हिसिला यमी

स्वतन्त्र विश्वकोश, नेपाली विकिपिडियाबाट
यसमा जानुहोस्: परिचालन, खोज्नुहोस्
हिसिला यमी

हिसिला यमी नयाँ शक्ति पार्टी को केन्द्रीय नेता हुनुहुन्छ। उहाँ नेपालको पहिलो संविधानसभामा काठमाडौं क्षेत्र नम्बर ७ बाट एकिकृत नेकपा माओवादीबाट प्रत्यक्ष निर्वाचित सभासद् हुनुहुन्थ्यो। उहाँ पहिलो संविधानसभा निर्वाचन अगाडिको भौतिक योजना मन्त्री हुनुहुन्थ्यो। पछि उहाँले पर्यटन मन्त्रालय पनि सम्हाल्नुभयो।

यमी पदमा बहाल रहेकै बेला संविधानसभाको सभासद्मा विजयी हुने मध्ये एक हुनुहुन्छ। यमी विगतमा एकीकृत नेपाल कम्युनिष्ट पार्टी (माओवादी)को केन्द्रीय सदस्य हुनुहुन्थ्यो। उहाँले केही समयसम्म प्राध्यापन पनि गर्नुभयो। उहाँ माओवादी निकट महिला संघको केन्द्रीय अध्यक्ष पनि बन्नुभयो। पूर्वमन्त्री धर्मरत्न यमीकी छोरी भएकाले राजनैतिक वातावरणमा हुर्कनुभएकी यमी सानैदेखि नै राजनीतिप्रति रुची थियो। उहाँ ०३६ देखि मोहनविक्रम सिंहले नेतृत्व गरेको मसालबाट राजनीति यात्रा थाल्नुभएको थियो। यमी ०६२मा आफ्ना पति डा.बाबुराम भट्टराई, दीनानाथ शर्मासँगै पार्टीबाट कारबाही पर्नुभयो। केही समयपछि पुनः बहाली गरिएको थियो।

४८ वर्षीया यमी औपचारिकरूपमा बेलायतबाट आर्किटेक्चर 'हाउजिङ'मा स्नातकोत्तर हुनुहुन्छ। यमी संयुक्त सरकारको आवास तथा भौतिक योजनामन्त्री बन्नुभयो।

राज्यको पुनर्संचनामा आर्थिक, सामाजिक क्रान्तिलाई जोड दिदै संविधानमा नै शिक्षा, स्वास्थ्य र रोजगारलाई मौलिक हकको रूपमा सुनिश्चित गर्ने उहाँको एजेण्डा छ। आफूले जनताको लागि गरेको त्याग र माओवादीले संविधानसभाको लागि यति धेरै बलिदान गरेकाले आफूलाई जनताले विजयी बनाएको उहाँको तर्क छ।[१]

यमीको एक छोरी मानुषी यमी भट्टराई हुनुहुन्छ।

सन्दर्भ[सम्पादन गर्ने]