्रेमिका र जिलियनको दोहोरिएको भूमिकामा अभिनय गरिन। यसमा उनले दसवटा शृङ्खलाहरूमा अभिनय गरेकए छन। २००५ को वृत्तचित्र माई डेट विथ ड्रयुको उनी कथा-वस्तु थिईन। यसमा एक महत्त्वाकांक्षी चलचित्र निर्माता र ब्यारिमोरका प्रशंसक उनसँग एक डेट हासिल गर्नको कोशिशमा आफ्नो सीमित संसाधनहरूको उपयोग गर्दछ। ३ फेब्रुअरी २००४ मा उनले हलीवुड वक अफ फेममा एउटा तारा हासिल गरिन।

जोसेट शीरन शाइनर, कोन्डोलीजा राइज, र पाउल टरग्याटको साथमा ब्यारिमोर (बायाँबाट दोस्रा)।

ब्यारिमोरको चलचित्रहरूको विश्वभरी बक्स अफिस कुल कमाई २३ करोड भन्दा अधिक रहेको छ। द हलीवुड रिपोर्टरको वार्षिक स्टार १० शीर्ष पारिश्रमिकको अनुसार, १० देखि १२ पारिश्रमिक लिएर २००६को लागि उनी प्रति चलचित्र सबैभन्दा अधिक पारिश्रमिक लिने अभिनेत्रीहरूमा सातौँ स्थानमा थिईन। ३ फेब्रुअरी २००७ मा ब्यारिमोरले पाँचौं पल्ट स्याटरडे नाइट लाई भ(SNL)को कार्यक्रम सञ्चालन गरिन, यसबाट उनी शोको इतिहासमा क्यान्डीस बरगन पछि दोस्रो महिला कार्यक्रम सञ्चालिका बनिन। उनले १० अक्टोबर २००९ मा पुन: कार्यक्रम सञ्चालन गरेर छ पटक कार्यक्रम सञ्चालन गर्ने प्रथम महिला बनुन। साथै ब्यारिमोरले १९८२ मासात वर्षको उमेरमा कार्यक्रम सञ्चालन गरेर बनाएको कार्यक्रम सञ्चालन गर्ने सबैभन्दा कम उमेरको सेलिब्रिटीको रेकर्ड अझै पनि कायम नै छ।

२००७ मा ब्यारिमोर कभरगर्ल सौन्दर्य प्रसाधन-सामग्रीको मोडल र महिला प्रवक्ता बनिन। आजपनि उनी क्वीन लतिफा र टेलर स्वीफ्टको साथमा कभरगर्लको एक अनुहारको रूपमा छिन। कभरगर्ल सौन्दर्य प्रसाधन उत्तर अमेरिकाका उपाध्यक्ष तथा जनरल म्यानेजर एसी एग्लेस्टन ब्रासीले भने " ब्यारिमोर अहिले पनि ताजा र प्रकृतिक सुन्दरता र उर्जावान विश्वसनिय व्यक्तित्वका साथ कभरगर्लको प्रतिष्ठित व्यक्तित्वको रूपमा प्रतिस्पर्धा गर्न सक्ने भएकोले कम्पनीले उनलाई साझेदार बनाएको छ।" ब्यारिमोर यति मात्रै नभई विज्ञापन सह-निर्माता पनि हुन। पिपुल्सको 'वार्षिक १०० सर्वाधिक सुन्दर मान्छेहरूको सूचीमा प्रथम स्थानमा थिईन। ब्यारिमोरलाई न्यु योर्क सहरको आइएमजि मोडल लागि अनुबन्धित गरिएको छ।

मे २००७ मा ब्यारिमोरलाई संयुक्त राष्ट्र विश्व खाद्य कार्यक्रम (WFP)को लागि भोकको बिरुद्ध राजदूतको रूपमा नामाङ्कन गरियो। र त्यस पछि उनले कार्यक्रमको लागि १० लाख भन्दा बढि दान गरेकी छिन्।।

निजी जीवन

ड्रयु ब्यारिमोर मे २००७को ट्रिबेका चलचित्र महोत्सवमा

१९९१ मा १६ वर्षको उमेरमा ब्यारिमोरको हलीवुड निर्माता लेल्याण्ड हेवार्डको नाति लेल्याण्ड हेवार्डसँग प्रेम सम्बन्ध चल्यो। तर केही महीना पछि नै यो सम्बन्ध टूट्यो। यसको केही पछि १९९२-९३ मा ब्यारिमोर संगीतकार/अभिनेता जेमी वाल्टर्ससँग स्वयंवर गरेर उनीसँगै बस्न थालिन।

२० मार्च देखि २८ अप्रिल १९९४ सम्म उनी वेल्श बारटेन्डरबाट बारका मालिक बनेका 'जेरेमी थमसको श्रीमती बनिन। ७ जुलाई २००१ मा हास्य अभिनेता टम ग्रीनसँग दोस्रो विवाह गरिन, ग्रीनले डिसेम्बर २००१ मा छोडपत्रको लागि मुद्दा दर्ता गरे। यो मुद्दाको फैसला १५ अक्टुबर २००२ मा भयो।

