उदयदेव

उदयदेव
नेपाल मण्डलको राजा
शासनकाल	६२१–६२४
पूर्वाधिकारी	अंशुवर्मा
उत्तराधिकारी	ध्रुवदेव जिष्णु गुप्त
सन्तान	नरेन्द्रदेव
वंश	लिच्छवि
बाबु	शिवदेव प्रथम
धर्म	हिन्दु धर्म

उदयदेव नेपालको लिच्छवी राजा थिए। उनले सन् ६२१ मा अम्शुवर्माको उत्तराधिकारी भए तर चाँडै नै जिष्णु गुप्त र उनका भाइ ध्रुवदेवले उनलाई हटाए। उदयदेवलाई भृकुटीका पिता पनि मानिन्छ। उदयदेव राजा शिवदेव प्रथमका छोरा थिए र यसरी नेपालको एक वैध उत्तराधिकारी थिए। तर सामन्ती शासक अम्शुवर्माले शिवदेव प्रथमको शासनकालमा पूर्ण कार्यकारी अधिकारको घोषणा गरे र आफैले ५९८ बाट राजाको रूपमा शासन गरे।

राज्यकाल

अंशुवर्माले आफ्नो राज्यकालमा लिच्छविवंशीय उदयदेवलाई उत्तराधिकारी घोषणा गतेका थिए। राजा अंशुवर्माको मृत्युअपछि उदयदेव गद्दीमा बसे। उदयदेव राजा भएपछि गुप्तहरू पुनः शक्ति आर्जन गर्न सफल भए। गुप्तहरूका नेता जिष्णु गुप्त र उदयदेवका बीच शक्तिको लागि तनाव चल्यो।

सत्ताबाट बाहिर

गुप्तहरू शक्ति आर्जनका निम्ति उदयदेवका भाई ध्रुवदेवलाई उचालेर उदयदेवका विरुद्ध प्रयोग गरे। आफ्नै भाइले भारदारको कुरामा बहकिएर विद्रोह गर्दा उदयदेव नेपालमा टिक्नै नसक्ने भए। उनी नेपालबाट तिब्बततिर राजनैतिक शरणार्थीको रुपमा लागे।

मृत्यु

तिब्बतमा नै उनको मृत्यु भयो। तिब्बतमा उनका छोरा र छोरी बस्न थाले।