बाइटडान्स

बाइटडान्स लिमिटेड (जुजि थाओदोङ)

मौलिक नाम	字节跳动有限公司
व्यवसाय प्रकार	निजी कम्पनी
उद्योग	इन्टरनेट
स्थापित	मार्च २०१२ (२०१२-०३)
स्थापनाकर्ता	झाङ यिमिङ 张辅评
केन्द्रीय कार्यालय	ह‌ैदियान जिल्ला, बेइजिङ , चीन (विश्वव्यापी सञ्चालन प्रधान कार्यालय) केम्यान टापु (कानुनी अधिवास)
सेवा क्षेत्र	विश्वव्यापी
मुख्य व्यक्ति	झाङ यिमिङ, अध्यक्ष र कार्यकारी केभिन मायर, सञ्चालन अधिकृत लिदोङ झाङ, जुजि थाओदोङका प्रमुख नान झाङ, जुजि थाओदोङका सञ्चालन अधिकारी फुफिङ झाङ, बाइटडान्सको साम्यवादी दल समितिका सचिव
उत्पादनहरू	ताओतिआओ टिकटक / दोउयिन भिगो हेलो रेस्सो
आम्दानी	¥१४० अर्ब ($२० अर्ब, सन् २०१९)
वेबसाइट	www.bytedance.com

बाइटडान्स लिमिटेड (चिनियाँ: 字节跳动); (फिनयिन : Zìjié Tiàodòng) (उच्चारण:जुजि थाओदोङ) एक चिनियाँ बहुराष्ट्रिय इन्टरनेट प्रविधि कम्पनी हो जसको प्रधान कार्यालय राजधानी बेइजिङमा अवस्थित छ। सन् २०१२ मा झाङ यिमिङले यसको स्थापना गरेका थिए। बाइटडान्सको मूल्य मे २०२० सम्म १०० अर्ब अमेरिकी डलर भन्दा बढी रहेको अनुमान गरिएको छ।

बाइटडान्सको मुख्य उत्पादनहरूमा तोउतिआओ पर्दछ जुन चीन र विश्वभरिका लागि समाचार सामग्री प्रदान एक मञ्च हो। तोउतिआओको सुरुवात एक समाचार सिफारिस सेवाको रूपमा भएको थियो र बिस्तारै यो विभिन्न ढाँचामा सामग्री वितरण गर्ने मञ्चमा विकसित भएको थियो जसमा जस्तै पाठ, तस्वीर, प्रश्न-उत्तर, सुक्ष्म अनुदैनिकी , र भिडियोहरू समावेश छन्। यो एक लोकप्रिय भिडियो साझेदारी सेवा दोउयिन (टिकटक)को पनि विकासकार्ता हो। यसले ९ नोभेम्बर २०१७ मा, १ अर्ब अमेरिकी डलरमा म्युजिकल्लीको अधिग्रहण गर्दै यसलाई २ अगस्त २०१८ मा, आफ्नो टिकटकमा गाभेको थियो।

नोभेम्बर २०१८ सम्म, बाइटडान्ससँग यसको सबै सामग्री मञ्चहरूमा गरी ८० करोड दैनिक सक्रिय प्रयोगकर्ताहरू (१ अर्ब भन्दा बढी सञ्चयित प्रयोगकर्ताहरू) थिए। अगस्त २०१८ मा, फोर्ब्सले यसको मूल्य ७.८ करोड अमेरिकी डलर भन्दा बढी रहेको जनाएको थियो जसले गर्दा यो विश्वको प्रमुख इन्टरनेट कम्पनीहरू मध्ये एक रूपमा रहन सफल भएको थियो। कम्पनीसँग आन्तरिक समिति रहेको छ साथै यसले बेइजिङ र साङ्हाईमा गरी सार्वजनिक सुरक्षा मन्त्रालय र चिनियाँ साम्यवादी दल समर्थित उद्यमसँग रणनीतिक साझेदारी पनि कायम गरेको छ। बाइटडान्स कोहलबर्ग क्रभिस रोबर्ट्स, सफ्टब्याङ् समूह, सेक्वाइया, जनरल अटलान्टिक पूँजी समूह, र हिलहाउस पूँजी लगायतका लगानीकर्ता समूहद्वारा समर्थित छ।

इतिहास

सन् २०१२ मा, जाङ यिमिङले यसको स्थापना गरेका थिए। झाङ यिमिङले चिनियाँ इन्टरनेट प्रयोगकर्ताहरू प्राय: उनीहरूले इन्टरनेटमा रुचि राख्ने खालको जानकारी फेला पार्न नसकेको भन्दै यसको स्थापना गरेका थिए। बाइटडान्सले अगस्त २०१२ मा समाचार सिफारिश अनुप्रयोग तोउतिआओको सुरूवात गरेको थियो। मञ्चले प्रयोगकर्ताहरूले कस्ता खालका सामग्रीहरू पढ्न रूचि राख्छन् भन्ने बारेमा अध्ययन गर्दै अभिरुचिहरूमा आधारित जानकारी र लेखहरू सिफारिश गर्दछ। सन् २०१३ को बीचमा, तोउतिआओको दैनिक सक्रिय प्रयोगकर्ताहरूको सङ्ख्याले १ करोड पार गरेको थियो।