२००२ मा ब्यारिमोरको स्ट्रोक्सको ड्रमर फाब्रिजियो मोरेटीलाई एक संगीत समारोहमा भेटेपछि उनीसँग डेटिङ शुरू भयो। १० फेब्रुअरी २००७ मा उनीहरूको पाँच वर्षको सम्बन्ध समाप्त भयो। पछिल्लो समयमा उनीले अभिनेता जस्टिन लङ्गसँग सम्बन्ध स्थापित गरिन, तर जुलाई २००८ मा उनीहरूले आफू अलग भएको पुष्टि गरे। २००९ मा यस जोडीको पुनर्मिलन भयो र दुवैले चलचित्र गोईङ्ग द डिस्टेन्समा एक साथ अभिनय गरे।

मार्च २००७ मा पत्रिकाको पूर्व सम्पादक जेन प्र्याटले आफ्नो सिरियस स्याटलाईट रेडियो शोमा नब्बेको दशकको मध्यमा उनको ब्यारिमोरसँग सम्बन्ध रहेकोको दावा गरिन। ब्यारिमोर पहिले शाकाहारी थिईन, तर पछि उनले मासु खान शुरू गरिन।

अभिनित चलचित्रहरू

अभिनेत्री

वर्ष	चलचित्र	भूमिका	नोट
१९७८	सडन्ली, लभ	बबी ग्राहम (श्रेयरहित)	टिभी चलचित्र
१९८०	बोगी	लेसली बोगार्ट	टिभी चलचित्र
	अल्टर्ड स्टेट्स	मार्गरेट जेसप
१९८२	इ.टि. द एक्स्ट्रा-टेरेस्ट्रियल	गर्टी	मनोनित – सर्वोत्कृष्ट नवागन्तुकको लागि बाफ्टा पुरस्कार
१९८४	फायरस्टार्टर	चार्लिन "चार्ली" म्याक्गी	मनोनित - युवा अभिनेता द्वारा सर्वोत्कृष्ट प्रस्तुतिका लागि स्याट्रन पुरस्कार]]
	इरसकन्साइलेबल डिफरेन्सेज	केसी ब्रडस्की	मनोनित - सर्वोत्कृष्ट सह-अभिनेत्रीको लागि गोल्डन ग्लोब पुरस्कार - चलचित्र
१९८५	क्याट्स आई	अवर गर्ल, अमान्डा
१९८६	बेब्स यिनी टोयल्यान्ड	लिजा पाइपर	टिभी चलचित्र
१९८९	सि यु इन द मर्निङ	क्याथी गुडविन
	फार फ्रम होम	जोलिन कक्स
१९९१	मोटोरामा	फ्यान्टसी गर्ल
१९९२	२००० मालिबु रोड	लिन्डसे	६ कडीहरू
	वाक्सवर्क २: लस्ट इन टाइम	भ्याम्पायर पिडित #१
	पोइजन आइभी	आइभी
	गनक्रेजी	अनिता मिन्टीर	मनोनित - सर्वोत्कृष्ट अभिनेत्रीको लागि गोल्डन ग्लोब पुरस्कार - छोटो शृङ्खला वा टेलीभिजन चलचित्र
१९९३	द एमी फिसर स्टोरी	एमी फिसर
	नो प्लेस टु हाइड	टिनसेल ह्यानली
	डपलग्याङ्गर	हली गुडिङ्ग
	वाइनिज वर्ल्ड २	बियर्गन कियर्गन
१९९४	इनसाइड द गोल्डमाइन	डेजी
	ब्याड गर्ल्स	लिली ल्यारोनेट
१९९५	ब्वाइज अन द साइड	हली पलचिक-लिङ्कन
	म्याड लभ	केसी रोबर्ट्स
	ब्याटम्यान फरेवर	सुगर
१९९६	एभ्रिवान सेज आइ लभ यु	स्काईलार ड्यान्डरिज
	स्क्रीम	केसी बेकर	मनोनित — सर्वोत्कृष्ट सह-अभिनेत्रीको लागि स्याटर्न पुरस्कार
१९९७	विसफुल थिङ्किङ	लिना
	बेस्ट मेन	होप
१९९८	द वेडिङ सिङ्गर	जुलिया सलिवन	मनोनित - सर्वोत्कृष्ट अभिनेत्रीको लागि क्लट्रडिस पुरस्कार (इभर आफ्टरका लागि पनि)
	इभर आफ्टर	ड्यानियल डे बारबरक	[[सर्वोत्कृष्ट अभिनेत्रीको लागि स्याटर्न पुरस्कार मनोनित - सर्वोत्कृष्ट अभिनेत्रीको लागि क्लट्रडिस पुरस्कार (वेडिङ सिङ्गरको लागि पनि)
	होम फ्राइज	स्याली ज्याक्सन
