जयपुरी घर्ती

जयपुरी घर्ती
महिला, बालबालिका तथा समाजकल्याण मन्त्री
कार्यकाल वि.सं. २०६८ साउन १६ – वि.सं. २०६८ भदौ १२
व्यक्तिगत विवरण
जन्म	रोल्पा जिल्ला, नेपाल
नागरिकता	नेपाली
राजनीतिक दल	नेपाल कम्युनिष्ट पार्टी
पेशा	राजनीतिज्ञ

जयपुरी घर्ती नेपालकी राजनीतिज्ञ तथा पूर्व महिला, बालबालिका तथा समाजकल्याण मन्त्री हुन्।वि.सं. २०७५ असोज ५ गते प्रतिनिधि सभाको शिक्षा तथा स्वास्थ्य समितिको सभापति पदमा निर्वाचित रहेर काम गरिसकेकी उनी नेपाली राजनीतिमा सक्रिय महिला राजनीतिज्ञ हुन्।

जीवनी

जयपुरीको जन्म रोल्पा जिल्लाको पश्चिम पहाडी गरीब किसान परिवारमा भएको हो। जयपुरी आठ दिदीबहिनीमा सातौँ हुनुहुन्छ। जयपुरी सानैदेखि विद्रोही स्वभावकी थिइन्।

राजनिती

एकीकृत नेकपा माओवादीको तर्फबाट संविधान सभाको चुनावमा रोल्पा-१बाट विजयी सभासद् जयपुरी घर्तीमगर माओवादीको भगिनी सङ्गठन अखिल नेपाल महिला सङ्घ (क्रान्तिकारी)की अध्यक्ष तथा माओवादी मगरात राज्य समिति सदस्य हुनहुन्छ। वि.सं. २०४६ देखि विद्यार्थी राजनीतिबाट वामपन्थी राजनीतिमा प्रवेश गर्नुभएकी जयपुरीले विद्यालयको पढाइलाई माया मारेर जनयुद्धमा होमिनु भएकी थिइन्। माओवादी जनमुक्ति सेनामा काम गरेकी जयपुरी वि.सं. २०५० देखि अनेम सङ्घ क्रान्तिकारीको केन्द्रीय सदस्य, उपाध्यक्ष हुँदै वि.सं. २०६० देखि अध्यक्ष हुनुहुन्छ।