मोहम्मद साहाबुद्दिन

महामहिम, सम्माननीय मोहम्मद साहाबुद्दिन
মোহাম্মদ সাহাবুদ্দিন
सन् २०२३ मा साहाबुद्दिन
२२औँ बङ्गलादेशको राष्ट्रपति
बहालवाला
पद बहाली २४ अप्रिल २०२३
प्रधानमन्त्री	शेख हसिना मुहम्मद युनुस (कामचलाउ)
पूर्वाधिकारी	अब्दुल हमिद
व्यक्तिगत विवरण
जन्म	मोहम्मद साहाबुद्दिन (1949-12-10) १० डिसेम्बर १९४९ पाबना, पूर्वी बङ्गाल, पूर्वी पाकिस्तान
राष्ट्रियता	बङ्गलादेशी
राजनीतिक दल	बङ्गलादेश अवामी लिग
जीवन साथी	रेबेका सुल्ताना ( वि १९८२)
सन्तान(हरू)	अरशाद अदनान
निवास(हरू)	बङ्गभवन, ढाका, बङ्गलादेश
मातृ शिक्षाप्रतिष्ठान	सरकारी एडवार्ड कलेज, पाबना राजशाही विश्वविद्यालय (विज्ञान स्नातकोत्तर) सहिद अमिनुद्दिन कानुन कलेज (कानुन स्नातक)
उपनाम	चुप्पु
सैन्य सेवा
शाखा/सेवा	मुक्तिवाहिनी  ∟ मुजिबवाहिनी
सेवाको वर्षहरू	सन् १९७१
लडाई/युद्धहरू	बङ्गलादेशको स्वतन्त्रता युद्ध

मोहम्मद साहाबुद्दिन (बङ्गाली: মোহাম্মদ সাহাবুদ্দিন, जन्म: १० डिसेम्बर १९४९) चुप्पु (बङ्गाली: চুপ্পু) नामले पनि परिचित, बङ्गलादेशका २२औँ र वर्तमान राष्ट्रपति, न्यायविद्, निजामती कर्मचारी र राजनीतिज्ञ हुन्। उनी सन् २०२३ को राष्ट्रपतीय चुनावमा सत्तारुढ अवामी लिगको मनोनयनमा निर्विरोध निर्वाचित भएका थिए। साहाबुद्दिनले सन् २०११ देखि २०१६ सम्म जिल्ला न्यायाधीश र भ्रष्टाचार विरोधी आयोगका आयुक्तको रूपमा काम गरेका थिए।

प्रारम्भिक जीवन र शिक्षा

साहाबुद्दिनको जन्म सन् १९४९ डिसेम्बर १० का दिन पूर्वी पाकिस्तानको (हाल बङ्गलादेश) पबना सदर उपजिल्लाको शिवरामपुर गाउँमा भएको थियो। उनका बुबाको नाम सर्फुद्दिन अन्सारी र आमाको नाम खयरुन्नेसा थियो। उनले सन् १९६६ मा पबना राधानगर मजुमदार एकेडेमी स्कुल एन्ड कलेजबाट प्रवेशिका परीक्षा, सन् १९६८ मा पबना एडवर्ड कलेजबाट एचएससी, सन् १९७१ मा बिएससी उतिर्ण गरेका थिए। उनले सन् १९७४ मा राजशाही विश्वविद्यालयबाट मनोविज्ञानमा एमएससी गरेका थिए। उनले सन् १९७५ मा अमिनुद्दिन कानुन कलेजबाट कानुन स्नातकोत्तर प्राप्त गरेका थिए।

राष्ट्रपतित्व

राष्ट्रपति पद

मन्त्रिपरिषद् विभागद्वारा प्रकाशित राजपत्र

सन् २०२३ फेब्रुअरी १३ का दिन साहाबुद्दिन बङ्गलादेशको २२औँ राष्ट्रपतिको रूपमा निर्विरोध निर्वाचित भएका थिए। त्यसको अघिल्लो दिन अर्थात् १२ फेब्रुअरी मा बङ्गलादेश अवामी लिगको उम्मेदवारको रूपमा राष्ट्रपति पदका लागि उनको नाममा दुई नामाङ्कन पत्र दायर गरिएको थियो। मुख्य निर्वाचन आयुक्त काजी हबिबुल अवालले १३ फेब्रुअरीमा मोहम्मद साहाबुद्दिनलाई औपचारिक रूपमा राष्ट्रपतिको रूपमा घोषणा गरेका थिए। २४ अप्रिल २०२३ मा बङ्गलादेशको जातीय संसदका सभामुख शिरीन शर्मिन चौधुरीले उनलाई बङ्गलादेशको राष्ट्रपतिको रूपमा बिहान ११ बजे बङ्गभवनमा पद तथा गोपनीयताको शपथ गराएकी थिइन्। सोही दिन, राष्ट्रपतिद्वारा पदभार ग्रहण गर्ने सम्बन्धमा मन्त्रिपरिषद् महाशाखाद्वारा आधिकारिक राजपत्रलाई प्रकाशन गरिएको थियो।