भिङ्गल

भिङ्गल

साइटको प्रकार	सामाजिक सञ्जाल सेवा
संस्थापित	अक्टोबर २१, २०११ (२०११-१०-21)
संस्थापक (हरू)	छाङसियोङ हो जिवन मुन
मुख्य व्यक्तिहरू	जिवन मुन (प्रमुख कार्यकारी अधिकारी) छाङसियोङ हो (अध्यक्ष तथा प्रमुख सञ्चालन अधिकारी) मार्क तेतो (प्रमुख वित्तीय अधिकारी) हण्टर मुन (बजारशास्त्र व्यवस्थापक)
उद्योग	इन्टरनेट
कर्मचारीहरू	१०+
युआरएल	www.vingle.net
दर्ता	आवश्यक
वर्तमान स्थिति	चालू

भिङ्गल (कोरियाली: 빙글) समुदायमा आधारित एक सामाजिक सञ्जाल सेवा हो।

बारेमा

भिङ्गल एक विश्वव्यापी सामाजिक सञ्जाल सेवा हो। बिङ्गल संसार भरि २६ वटा भाषाहरूमा उपलब्ध छ। जुलाई २०१२ मा यसको परीक्षण वेब सेवाको सुरुवात गरिएको थियो भने मोबाइल अनुप्रयोगमा यो फेब्रुअरी २०१३ मा सुरु गरिएको थियो। सुरुवात देखिनै, भिङ्गलसँग सम्बन्धित देशहरूको सङ्ख्या २०० पुगेको छ जसले गर्दा यो विश्वव्यापी सेवा बनेको छ। सन् २०१५ को अन्त्यसम्म, कोरियामा टुइटरपछि यो सबैभन्दा लोकप्रिय बनेको थियो।

स्थापना तथा सुरुवाती चरण

कम्पनीलाई भिकिका संस्थापक जी वन मुन र छाङ्सियोन होले २१ अक्टोबर २०११ मा, सुरुवात गरेका थिए। यी दुई जना संस्थापकहरले क्रमशः हार्भर्ड ग्रेजुएट स्कुल र स्ट्यानफोर्ड विश्वविद्यालबाट बजार व्यवस्थापनमा स्नातकोत्तर हासिल गरेका थिए। कम्पनीका प्रमुख व्यक्ति तथा संस्थापकहरूको समूहले यसलाई २० करोड अमेरिकी डलरमा भिकिलाई बिक्री गरेका थिए। सन् २०१२ मा, भिङ्गलले कोष सङ्कलनको प्रथम चरणमा के क्युब भेञ्चर्स मार्फत १५ लाख अमेरिकी डलर प्राप्त गरेको थियो। कम्पनीमा सह संस्थापकहरूले यसमा १० लाख अमेरिकी डलर लगानी गरेका थिए र यसको पहिलो ४ महिनामै यसमा ६ लाख सक्रिय प्रयोगकर्ताहरू रहेका थिए। भिकिका प्रयोगकर्ताहरूले दूरदर्शन कार्यक्रम वा चलचित्रहरूको अनुवाद र उपशीर्षक थप्न सक्दछन्। त्यसैले हो र मूनले भिङ्गललाई इच्छुक समूह र संयुक्त कोष परियोजनाहरूको सङ्ख्यालाई वृद्धि गर्न सुरु गरेका थिए।

इच्छुक समुदायको परिचय

हाल, भिङ्गलमा ३,००० भन्दा बढी इच्छुक समुदायहरू रहेका छन्। ती मध्ये, प्रतिनिधि समुदाय प्रेम र प्रेमलीला, पुरुषको फेसन, महिला फेसन, हास्य, सौन्दर्य , यात्रा र भ्रमणमा आधारित छन् जसको सङ्ख्या १० लाख भन्दा बढी रहेको छ। जनवरी २०१६ सम्ममा, विशेष गरी प्रेम र प्रेम समुदायमा १६ लाख भन्दा बढी सदस्यहरू रहेका छन्। यी सङ्ख्याहरू एकल समुदाय सदस्यहरूको हिसाबले देशको सबैभन्दा ठूलो हो। बिङ्गलको प्रतिनिधि समुदायको साथसाथै यहाँ इच्छुक धेरै समुदायहरू छन् जसलाई अरु वेबसाइटमा भेट्टाउन गाह्रो पर्दछ। भिङ्गल एक सही सामाजिक सञ्जाल सेवा हो जसले विश्वभरिका प्रयोगकर्ताहरूलाई विश्वका सबै इच्छा पूर्ण गर्न अनुमति दिन्छ।

अवलोकन

यस सामाजिक सञ्जाल सुरुमा दक्षिण कोरियाली वेबसाइटमा आधारित थियो, तर यो सन् २०१४ मा आइओएस र एन्ड्रोइड अनुप्रयोगमा सरेको थियो। त्यो वर्ष यसको सञ्जालमा २३ लाख प्रयोगकर्ताहरू रहेका थिए। यसको पृष्ठले १० करोड मासिक अवलोकन प्राप्त गरेको थियो जुन लगभग तीन हजार रुचिमा केन्द्रित समुदायहरूमा आधारित थियो। अनुप्रयोगले आफ्नो पहिलो वर्षमा १४ लाख डाउनलोड प्राप्त गरेको थियो। पछि, भिङ्गलले सेवा जापान र संयुक्त राज्य अमेरिकामा विस्तार गर्न थालेको थियो। सन् २०१४ को अन्त्य सम्ममा, भिङ्गलसँग १०५ देशहरूबाट चालिस लाख मासिक आगन्तुकहरू थिए जसमा यसका सामग्रीहरू २६ वटा विभिन्न भाषाहरूमा उपलब्ध थिए। सन् २०१५ सम्ममा, कम्पनीको मूल्य १ अर्ब अमेरिकी डलर पुगेको थियो। भिङ्गलका सोल, टोकियो र सिलिकन उपत्यकामा कार्यालयहरू रहेका छन्।

प्रयोग

भिङ्गललाई यसको समुदायहरूमा पहुँच गर्न प्रयोगकर्ताहरूले खाता खोल्न आवश्यक गर्दछ। उक्त खाता कि त एक प्रयोगकर्ता खाता वा सामाजिक सञ्जाल खाता हुनु पर्दछ।

एक पटक साइटमा, प्रयोगकर्ताहरूले आफ्नो व्यक्तिगत रुचिहरूलाई प्रविष्ट गरेमा, उही विषयहरूमा रुचि राख्ने अन्य प्रयोगकर्ताहरूलाई पछ्याउन साइटले सङ्ग्रह उपकरण प्रयोग गर्न सुरू गर्दछ। प्रयोगकर्ताहरूले आफ्नै सामग्रीहरू सार्वजनिक गर्न सक्छन् जसलाई कार्ड भनिन्छ जसमा श्रव्य दृश्य, तस्वीर, र पाठ समावेश हुन सक्दछ।

बाह्य कडीहरू

• आधिकारिक वेबसाइट