प्रकाश दाहाल

प्रकाश दाहाल
व्यक्तिगत विवरण
जन्म	१७ असार २०३८ शिवनगर, चितवन
मृत्यु	३ मंसिर २०७४ काठमाडौँ
राजनीतिक दल	नेपाल कम्युनिष्ट पार्टी (माओवादी केन्द्र)
जीवन साथी	बिना मगर
अभिभावकs	पुष्पकमल दाहाल (पिता) सिता दाहाल (आमा)
सैन्य सेवा
लडाई/युद्धहरू	माओवादी जनयुद्ध

प्रकाश दाहाल एक नेपाली राजनीतिज्ञ थिए।

जीवनी

प्रकाश दाहालको जन्म वि.स. २०३८ असार १७ गते चितवनको शिवनगरमा बुबा पुष्पकमल दाहाल र आमा सिता दाहालको कोखमा भएको थियो। उनले स्थानीय बालकुमारी प्राविबाट कक्षा ३ सम्म अध्ययन गरेपछि वि.स.२०४७ मा शान्ति माध्यमिक विद्यालय, ललितपुरमा कक्षा ४ देखि ८ सम्म पढे। माओवादी जनयुद्ध सुरु भएपछि १४ बर्सिए दाहाल भारतको पञ्जाबमा गए। पञ्जावमा दिदी रेणु दाहालको संरक्षणमा उनले पढेका थिए र कक्षा १२ सकिएपछि दाहाल बुबा प्रचण्डको नेपाल कम्युनिष्ट पार्टी (माओवादी केन्द्र) राजनीतिक दलमा प्रवेश गरे। दाहालले सानै उमेरमा भरुवा बन्दुक र एके-४७ कसरी प्रयोग गर्ने भनेर सिकेका थिए।

वि.स.२०७४ मंसिर ३ गते हृदयाघातबाट दाहालको मृत्यु भयो। वि.स. २०७९ असार १७ गते पुष्पकमलले प्रकाशको सालिक नुवाकोटको ककनीमा सालिक अनावरण गरे। दाहालले बिना मगरसँग विवाह गरेका थिए र उनको एउटा बच्चा थियो।