ब्लिङ्कनाउ फाउन्डेसन

ब्लिङ्कनाउ फाउन्डेसन

गठन	सन् २००७
संस्थापक	म्यागी डोएन
सेवा क्षेत्र	सुर्खेत, नेपाल
वेबसाइट	blinknow.org

ब्लिङ्कनाउ फाउन्डेसन (अङ्ग्रेजी: BlinkNow Foundation) सुर्खेत, नेपालमा विश्वव्यापी मान्यता प्राप्त विद्यालय र बालगृह चलाउने गैर नाफामुखी सङ्गठन हो। १९ वर्षको हुँदा म्यागी डोएनले स्थापना गरेको यस सङ्गठनले अन्तर्राष्ट्रिय स्तरमा प्रशंसा प्राप्त गरेको छ।

कार्यक्रम

सुर्खेतस्थित कोपिला भ्याली स्कूलमा ४०० भन्दा बडी गरिब बालबालिकालाई नि:शुल्क शिक्षा प्रदान गर्नुका साथै १०० भन्दा बडी व्यक्तिहरूलाई जागिर प्रदान गरिएको छ। कोपिला भ्याली चिल्ड्रेन्स होमले अनाथ तथा घरमा प्रतिकूल वातावरण भएका बालबालिकालाई आश्रय, पोषण र सहायता प्रदान गर्छ। कोपिला भ्यालीमा महिला केन्द्र र स्वास्थ्य केन्द्रको पनि व्यवस्था गरिएको छ।

दिगोपन

ब्लिङ्कनाउले दिगोपनको सिद्धान्तलाई धेरै महत्त्व दिन्छ। सन् २०१७ मा स्थापित कोपिला भ्याली स्कूललाई नेपालकै सबैभन्दा वातावरण मैत्री विद्यालय घोषणा गरिएको थियो। यस विद्यालयमा सौर्य ऊर्जा र वर्षा पानी संचयन गर्नुका साथै माटोले बनेको भित्ता राखिएको छ। सन् २०१९ मा ब्लिङ्कनाउलाई जायेद दिगोपन पुरस्कारको विश्वव्यापी उच्च माध्यमिक विद्यालयको श्रेणीमा मनोनयन गरिएको थियो।

उल्लेखनीय समर्थक

ब्लिङ्कनाउ फाउन्डेसनका संस्थापक म्यागी डोएनले सन् २०१५ मा सिएनएन हिरो अवार्ड जितेपछि यस संगठनको ख्याती फैलिन थाल्यो। एलिजाबेथ गिल्बर्टले डोएन उनको किताब ईट, परे, लवबाट प्रेरित भएको थाहा पाएपछि उनले यस संगठनको लागि पैसा उठाउन गीत गाएकी थिइन्। अगस्ट २०१९ मा ह्यारी र मेगन मार्कलले इन्स्टाग्राममा ब्लिङ्कनाउ लगायत अन्य सङ्घसंस्थालाई उल्लेख गरेका थिए।

बाह्य कडीहरू

• आधिकारिक वेबसाइट
• फेसबुकमा ब्लिङ्कनाउ फाउन्डेसन
• ब्लिङ्कनाउ फाउन्डेसन ट्विटरमा
• इन्स्टाग्राममा ब्लिङ्कनाउ फाउन्डेसन