नेपाली लेखनमा हुने सामान्य त्रुटिहरूलाई सुधार गर्न तथा यस पृष्ठमा सूचीवद्ध गरी उल्लेख गरिएका शुद्ध शब्दहरूलाई प्रयोग गर्ने उद्देश्यका साथ यो परियोजना सुरु गरिएको छ। नेपाली लेखनमा कतिपय त्रुटिहरू यति प्रचलित भएका छन् कि प्रयोगकर्ताहरू झुक्किएर त्यसैलाई सही मानेर लेख्दै आएका छन्। यस परियोजना पृष्ठमा यस्तै प्रकारका शब्दहरूको सूची तयार पारिएको छ जसको उपयोग विकिपिडियामा गलत हिज्जेहरूको सुधार, हिज्जे जाँचक आदि बनाउनमा प्रयोग गर्न सकिन्छ।
सामान्य रूपमा कम्प्युटर अथवा अन्य कम्प्युटिङ उपकरणहरूको प्रयोग गर्दा हुने टाइपिङका अशुद्धिहरूलाई टाइपो भनिन्छ। यस्ता गल्तीहरूमा टाइपकर्ताको ध्यान जाँदैन। कतिपय समय टाइपकर्ताद्वारा प्रयोग गरिएको टाइपिङ औजारद्वारा त्यो वर्ण वा चिह्न टाइप गर्ने तरिका थाहा नभएर समेत त्रुटि हुने गर्दछ।