१९९९	नेभर बिन किस्ड	जोसी गेलर	मनोनित - सर्वोत्कृष्ट प्रदर्शनको लागि एमटिभी चलचित्र पुरस्कार - महिला नाआमाकित - सर्वोत्कृष्ट चुम्बनको लागि एमटिभी चलचित्र पुरस्कार
	ओलिभ, द अदर रेनडियर	ओलिभ	आवाज
२०००	द सिम्पसन्स	सोफी (आवाज)	१ शृङ्खला
	स्किप्ड पार्ट्स	फ्यान्टसी गर्ल
	टाइटन ए.इ.	अकिमा	आवाज
	चार्लिज एन्जल्स	डाइलन स्यान्डर्स	क्यामरुन डियाज र लुसी लियु सँग [[पर्दामा सर्वोत्कृष्ट टीमको लागि एमटिभी चलचित्र पुरस्कार मनोनित - सर्वोत्कृष्ट द्वन्दको लागि एमटिभी चलचित्र पुरस्कार
२००१	डोनी डार्को	करेन पोमेरय
	फ्रेडी गट फिगर्ड	मिस्टर डेभिडसनको रिसेप्निसस्ट
	राइडिङ्ग इन कार्स विद ब्वाइज	बेवर्ली डोनोफ्रियो
२००२	कन्फेसन्स अफ अ डेन्जरस माइन्ड	पेनी
२००३	चार्लिज एन्जल्स: फुल थ्रोटल	डाइलन स्यान्डर्स	मनोनित - क्यामरुन डियाज र लुसी लियु सँग सर्वोत्कृष्ट नृत्य दृश्यको लागि एमटीवी चलचित्र पुरस्कार]]
	ड्युप्लेक्स	नेन्सी केन्ड्रिक्स
२००४	५० फर्स्ट डेट्स	लुसी ह्विटमोर	पर्दामा सर्वोत्कृष्ट जोडीको लागि एमटिभी चलचित्र पुरस्कार मनोनित - सर्वोत्कृष्ट प्रदर्शनको लागि एमटिभी चलचित्र पुरस्कार - महिला पर्दामा आकर्षक जोडीको लागि पीपुल्स च्वाइस अवार्ड
	माई डेट विद ड्रयु	स्वयं
२००५	फिवर पिच	लिन्ड्से मीक्स
२००६-२००९	फ्यामिली गाई	जिलियन रसेल (आवाज)	७ शृङ्खलाहरू
२००६	क्युरियस जर्ज	म्यागी	आवाज
२००७	म्युजिक एन्ड लिरिक्स	सोफी फिशर
	लकी यु	बिली ओफर
२००८	बेवर्ली हिल्स चिहुवाहुवा	च्लोइ	आवाज
२००९	हि इज जस्ट नट द्याट इन्टु यु	मेरी
	ग्रे गार्डन	एडिथ बौवियर बेयल	केबलको लागि निर्मित एचबिओ चलचित्र [[सर्वोत्कृष्ट अभिनेत्रीको गोल्डन ग्लोब पुरस्कार - टेलिभिजन चलचित्र सर्वोत्कृष्ट अभिनेत्रीको स्याटलाइट पुरस्कार - मिनीसिरीज वा टेलिभिजन चलचित्र]] टेलीभिजन चलचित्रमा एक अभिनेत्री द्वारा उत्कृष्ट प्रदर्शनको लागि स्क्रीन एक्टर्स गिल्ड पुरस्कार मनोनित - उत्कृष्ट प्रमुख अभिनेत्रीको लागि एमी पुरस्कार - चलचित्र
	एभ्रिबडी इज फाइन	रोजी
	ह्विप इट	स्म्याशली सिम्पसन	निर्देशक पनि
२०१०	गोईङ द डिस्टेन्स	एरिन
२०१२	एभ्रिबडी लभ्स वालेस

निर्देशिका

वर्ष	चलचित्र	टिप्पणी
२००४	चुज अर लुज प्रेजेन्ट्स: द बेस्ट प्लेस टु स्टार्ट	निर्देशिका; वृत्तचित्र
२००९	ह्विप इट	प्रथम निर्देशन

निर्माता श्रेय

वर्ष	चलचित्र	नोट
१९९९	नेभर बिन किस्ड	कार्यकारी निर्माता
२०००	चार्लिज एन्जिल्स	निर्माता
२००१	डोनी डार्को	कार्यकारी निर्माता
२००३	चार्लिज एन्जल्स: फुल थ्रोटल	निर्माता
	ड्युप्लेक्स	निर्माता
२००५	फिभर पिच	निर्माता
२००९	नो इज जस्ट नाट द्याट इन्टु यु	कार्यकारी निर्माता
	ह्विप इट	कार्यकारी निर्माता