मातृकाप्रसाद यादव

स्वतन्त्र विश्वकोश, नेपाली विकिपिडियाबाट
Jump to navigation Jump to search
मातृकाप्रसाद यादव
राष्ट्रियतानेपाली
पेशाराजनीति

धनुषाबाट माओवादीको तर्फबाट समानुपातिक सभासद् मातृकाप्रसाद यादव 'रामसिंह' माओवादी केन्द्रीय सदस्य हुनुहुन्छ। माओवादी सरकार गएपछि वन तथा भू-संरक्षणमन्त्रीसमेत रहनुभएका यादव 'रक्त चन्दन', 'सैन्य ब्यारेकमा रहदा बँदेलको मासु खाएका कुरा' तथा 'भ्रष्ट कर्मचारीलाई सौचालयमा थुन्ने' जस्ता थुप्रै विषयमा सकारात्मक तथा नकारात्मक दुवै कोणबाट उहाँको धेरै टिप्पणी भए। ०२८ देखि नै राजनीतिमा लाग्नुभएका यादव सुरूमा नेपाली काङ्ग्रेसमा झुकाव राख्नुहुन्थ्यो। ०३३मा राष्ट्रिय मेलमिलापको नीति लिएपछि उहाँमा काङ्ग्रेसप्रति वितृष्णा जागेको थियो। थालनीमा उहाँको राजनीतिक उद्देश्य नै राजतन्त्र विरोधी हुनु थियो। ०३४मा चौथो महाधिबेसनले राजतन्त्रविरोधी पर्चा छरेपछि उहाँ त्यसको खोजमा जानुभयो र ०३४ देखि नै चौममा सङ्गठित भएर वाम राजनीतिमा होमिनुभएको थियो। उहाँ ०३९मा जिल्ला समितिको सदस्इ तथा ०४०मा क्षेत्रीय ब्युरो सदस्य र ०४२मा धनुषा जिल्लाको सचिव हुनुभयो। उहाँ ०५०मा माओवादीको केन्द्रीय सदस्य तथा ०५८मा पोलिटब्युरो सदस्य हुनुभयो। उहाँ सरकार माओवादी वार्ता टोलीको सदस्य पनि हुनुभयो।

धनुषा बर्मझयाका नेता रामवृक्ष यादवको हत्यापछि माओवादीको सबैभन्दा सिनियर नेता यादव नै हुनुहुन्छ। उहाँ सेनाद्वारा झण्डै डेढ वर्ष बेपत्ता पारिनुभयो। उहाँले पटकपटक गरेर जनयुद्ध थालनीपछि साढे ७ वर्ष जेल जीवन बिताउनुभयो। उहाँका व्यापारी मात्र होइन शोषकविरुद्ध लड्न जुझारु पनि हुनुहुन्थ्यो।

०४० देखि नै पार्टीको पूर्णकालीन कार्यकर्ता बन्नुभएका ५० वर्षीय यादवले आफ्नो कुनै एजेण्डा नभई पार्टीको एजेण्डा नै संविधानमा लेखाउने बताउनुभयो। उहाँले लामो समयदेखि नै धनुषा विशेष गरी तराईका क्षेत्रमा काम गरेकाले मात्र होइन माओवादी पार्टीको जनमुखी एजेण्डाका कारण आफूलाई पनि जनताले विजयी बनाएको उहाँको धारणा छ।[१]

राजनीति प्रवेश[सम्पादन गर्ने]

वैवाहिक जीवन[सम्पादन गर्ने]

सन्दर्भ[सम्पादन गर्ने]