नेपाल स्काउट

नेपाल स्काउट
Country	नेपाल
Membership	१०९०००
संरक्षक	प्रधानमन्त्री पुष्पकमल दाहाल
प्रमुख आयुक्त	महेन्द्रराज रंजित
निर्देशक (कार्यालय प्रमुख)	रामप्रसाद भट्टराई
Website nepalscouts.org वेब्याक मेसिन अभिलेखिकरण २०१३-०५-२८ मिति

नेपाल स्काउट नेपालको आधिकारीक स्काउटिंग र गाइडिंग संस्था हो। यसको स्थापना वि.सं. २००९ सालमा भएको हो ।

नेपालका बालबालिका तथा युवा वर्गलाई स्काउटमा आधिकाधिक मात्रामा सहभागी गराई तिनीहरूको शारीरिक, मानसिक र बौद्धिक विकास गरी तिनीहरूलाई अनुशासित र स्वावलम्बी बनाई देश विकास कार्यमा सहभागी गराउन नेपाल स्काउटको स्थापना भएको हो ।

उद्देश्य

नेपाल स्काउटको उद्देश्य यस्तो छः
(क) विश्व स्काउटद्वारा प्रतिपादित सिद्धान्त, मान्यता र भावनासंग नेपालका बालबालिका तथा युवा वर्गलाई परिचित गराउादै बालबालिका तथा युवा वर्गलाई जनसेवी बनाउने ।
(ख) बालबालिका तथा युवा वर्गलाई नेपाल स्काउटको माध्यमद्वारा कर्तव्य परायण, अनुशासित, स्वावलम्बी, सच्चरित्रवान तथा सुयोग्य नागरिक बनाउने ।
(ग) दैवी प्रकोप तथा दुर्घटनामा परेका व्यक्तिहरूको उद्धार तथा सहायता कार्यमा नेपाल स्काउटलाई परिचालन गर्ने, गराउने ।
(घ) सामुदायिक सेवा तथा जनहित सम्बन्धी कार्य गर्ने गराउने ।
(ङ) समाजका हरेक वर्ग तथा समुहलाई शिक्षित पार्न प्रौढ शिक्षा लगायत विभिन्न कार्यक्रमहरू सञ्चालन गर्ने, गराउने ।
(च) स्वास्थ्य, वातावरण, भू-संरक्षण तथा प्राकृतिक श्रोतको उपयोगसम्बन्धी विभिन्न जनउपयोगी कार्यक्रम सञ्चालन गर्न युवा जनशक्ति परिचालन गर्ने, गराउने ।

"बन्द कोठा भित्र बस्ने मानिसको सोच सञ्कोचीत हुन्छ"

• बेडेन पावेल

स्काउट नियम

ब्वाय् र गर्ल्स स्काउट नियम

• स्काउट विश्वास योग्य हुन्छ ।
• स्काउट भक्त हुन्छ ।
• स्काउट उपयोगी र सहयोगी हुन्छ ।
• स्काउट सबैको मित्र हुन्छ र परस्परमा भ्रातृत्व तथा भगिनित्व कायम राख्दछ ।
• स्काउट विनम्र हुन्छ ।
• स्काउट प्राणी प्रति दयालु हुन्छ ।
• स्काउट अनुशासित र आज्ञाकारी हुन्छ ।
• स्काउट बहादुर हुन्छ र सधैं प्रसन्न हुन्छ ।
• स्काउट मितव्ययी हुन्छ ।
• स्काउट मन, बचन र कर्ममा पवित्र हुन्छ ।

ब्वाय् र गर्ल्स स्काउटको प्रतिज्ञा

म (आफ्नो नाम)................................ आत्मा साक्षी राखी आफ्नो मर्यादामा प्रतिज्ञा गर्दछु कि सकभर
देश, नरेश तथा ईश्वर\धर्म प्रति आफ्नो कर्तव्य पालन गर्दछु ।
सधैं परोपकार गर्दछु ।
सधैं स्काउट नियम पालना गर्दछु ।

नेपाल स्काउटको वर्गिकरण

उमेरको आधारमा नेपाल स्काउटको वर्गीकरण यस प्रकार छ :-

• कब\ब्राउनी (७ देखी १० वर्ष )
• ब्वाय्\गर्ल (११ देखी १५ वर्ष)
• रोवर\रेञ्जर (१६ देखी २५ वर्ष)

ब्वाय्\गर्ल स्काउटको ब्याज सूची

• सदस्यता ब्याज
• वेडेन पावेल शिखर ब्याज
• अन्नपूर्ण ब्याज
• कञ्चनजंगा ब्याज
• सगरमाथा ब्याज
• राष्ट्रपति स्काउट ब्याज

क्रियाकलाप

ज्याम्बोरी

नेपाल स्काउटले पहिलो राष्ट्रिय स्काउट ज्याम्बोरी वि.सं. २०४३मा कीर्तिपुरमा गरेको थियो ।

नेपाल स्काउटको दोश्रो ज्याम्बोरी वि.सं. २०६९ सालमा चितवनको टिकौलीमा आयोजना भएको थियो ।

नेपाल स्काउटको तेस्रो ज्याम्बोरी २०७५ सालमा ककनीमा आयोजना भएको थियो ।

रोभरमुट

नेपाल स्काउटको पहिलो रोभरमुट २०७८ सालमा पोखरामा आयोजना भएको थियो ।

सम्पर्क ठेगाना

नेपाल स्काउट
राष्ट्रिय प्रधान कार्यलय
लैनचौर, काठमाडौँ, नेपाल
पोष्ट बक्स न : १०३७
टेलीफोन: ४४१९००१, ४४२५७६२, ४४१३३६९
फ्याक्स: ९७७-१-४४१३३६९
ईमेल: info@nepalscouts.org

आधिकारीक वेबसाईट

• नेपाल स्काउट वेब्याक मेसिन अभिलेखिकरण २०२०-०८-०९ मिति

यो पनि हेर्नुहोस्

• सदस्यता ब्याज
• वेडेन पावेल शिखर ब्याज
• अन्नपूर्ण ब्याज
• कञ्चनजंगा ब्याज
• सगरमाथा ब्याज