बटुक भैरव मन्दिर

स्वतन्त्र विश्वकोश, नेपाली विकिपिडियाबाट
Jump to navigation Jump to search
बटुक भैरव मन्दिर
बटुक भैरव मन्दिर
अवस्थिति
देश:Flag of Nepal.svg नेपाल
Province:बागमती
जिल्ला:ललितपुर
स्थान:लगनखेल ललितपुर
Batuk vhairav temple

बटुक भैरव मन्दिर हिन्दू धर्मावलम्बिहरुको तीर्थस्थल हो । यो मन्दिर ललितपुर जिल्लाको लगनखेलमा अवस्थित छ ।

इतिहास‍‍[सम्पादन गर्ने]

लिच्छविकालीन राजा अंशु वर्माले भारतको प्रयाग भ्रमणबाट फर्केपछि यसको स्थापना गराएका थिए । यो मन्दिर वि.सं. १९९१ सालमा जुद्धशमशेरले जीर्णोद्धार गराएका थिए । मन्दिरछेउ दुई वटा पाटी पनि निर्माण गरिएका छन् । यस मन्दिरमा रहेका विभिन्न वस्तुहरू विभिन्न समयमा विभिन्न भक्तहरूले चढाएका हुन् ।[१]

धार्मिक महत्च[सम्पादन गर्ने]

बटुक भैरव काठमाडौं उपत्यकामा पुजिने अष्ट भैरवमध्येका एक हुन् । यिनलाई शिवजीको उग्र रूप मानिन्छ। भैरवहरू तान्त्रिक देवता मानिन्छन् । यस मन्दिरको स्थापना तान्त्रिक विधिबाटै गरिएको भन्ने उल्लेख गरिएको पाइन्छ। ललितपुरको लगनखेलमा रहेका बटुक भैरवलाई त्यहाँका अर्का देवता मीननाथका कुलदेवता पनि मानिएको छ । मन्दिर क्षेत्रमा आइतबार र बिहीबारका दिन श्रद्धालुहरूको भीड लाग्ने गर्दछ । यस मन्दिरका लागि गुठीको पनि व्यवस्था गरिएको छ । ‍‍

वास्तुकला‍‍[सम्पादन गर्ने]

बटुक भैरव मन्दिर एक तला प्यागोडा शैलीमा बनेको छ । यस मन्दिरको छाना तामाले बनेको छ। यस मन्दिरमा भैरवको मूर्ति राखिएको देखिंदैन । यसका बदलामा एउटा प्रस्तरलाई बटुक भैरवका रूपमा पूजाआजा गर्ने गरिन्छ । मन्दिरको गर्भगृहमा गणेश, कुमार र कुमारीका मूर्ति पनि छन् ।

सन्दर्भ सामग्रीहरू[सम्पादन गर्ने]

बाह्य लिङ्कहरू[सम्पादन गर्ने]

https://www.facebook.com/pages/Batuk-Bhairab-Lagankhel/292018140842080