सेप्टेम्बर २०१६ मा, बाइटडान्सले चिनियाँ बजारको लागि दोउयिनको सुरुवात गरेको थियो। यसमा तयार गरिएका सामग्रीहरूलाई कम्पनीले विवाओ र विच्याट जस्ता मञ्चहरूमा सार्वजनिक गर्न सकिने सुविधा पनि यसले सञ्चालन गरेको छ। अनुप्रयोगले ३ देखि १५ सेकेन्ड सम्मको ओठ समक्रमण समावेशको भिडियो सार्वजनिक गर्न अनुमति दिन्छ भने यसले छोटो दोहोरिँदो भिडियोको लम्बाईलाई ३ देखि ६० सेकेन्ड सम्ममा सीमित गरेको छ। बाइटडन्सको प्रारम्भिक सफलताले यसको प्रतिद्वन्द्वीको भन्दा बढी लगानी ल्याउन सफल भएको थियो जुन सेक्वाइया क्यापिटल जस्ता प्रख्यात लगानीकर्ताहरू सहितका लगानकर्ताहरूले त्यस समयमा यसमा १ अर्ब अमेरिकी डलर भन्दा बढी लगानी गरेका थिए। कोष र लोकप्रियताको निरन्तर बृद्धिसँगै, दोउयिनले प्रतिस्पर्धी अनुप्रयोगहरूबाट लोकप्रिय सामग्री उत्पादकहरूको अन्वेषण गर्न र विशेष सिर्जनाको लागि भुक्तानी गर्न सुरु गरेको थियो। सन् २०१७ मा, बाइटडान्सले दोउयिन (अन्तर्राष्ट्रिय बजारमा टिकटकको रूपमा परिचित) म्यूजिकल्ली नामक मोबाइल फोन अनुप्रयोगको अधिग्रहण गरेको थियो जसलाई एक चिनियाँ संस्थापकले संयुक्त राज्य अमेरिकामा $८० करोड अमेरिकी डलर साथ लागि स्थापना गरेका थिए र पछि यसले उक्त अनुप्रयोगलाई दोउयिनमा समाविष्ट गरेको थियो। १९ मे २०२०, बाइटडान्स र डिज्नीले एक घोषणा जारी गर्दै डिज्नीको इन्टरनेट व्यवसायका प्रमुख केभिन मेयर बाइटडान्समा सामेल हुने बताएको थियो। १ जुन २०२० देखि, मेयर टिकटकको कार्यकारी र बाइटडान्सको सञ्चालन अधिकृतको रूपमा रूपमा सेवा गरिरहेका छन्।

मुद्दाहरू

हुसिउ

डिसेम्बर २०१८ मा, हुसिउ बाइटडान्सको विरुद्ध मानहानीका लागि मुद्दा दर्ता गरेको थियो जहाँ यसले बाइटडन्सको भारतीय भाषा समाचार अनुप्रयोग हेलोले गलत सूचना प्रचार गरेको आरोप लगाएको थियो।

अमेरिकी बालबालिका अनलाइन गोपनियता ऐन अन्तर्गत जरिवाना

२७ फेब्रुअरी २०१९ मा, संयुक्त राज्य अमेरिकाको सङ्घीय व्यापार आयोगलेले बालबालिकाको अनलाइन गोपनीयता सुरक्षा ऐनको उल्लङ्घन गरेको र १३ वर्ष मुनिका बालबालिकाहरूको सूचना सङ्कलन गरेकोमा बाइटडन्सलाई ५७ लाख अमेरिकी डलर जरिवाना लगाएको थियो। बाइटडन्सले यसको जवाफमा बालबालिका मैत्री शैली अपनाउँदै श्रब्य दृश्य उर्ध्वभरण गर्न, प्रयोगकर्ता खाताहरू निर्माण गर्न र प्रत्यक्ष सन्देश पठाउन र अन्यको भिडियोमा टिप्पणी गर्न रोकेको थियो। तथापि, यसले अझै पनि सामग्रीको अवलोकन र कैदलाई अनुमति दिएको थियो। मे २०२० मा, एउटा वकिलको समूहले सङ्घीय व्यापार आयोगमा उजुरी दायर गरेको थियो र टिकटकले फेब्रुअरी २०१९ को सहमतिको उल्लङ्घन गरेको जनाएको थियो।

टिकटकमा प्रतिबन्ध

भारतको सम्प्रभुत्ता र सुरक्षाको निम्ति खतरा भएको भन्दै भारतको विद्युतीय तथा सूचना प्रविधि मन्त्रालयले बाइटडान्सको अधिनमा रहेको टिकटक अनुप्रयोगहरूलाई प्रतिबन्ध गर्ने घोषणा गरेको थियो। पछि, यस प्रतिबन्धबाट बाइटडान्सले ६ अर्ब अमेरिकी डलर गुमाएको जनाइएको थियो।