अङ्गुरबाबा जोशी

स्वतन्त्र विश्वकोश, नेपाली विकिपिडियाबाट
यसमा जानुहोस्: परिचालन, खोज्नुहोस्
अङ्गुरबाबा जोशी
जन्म नेपाल
नागरिकता नेपाली
पेशा शिक्षा, समाजसेवी
धर्म हिन्दु
जिवनसाथी बलराम जोशी

अङ्गुरबाबा जोशी क्याम्पस प्रमुख बन्ने पहिलो नेपाली महिला हुन्[स्रोत नखुलेको]| शिक्षा क्षेत्र र समाजसेवामा उनको ठुलो योगदान रही आएको छ |


शुरूवाती जीवन[सम्पादन गर्ने]

पहिलेको चलन अनुसार अंगुरबाबा जोशीको वाल विवाह भएको थियो। एघार वर्षको कलिलो उमेरमै ‍उनी बलराम जोशीसँग विवाह बन्धनमा बाधिइन्। जसले गर्दा उनले विद्यालय गएर औपचारीक शिक्षा हासिल गर्ने मौका पाइनन्। तर खाने मुखलाई जुँगाले छेक्दैन भने झैं उनले घरमै पढेर हाइस्कुलको पढाइ पूरा गरिन्। परिवारमा विशेष गरी सासुको सहयोगले उनले घरमै स्वअध्ययनको परिणाम स्वरुप उनलाई यो सफलता मिलेको थियो। सन् १९४८ मा श्रीमान–श्रीमतीले सँगै एसएलसी दिए । श्रीमान बोर्डमा परे, उनी दोस्रो श्रेणीमा पास भइन्।

उनले प्राइवेट रुपमा अध्ययन गरेर आईए उतिर्ण गरेपछि पढाइको सिलसिलामा श्रीमानसँगै बनारस गइन् र त्यहाँ उनी राजनीति शास्त्र र संस्कृत विषयमा विएमा भर्ना भइन्। बनारसबाट पढाई सिध्याएर फर्केपछि उनले पद्मकन्या कलेजमा अध्यापन गर्न थालिन। यसबिच वृटिस सरकारद्धारा प्रदान गरीने कोलम्बो प्लान अन्तर्गतको छात्रवृत्ति उनले पनि पाइन र वेलायतको अक्सफोर्ड यनिभर्सिटी अन्तर्गतको समरभिल कलेजमा अध्ययन गर्न थालिन्। चार वर्षमा उनले आफ्नो अध्ययन पुरा गरीन।

शिक्षा क्षेत्रमा योगदान[सम्पादन गर्ने]

पहिलो महिला क्याम्पस प्रमुख[सम्पादन गर्ने]

बेलायतबाट फर्केपछि भने वि. सं. २०१९ मा पद्मकन्या कलेजमा अध्यापन गर्न थालिन । १८ वर्षको सेवा कालमा जोशीले १२ वर्ष क्याम्पस प्रमुखको रुपमा काम गरीन्।[स्रोत नखुलेको]


समाज सेवा[सम्पादन गर्ने]

भौतिक सम्पन्नता र अध्यात्मिक जागरणको सम्मिश्रणलाई नै सफलताको कडी मान्ने जोशीले आफ्नो कामहरुमा यही दर्शनलाई प्रतिबिम्वित गरीन्।

क्यान्सर रोगसंग संघर्ष[सम्पादन गर्ने]

स्वास्थ्य सम्बन्धि विभिन्न समस्या सहित जन्मिएकी जोशीले दुईपटक क्यान्सर रोगलाई जितिन् । घाँटीमा लागेको क्यान्सर काटेर फाल्दा उनको अनुहार बाङ्गियो, तर सकारात्मक सोच र आध्यात्मिक चिन्तनका कारण कठिन शारीरिक अवस्थामा पनि उनी बिचलित भइनन्। अध्यात्मिक साधनाले नै उनलाई जीवनका कठिनाईहरुसँग जुझ्न प्रेरणा दियो। शारीरिक समस्याहरुका कारण जीवन प्रति भरोसा गुमाएकाहरुका लागि अंगुरबाबा जोशी असल प्रेरणाकी स्रोत हुन सक्छिन्।

कृति[सम्पादन गर्ने]

  • 'क्यान्सर : बरदान'
  • ‘वृद्धा अवस्था : जीवनको श्रीपेच’
  • ‘दीक्षा’

उनको साहित्यिक योगदानलाई कदर स्वरुप अंगुरबाबा जोशीले २०७२ सालको जगदम्बा श्री पुरस्कार समेत प्रदान गरीयो।

सन्दर्भ सामग्री[सम्पादन गर्ने]

बाह्य कडीहरु[सम्पादन गर्ने]