फोरजी

स्वतन्त्र विश्वकोश, नेपाली विकिपिडियाबाट
Jump to navigation Jump to search
4G सेवा शुभारम्भको तस्वीर

4G (अङ्ग्रेजी: Fourth Generation or Long Term Evolution) चौथो पुस्ताको वायरलेस मोवाइल दुरसञ्चार प्रविधि हो, यो प्रविधि 3G पछिको पुस्ताको प्रविधि हो । 4G प्रणालीमा अन्तर्राष्ट्रिय दुरसञ्चार युनियनले उल्लेख गरे अनुसारको विशेषता हुनु पर्ने हुन्छ, उदाहरणको लागी सुधारिएको मोबाईल वेभको पहुँच, गेमिङ सेवा, उच्च गुणस्तरको मोबाईल टेलिभिजन, भिडियो कन्भरेन्सिङ तथा थ्रिडि टेलिभिजनहरू हुन् । 4G मा पूर्ण रूपमा आईपी आधारित सेवाहरू सञ्चालन हुनेछ । यसमा ध्वनि, इन्टरनेट र मल्टिमीडियालाई समान गतिमा पठाउन र प्राप्त गर्न सकिन्छ । [१]

4G सेवाको पहिलो मापदण्डलाई व्यावसायिक रूपमा नर्वेको ओस्लो तथा स्विडेनको स्टकहोल्समा सन् २००९ मा कार्यान्वयन गरिएको थियो । नेपालमा 4G सेवा शुचारू गर्ने सेवा प्रदायक नेपाल टेलिकम हो, यस सन् २०१७ जनवरी १ मा यो सेवा शुचारू गरेको थियो ।[२] भने हाल अन्य दुरसञ्चार सेवाप्रदायकहरू एनसेल तथा स्मार्टसेलले समेत 4G सेवा सञ्चालनमा ल्याएको छ ।

4G सञ्चालन व्याण्डविथ[सम्पादन गर्ने]

नेपाल दुरसञ्चार प्राधिकरणले हाल दुरसञ्चार सेवाको रेडियो फ्रिक्वेन्सी बाँडफाँड तथा मुल्य सम्बन्धी नीति (पहिलो संशोधन), २०७३ अनुसार फोरजी सेवा सञ्चालन प्रविधि तटस्थता अनुसार १८०० मेजाहर्ज व्याण्डविथमा सञ्चालनको अनुमति प्रदान गरेको छ । हाल नेपालमा फोरजी सेवा सञ्चालन दुरसञ्चार सेवा प्रदायक नेपाल टेलिकम, एनसेल तथा स्मार्टसेल हुन् ।


सन्दर्भ सामग्रीहरू[सम्पादन गर्ने]

  1. फोर जीहिन्दुस्तान लाइव३ नम्बर, २००९
  2. अनलाइनखबर, "टेलिकमको फोर जी कसरी चलाउने ? जान्नै पर्ने ७ कुरा", onlinekhabar.com, अनलाइनखबर, अन्तिम पहुँच १ जनवरी २०१७