किडरेक्स

स्वतन्त्र विश्वकोश, नेपाली विकिपिडियाबाट
Jump to navigation Jump to search
किडरेक्स
साइटको प्रकार
सहायक कम्पनी
उपलब्ध भाषाअङ्ग्रेजी
वेबसाइटalarms.org/kidrex/
दर्ताचाहिँदैन
आरम्भडिसेम्बर २००८
वर्तमान अवस्थाचालू

किडरेक्स डट अोआरजी बालबालिकाहरका लागि सुरक्षित मानिएको एक वेब खोज इञ्जिन हो जसलाई गुगल अनुकूलन खोजीले सञ्चालन गर्ने गरेको छ।[१][२] साइटले गुगल सुरक्षित खोजीको प्रयोग गर्दछ र अनुचित वेबसाइट तथा शब्दहरूलाई आफ्नै भण्डारमा कायम राख्दछ। वेबसाइटको बनावट, हातले कोरिएको रङ्गीत सिसाकलम र रङ्गीन कलमको जस्तो छ। टाइम पत्रिकाले यसलाई सन् २०१३ को शीर्ष ५० वेबसाइटहरूको सूचिमा राखेको थियो र उक्त पत्रिकाले यसलाई गुगलसँग पनि तुलना गरेको थियो। यसलाई धेरै विद्यालयहरूले प्रयोग गर्दै आइरहेका छन्।[३]

ढाँचा[सम्पादन गर्ने]

किडरेक्स खोज परिणामहरू रङ्ग र दृश्य समावेश गरिएको हुन्छ जून डेस्कटप प्रयोगको लागि बनाइएको थियो। यसको वेबसाइट मोबाइल मैत्री भने छैन। एक निषेधित खोज शब्दले ४०४ रङ्गीन सिसाकलमको शैलीमा परिणाम पृष्ठमा त्रुटि देखाउँछ र प्रयोगकर्तालाई "पुनः प्रयास गर्न" आग्रह गर्दछ। सामाजिक सञ्चार माध्यमका वेबसाइटहरूलाई किडरेक्सद्वारा कडाइका साथ प्रतिबन्ध गरिएको थियो।[४]

इतिहास[सम्पादन गर्ने]

किडरेक्स डट अोआरजीलाई, डिसेम्बर २००८ मा प्रक्षेपण गरिएको थियो। सुरुवातको एक दशक पछि सन् २०१८ मा अज्ञात रकमका लागि यसलाई अल्राम्स डटअोआरजीद्वारा अधिग्रहण गरिएको थियो।[५] अल्राम्स डट अोआरजी प्रदर्शन गर्दै आइरहेको विज्ञापनलाई उक्त वर्षमा हटाएको थियो। अधिग्रहण लगत्तै, वेबसाइटको डोमेन नाम प्रविष्ट गर्दा प्रयोगकर्ता यसको अभिभावक कम्पनी अल्राम्समा पुनर्निर्देशित हुन्छन्।[६][७] किडरेक्स प्रो अधिक सुविधाहरूको साथ वेबसाइट भुक्तान संस्करण हो। किडरेक्स प्रो हाल मर्मतका लागि बन्द गरिएको छ र नयाँ ब्राण्ड सेवामा पुनर्कल्पना गरिएको छ।

विवाद[सम्पादन गर्ने]

एक सुरक्षा अन्वेषकलाई यस खोजी इञ्जिनले वयस्क आधारित सामग्रीहरूका लागि खोजी परिणामहरूको प्रयोग गर्न सक्षम बनाएका कारण सन् २०१८ मा, किडरेक्सको "सुरक्षित" दाबी माथि शङ्का उत्पन्न गरिएको थियो। किडरेक्स र बालबालिकाहरूका लागि लक्षित अर्को सुरक्षित खोजी इञ्जिन, किडलले यौन अभिमुखीकरण सम्बन्धी शब्दहरूलाई प्रतिबन्ध गरेको थिए जसलाई प्रयोगकर्ताहरूले आलोचना गरेका थिए।[८]

यो पनि हेर्नुहोस्[सम्पादन गर्ने]

सन्दर्भ सामग्रीहरू[सम्पादन गर्ने]

  1. "KidRex Provides Hassle-Free Web Search Filtering for Kids", लाइफ ह्याकर, २००९-०२-०१। 
  2. "Use KidRex to Protect Your Children Online", पिसि वर्ल्ड, २००९-०५-२४। 
  3. रोचम्यान, बोनी (मे १, २०१३), "सन् २०१३ का ५० उत्कृष्ट वेबसाइटहरू", टाइम, मूलबाट मे ११, २०१३-मा सङ्ग्रहित, अन्तिम पहुँच मे १२, २०१३ 
  4. "किडरेक्स र डाइनोसर्च - बालबालिकाहरूका लागि सुरक्षित खोज इञ्जिनहरू", डाइनो सर्च डटकम, अन्तिम पहुँच २०१९-१०-०४ 
  5. "Welcome Kidrex! | National Council For Home Safety and Security" (अमेरिकी अङ्ग्रेजीमा), अन्तिम पहुँच २०१९-१०-०४ 
  6. "Welcome Kidrex! | National Council For Home Safety and Security" (अमेरिकी अङ्ग्रेजीमा), अन्तिम पहुँच २०१९-१०-०४ 
  7. "KidRex Pro - Web Filtering", अल्राम्स डटकम, अन्तिम पहुँच २०१९-१०-०४ 
  8. "gay - KidRex", अल्राम्स डट अोआरजी, अन्तिम पहुँच २०१९-०२-०२ 

बाह्य सूत्रहरू[सम्पादन गर्ने]