रोबी (कम्पनी)

रोबि आजियाटा लिमिटेड

व्यवसाय प्रकार	लिमिटेड कम्पनी
उद्योग	दूरसञ्चार
पूर्ववर्ती	टेलिकम मलेसिया अन्तर्राष्ट्रिय बङ्गलादेश लिमिटेड
स्थापित	१९९७
केन्द्रीय कार्यालय	ढाका, बङ्गलादेश
सेवा क्षेत्र	बङ्गलादेश
उत्पादनहरू	मोबाइल टेलिफोन, एज, विमोसप्र, जिपिआरएस, विमोदूस, एचएसडिपिए, एचएसयुपिए, एचएसपिए, एचएसपिए+, एफडिडि-दीर्धकालिन सञ्जाल, एलटिइ-ए, भोएलटिइ,
आम्दानी	२०१४ मा ९.४%
मूल सङ्गठन	आजीयाटा ग्रुप बेरहाड (६८.७%) भारती एयरटेल (२५%) एनटिटी डोकोमो (६.३%)
वेबसाइट	आधिकारिक वेबसाइट

रोबि आजियाटा लिमिटेड (बङ्गाली: রবি) वा रोबि (लेख्य रूप:रबि, उच्चारित रूप:रोबि) बङ्गलादेशको दोस्रो ठूलो दूरसञ्चार सेवा प्रदायक हो। यो मलेसियाको आजियाटा ग्रुप बेरहाड, भारतको भारती एयरटेल लिमिटेड, र जापानको एनटिटी डोकोमो निगम बीचको संयुक्त उपक्रम हो। यसमा ६८.७% आजियाटाको नियन्त्रणमा छ भने २५% भारतीको नियन्त्रण छ र ६.३% जापानको एनटिटी डोकोमोको नियन्त्रण रहेको छ। यसको मुख्यालय बङ्गलादेशको ढाकामा अवस्थित छ।

बङ्गलादेशमा दूरसञ्चार क्षेत्रको पहिलो समायोजन रोबि आजियाटा लिमिटेडको सञ्चालनको सुरुवातसँग १६ नोभेम्बर, २०१६ मा भएको थियो। रोबि र एयरटेलको समायोजन पछि, समायोजित गरिएको कम्पनी रोबि आजियाटा लिमिटेड हो। सफलतापूर्वक समायोजन प्रक्रिया पूरा भएपछि, रोबि बङ्गलादेशको दोस्रो ठूलो मोबाइल फोन सञ्चालकको रूपमा उभिएको छ। सामयोजित यस कम्पनी हाल राष्ट्रव्यापी रूपमा फैलिएको छ।

रोबिले सन् १९९७ मा दूरसञ्चार मलेसिया अन्तर्राष्ट्रिय (बङ्गलादेश)को रूपमा ब्राण्ड नाम एक्टेल राखि सेवा सञ्चालन गरेको थियो । सन् २०१० मा एक्टेल रोबिको नाममा आफ्नो सेवा सञ्चालन गरेको थियो। कम्पनीले आफ्नो नाम रोबिलाई रोबि आजियाट लिमिटेडमा परिवर्तन गरेको थियो। नोभेम्बर २०६ सम्म, रोबि आजियाटाले आफ्नो मोबाइल सेवाका लागि दुई ब्रान्डहरू 'रोबि' र 'एयरटेल' प्रयोग गर्दछ। एयरटेल रोबिको एक स्वतन्त्र उत्पादन हो।

इतिहास

ढाकामा अवस्थित रोबिको प्रधान कार्यालय

रोबि आजीयाटा लिमिटेड, दूरसञ्चार मलेसिया र ए.के. खान कम्पनी बीचको संयुक्त कम्पनीको रूपमा शुरुवात भएको थियो । यो पहिला दूरसञ्चार मलेसिया अन्तर्राष्ट्रिय बङ्गलादेश लिमिटेडको रूपमा चिनिन्थ्यो र जून १९९७ मा बङ्गलादेशमा "एक्टेल" को रूपमा चिनिन्थ्यो। सन् २००८ मा, ए.के. खान कम्पनीले जापानको एनटिटि डकोमोको ३० करोड डलरको लागि ३०% भाग बेचेर यस व्यापारबाट निस्किएको थियो।

मार्च २८, २०१० मा, एक्टेललाई 'रोबि' को रूपमा बदलीएको थियो जसको अर्थ बाङ्लामा सूर्य हो। यसले सन् २००९ मा आफ्नो मालिक कम्पनी आजीयाटा समूहको लोगो ग्रहण गरेको थियो। सन् २०१३ मा, पाँच वर्षको उपस्थिति पछि, डोकोमोकोले आजियाटाको लागि आफ्नो स्वामित्वलाई ८% मा झारेको थियो र आजीयाटाले ९२% लिएको थियो।

२८ जनवरी २०१६ मा, रोबि आजीयाटा र एयरटेल बङ्गलादेश समायोजन हुने घोषण गरिएको थियो जसलाई रोबि भनिएको थियो। संयुक्त संस्था दुवै सञ्जालहरू मिलाएर ४० मिलियन प्रयोगकर्तालाई सेवा गरेको थियो। आजीयाटा समूहले ६८.३% , जबकि भारती समूहले २५% बाँकी अंशहरू एनटिटि डकोमोको स्वामित्वमा परेको थियो। अन्ततः रोबि र एयरटेल १६ नोभेम्बर, २०१६ मा समायोज गरिएको थियो।

उत्पादनहरू तथा सेवाहरू

रोबिले विभिन्न प्याकेजहरूको क्रम प्रदान गर्दछ। प्रिपेड र पोष्टपेड मोबाइल सेवाहरू प्रदान गर्नुको साथै यसले मूल्य-उत्पादित उत्पादन र सेवाहरू जस्तै संक्षिप्त सन्देश सेवा, जिपिआरएस, एज, साढे तेस्रो पुस्ता, एचएसपीए, साढे चौथो पुस्ता, दीर्घकालीन सञ्जाल, निश्चित विस्तृत पट्टि सेवाहरू प्रदान गर्दछ यसका साथै यसले अन्तर्राष्ट्रिय रोमिङ, मोबाइल बैङ्किङ, एसएमएस बैङ्किङ, कलर रिङ ब्याक टोन, एमएमएस, स्वागत टोनहरू पनि यसले प्रदान गर्दछ। बङ्गलादेशका सबै दूरसञ्चार सेवा प्रदायकहरू बीचमा सबैभन्दा अन्तर्राष्ट्रिय रोमिङ विस्तार क्षेत्र पनि यसैको छ।

ग्राहक सेवा

रोबिको सिम, दुबै तर्फको चित्रण

ढाका अन्तर्राष्ट्रिय विमानस्थलमा रोबिको ३२ ग्राहक सेवा केन्द्रहरू र १ वटा बिक्री तथा समर्थन कक्ष रहेका छन्। स्थानीय सेवा सहर र बङ्गलादेश भरिनै पाउन सकिन्छ।

यस बाहेक यस कम्पनीको बङ्गलादेशको सबै क्षेत्रहरूमा सबैभन्दा उत्कृष्ट दीर्घकालीन सञ्जाल इन्टरनेट सेवाको लागि किर्तिमानी कायम गरेको थियो।

यो पनि हेर्नुहोस्

• बाङ्लालायन
• एयरटेल बङ्गलादेश
• ग्रामीनफोन
• बाङ्लालिङ्क
• टेलिटक

बाह्य कडीहरू

आधिकारिक वेबसाइट