सामग्रीमा जानुहोस्

ढाका स्टक एक्सचेन्ज

विकिपिडिया, एक स्वतन्त्र विश्वकोशबाट
ढाका स्टक एक्सचेन्ज
ঢাকা স্টক এক্সচেঞ্জ
प्रकारस्टक एक्सचेन्ज
स्थानढाका, बङ्गलादेश
निर्देशाङ्क२३°५०′१०″N ९०°२५′०२″E / २३.८३६०°N ९०.४१७३°E / 23.8360; 90.4173निर्देशाङ्कहरू: २३°५०′१०″N ९०°२५′०२″E / २३.८३६०°N ९०.४१७३°E / 23.8360; 90.4173
स्थापना१९५४; ७० वर्ष अघि (१९५४)
मालिकढाका स्टक एक्सचेन्ज लिमिटेड
प्रमुख व्यक्तिप्राध्यापक हफिज मोहम्मद हसन बाबु
(अध्यक्ष)
मुद्राटाका (৳)
सूचीकृत कम्पनीहरू६५१[१]
बजार पूँजीकरण$ ७२.१ अर्ब (सन् २०२३)[२]
वेबसाइटdsebd.org

ढाका स्टक एक्सचेन्ज (बङ्गाली: ঢাকা স্টক এক্সচেঞ্জ) निकुञ्ज ढाकामा अवस्थित बङ्गलादेशको दुई स्टक एक्सचेन्जहरू मध्ये एक हो, अर्को चट्टोग्राम स्टक एक्सचेन्ज हो।[३] जनवरी २०२३ मा, ढाका स्टक एक्सचेन्ज र न्याजड्याकले व्यापार प्रविधिसँग साझेदारीको घोषणा गरेका थिए।[४]

इतिहास[सम्पादन गर्नुहोस्]

पहिलो पटक २८ अप्रिल १९५४ मा यो पूर्वी पाकिस्तान स्टक एक्सचेन्ज एसोसिएसन लिमिटेडको रूपमा स्थापित भएको थियो र सन् १९५६ मा औपचारिक रूपमा व्यापार सुरु गरेको थियो। २३ जुन १९६२ मा यसको नाम परिवर्तन गरी पूर्वी पाकिस्तान स्टक एक्सचेन्ज लिमिटेड राखिएको थियो। १३ मे १९६४ मा, यसको नाम ढाका स्टक एक्सचेन्ज लिमिटेडमा बदलिएको थियो। सन् १९७१ को स्वतन्त्र युद्धपछि यसलाई पाँच वर्षका लागि बन्द गरिएको थियो। सन् १९७६ मा बङ्गलादेशमा व्यापार पुनः सुरु भएको थियो। १ नोभेम्बर १९९३ मा अन्तर्राष्ट्रिय वित्त निगमको अनुसार यसको सबै सेयर मूल्य सूचकाङ्क गणना गर्ने सूत्र परिवर्तन गरिएको थियो। स्वचालित व्यापार १० अगस्ट १९९८ मा सुरु भएको थियो र १ जनवरी २००१ मा सुरु भएको थियो। एक केन्द्रीय धितो निक्षेप प्रणाली २४ जनवरी २००४ मा सुरु गरिएको थियो।

१६ नोभेम्बर २००९ सम्म, ढाका स्टक एक्सचेन्ज (डिएसई)को सेयर बजार सूचकाङ्कले पहिलो पटक ४००० अङ्क पार गरेको थियो र ४१४८ अङ्कमा अर्को नयाँ उचाई कायम गरेको थियो। सन् २०१० मा सूचकाङ्कले ८५०० अङ्क पार गरेको थियो र अन्ततः सन् २०११ को पहिलो त्रैमासिकमा अङ्कमा गिरावट आएको थियो। सन् २०११ को बङ्गलादेशको शेयर बजार घोटालाले गर्दा लाखौँ लगानीकर्ताहरूले आफ्नो पैसा गुमाउँदै आन्दोलन उत्रिएका थिए जहाँ उनीहरूले सट्टेबाज र नियामकहरूलाई दोष लगाएका थिए।[५] हाल यसमा २२ वटा औद्योगिक क्षेत्र रहेका छन् जसमा ६ सय २५ वटा सूचीकृत कम्पनीहरू रहेका छन्

गठन[सम्पादन गर्नुहोस्]

ढाका स्टक एक्सचेन्ज एक सार्वजनिक लिमिटेड कम्पनी हो। यो कम्पनी ऐन १९९४, सुरक्षा र विनिमय आयोग ऐन १९९३, सुरक्षा र विनिमय आयोग विनियम १९९४, र सुरक्षा विनिमय विनियमन १९९४ अन्तर्गत गठन र व्यवस्थापन गरिएको छ। यस कम्पनीको जारी पूँजी ৳५,००,००० रहेको छ, जसलाई प्रति कित्ता ৳ २००० का दरले २५० कित्तासम्म बाँडफाँड गरिएको छ। कुनै पनि व्यक्ति वा कम्पनीले एकभन्दा बढी सेयर खरिद गर्न पाउने छैनन्। सेयर बजारको नियम अनुसार सदस्यहरूले मात्र यसमा भाग लिन र आफ्नो वा आफ्ना ग्राहकहरूको लागि सेयर खरिद गर्न सक्दछन्। हाल यसमा २३८ सदस्य रहेका छन्। ढाका स्टक एक्सचेन्जको बजार पूँजीकरण सेप्टेम्बर २००७ मा लगभग ९ अर्ब डलर र ९ डिसेम्बर २००९ मा २७.४ अर्ब डलर पुगेको थियो।

सन्दर्भ सामग्रीहरू[सम्पादन गर्नुहोस्]

  1. "Company Listing", DSE, ८ डिसेम्बर २०२२। 
  2. "Recent Market Information", DSE, ३ मार्च २०२३। 
  3. "DSE leaves behind today a history 60 years", Dhaka Tribune, ३ नोभेम्बर २०१९। 
  4. "Dhaka Stock Exchange Extends Technology Partnership with Nasdaq", finance.yahoo.com (en-USमा), २ जनवरी २०२३, अन्तिम पहुँच २०२३-०१-१९ 
  5. "Probe panel finds massive manipulation at Bangla stock market", India Times, ७ अप्रिल २०११, अन्तिम पहुँच १८ अक्टोबर २०११ 

बाह्य कडीहरू[सम्पादन गर्नुहोस्]