पूर्वीय कोइली

पूर्वीय कोइली
संरक्षण स्थिति
कम चासोका  (आइयुसिएन ३.१)
वैज्ञानिक वर्गीकरण
Kingdom:	जनावर
Phylum:	रज्जुकी
वर्ग:	चरा
गण:	Cuckoo
परिवार:	Cuckoo
वंश:	Cuculus Gould, 1845
प्रजाति:	C. optatus
वैज्ञानिक नाम
Cuculus optatus Gould, 1845
पर्याय
Cuculus horsfieldi

पूर्वीय कोइली (Cuculus optatus) नेपालमा पाइने कोइलीको एक प्रजाति हो। यसलाई पहिला हिमाली कोइली (C. saturatus) को उपप्रजातिको रूपमा लिइन्थ्यो। यो प्रजातिको प्रजनन क्षेत्र उत्तरी युरेसियाको ठुलो भूभाग पर्छ।

विबरण

पूर्वीय कोइलीको लम्बाई ३० देखि ३२ सेन्टिमिटर पङ्ख फिजाउँदा ५१ देखि ५७ सेन्टिमिटर तथा तौल ७३ देखि १५६ ग्राम हुन्छ। वयस्क भाले पूर्वीय कोइलीको टाउको, छाती तथा ढाड खरानी रङ्गको हुन्छ। यसको पेट मख्खन रङ्गको सेतोमा काला धर्सा भएको हुन्छ। यसको खुट्टा तथा पन्जा सुन्तले पहेँलो रङ्गको तथा आँखाको वरिपरी पहेँलो घेरा हुन्छ। यो चरा झट्ट हेर्दा कुक्कु कोइली जस्तै देखिएता पनि यसको ठुंड, पङ्खेटा तथा पुच्छर फरक हुन्छ।

वितरण तथा वासस्थान

पूर्वीय कोइली रसिया देखि उत्तरी कजाख्स्तान, मङ्गोलिया, उत्तरी चिन, कोरिया हुँदै जापान सम्म पाइन्छ।