वेदान्तु

वेदान्तु

व्यवसाय प्रकार	निजी
उद्योग	अनलाइन शिक्षा
स्थापित	२०११ (२०११)
स्थापनाकर्ताहरू	वम्सी कृष्ण, पुलकित जंन, सौरभ सक्सिना र आनन्द प्रकाश
केन्द्रीय कार्यालय	बेङ्गलोर, कर्नाटका , भारत
सेवा क्षेत्र	भारत
वेबसाइट	Vedantu.com

वेदान्तु एक अन्तर्क्रियात्मक अनलाइन शिक्षण मञ्च हो जहाँ शिक्षकहरूले विद्यार्थीहरूलाई इन्टरनेट मार्फत विद्यालयका शिक्षण सम्बन्धित सामग्रीहरूको प्रदान गर्दछन् जसले वास्तविक समयमा आभासी शिक्षा वातावरणको प्रयोग गरी सेतोपाटी श्रव्य/श्रव्य दृश्य वातावरण, घरभित्र निर्मित प्रविधिको उपयोग गर्दछ। वेदान्तु शिक्षकहरूको लागि बजार नमूनामा सञ्चालित छ जहाँ विद्यार्थीहरू खोल्न गर्न, पत्ता लगाउन र उनीहरूको मनपर्ने अनलाइन शिक्षक मार्फत सिक्नको लागि छनौट गर्न सक्दछन्। यसले मुख्य रूपमा भारत र मध्य पूर्वमा माध्यमिक शिक्षाको भारतीय प्रमाणपत्र, केन्द्रिय माध्यमिक शिक्षा बोर्डको पाठ्यक्रमका लागि ४ देखि १२ कक्षा सम्मका विद्यार्थीहरूलाई यी सेवाहरूको प्रदान गर्दछ। हाल कम्पनीको प्राथमिक व्यवसाय, विज्ञान (भौतिक विज्ञान, रसायन विज्ञान, जीवविज्ञान), अङ्ग्रेजी, गणित, हिन्दी, संस्कृत, जर्मनेली, फ्रान्सेली, वातावरणीय विज्ञान, शुसाङ्ख्य विज्ञान र सामाजिक विज्ञानको प्रत्यक्ष अनलाइन पठनपाठनमा आधारित छ। यसले भारतीय प्रविधिको संयुक्त प्रवेश परीक्षा, राष्ट्रिय प्रतिभा खोज परीक्षा र समस्या समाधान निर्धारणको लागि परीक्षणका तयारी पाठ्यक्रमहरू पनि प्रदान गरिरहेको दाबी गरेको थियो। यसको अतिरिक्त, यसले अन्तर्राष्ट्रिय गणित ओलम्पियाड र राष्ट्रिय विज्ञान ओलम्पियाडको लागि पाठ्यक्रमहरू पनि प्रदान गर्दछ। कम्पनीको प्रधान कार्यालय कर्नाटकामा रहेको छ।

इतिहास

सन् २०११ मा यसलाई बेङ्गलोरमा आधारित वेदान्तु ईन्नोभेसन प्राइभेट लिमिटेडले एक अनलाइन शिक्षण मञ्चको रूपमा प्रक्षेपण गरेको थियो जसलाई अक्टोबर २०१४ मा सार्वजनिक रूपमा सुरू गरिएको थियो। कम्पनीको नाम वेदान्तु संस्कृत शब्द वेद-ज्ञान र तन्तु-सञ्जालबाट लिइएको मानिएको छ।

यसलाई भारतीय प्रविधि संस्थानका चार साथीहरू वंशी कृष्ण (सह-संस्थापक, प्रमुख कार्यकारी अधिकृत), पुलकित जैन (सह-संस्थापक, प्रमुख उत्पादन), सौरभ सक्सेना (सह संस्थापक, प्रमुख शिक्षाविद्) र आनन्द प्रकाश (सह-संस्थापक) द्वारा सञ्चालन गरिएको थियो। लक्ष्य, एक परीक्षण तयारी शिक्षण कम्पनी पछिको यो तिनीहरूको दोस्रो उद्यम हो। लक्ष्यलाई सन् २०१२ मा एक सार्वजनिक सूचीबद्ध कम्पनी, एमटी एडुकेयरद्वारा सन् २०१२ मा अधिग्रहण गरिएको थियो। सेप्टेम्बर २०१७, वेदान्तुले अन्तर्राष्ट्रिय छात्र लिगको दोस्रो संस्करणको आयोजना गर्ने घोषण गरिएको थियो।

कोष सङ्कलन/लगानी

कम्पनीले ६ महिनाको वर्तमान परिचालन ढाँचा पछि आफ्नो पहिलो चरणको कोष उठाउन सफल भएको थियो। कम्पनीले कोष सङ्कलनको पहिलो चरणमा एक्सेल पार्टनर र टाइगर ग्लोबल म्यानेजमेण्टबाट ५० लाख अमेरिकी डलर सङ्कलन गरेको थियो।

वेदान्तुले ट्याबलेट र मोबाइलका लागि विस्तार गर्न सकिने प्रविधिको साथ समाधान विकास गर्न कोषको उपयोग गर्ने योजना बनाएको थियो जसले सयौं प्रत्यक्ष सिक्ने सत्र एक साथ चलाउन सक्दछ।

सिलिकन उपत्यकाको लगानीकर्ता ओमिड्यार सञ्जालको नेतृत्वमा रहेको कोष सङ्कलनको दोस्रो चरणमा वेदन्तुले १ करोड १० लाख अमेरिकी डलर उठाएको थियो जसमा यसका विद्यमान लगानीकर्ता एक्सेल पार्टनर्सले पनि योगदान पुर्‍याएका थिए।

२९ अगष्ट, २०१९ मा, वेदान्तुले देशव्यापी रूपमा आफ्नो प्रभाव विस्तार गर्न कोष सङ्लनको तेस्रो चरणमा ४ करोड २० लाख अमेरिकी डलर उठाउन सफल भएको थियो।

पुरस्कार तथा मान्यताहरू

१) फेब्रुअरी २०१६ मा, वेदान्तुलाई "शिक्षाको लागि प्रविधि विकास गर्ने सर्वश्रेष्ठ सङ्गठन" को लागि डिएनए अभिनव शिक्षा पुरस्कारको एक विजेताका रूपमा नामकरण गरिएको थियो। २) सन् २०१६ मा, वेदान्तुलाई एडु पुरस्कारको विजेता मध्ये एकको रूपमा नामित गरिको थियो।

२) सन् २०१६ मा सुत्र एचआरद्वारा हेर्नका लागि वेदान्तुलाई १०० सुरुवाती कम्पनीको रूपमा पुरस्कार प्रदान गरिएको थियो।

३) वेदान्तुलाई सन् २०१५ मा एलिट्स विश्व शिक्षा शिखर सम्मेलनद्वारा अनलाइन शिक्षा सुरुवाती वर्षको रूपमा पनि पुरस्कृत गरिएको थियो।

४) सन् २०१५ मा, वेदान्तुलाई प्राक्सिस मिडियाले 'भारतमा, एकदमै होनहार र अभिनव प्रत्यक्ष अनलाइन शिक्षण मञ्चको पुरस्कार पनि प्रदान गरिएको थियो।

बाह्य कडीहरू

• आधिकारिक वेबसाइट