एभरेस्ट म्याराथन

स्वतन्त्र विश्वकोश, नेपाली विकिपिडियाबाट
Jump to navigation Jump to search

सगरमाथाको आधार शिविरको ५ हजार ३ सय मिटरबाट सुरु भई झन्डै ४३ किलोमिटरपछि ३ हजार ४ सय ५० मिटरको नाम्चेमा पुगेर टुंगिने यो म्याराथन विश्वकै सर्वाधिक जोखिमपूर्ण एवं सुन्दर म्याराथन मानिन्छ| धावकहरूले म्याराथनका क्रममा गोरकसेप, लोबुचे, थुक्ला, बिब्रे, प्याङबोचे, त्याङबोचे, लोबिसासा, काङजुमा र छोर्तेनजस्ता स्थानहरु पार गरी ४३ कि मी दुरी पार गर्नु पर्छ|

एभरेस्ट म्याराथन(२०१३) जित्न धावक रामकुमार राजभण्डारीले ३ घन्टा ५९ मिनेट ४५ सेकेन्ड लगाए। दौडको शीर्ष १७औँ स्थानसम्म नेपाली धावक नै रहे। दोस्रोमा आए, डीबी कुलुङ राई। तीर्थ तामाङ तेस्रो भए। म्याराथन सुरु हुनुअगाडि तीनपल्टका विजेता फुर्वा तामाङ र अन्नपूर्ण अल्ट्रारेसका विजेता उपेन्द्र सुनुवारलाई बलियो दाबेदार मानिएको थियो। तर, उनीहरूलाई यसपल्ट भाग्यले साथ दिएन। इन्डियन आर्मीका विष्णुबहादुर राना १८औँ स्थानमा आए। यस्तोमा उनी विदेशी सहभागी धावकमध्ये पहिलो भए। तर, उनी पनि रहे, नेपाली मूलकै। विष्णुबहादुरले दौड ६ घन्टा १ मिनेट १० सेकेन्डमा पूरा गरे। विदेशीमध्ये नेदरल्यान्ड्सका गेरमिट भोट्मन दोस्रो र इन्डियन आर्मीकै मनवीर सिंह तेस्रो भए।

एभरेस्ट म्याराथन 'अल्ट्रा रेस'मा भने पर्दैन। यो प्रतियोगतालाई 'एडभेन्चर स्पोर्ट्स' भन्दा हुन्छ। 'अल्ट्रा रेस' अलिक बढी नै कठिन हुने गर्छ।

हिमाली म्याराथन