सज्जनराज वैद्य

सज्जन राज वैद्य
न्यु योर्क सहरमा सज्जन राज वैद्यको प्रत्यक्ष प्रदर्शन ।
व्यक्तिगत विवरण
उत्पत्ति	काठमाडौँ, नेपाल
विधा	पप सङ्गीत, स्वतन्त्र सङ्गीत
पेशा	गायक गीतकार गिटार वादक रेकर्ड निर्माता
वाद्ययन्त्र	गायन गिटार पियानो बेस गिटार
सक्रिय वर्ष	सन् २०१४ - अहिलेसम्म
वेबसाइट	sajjanrajvaidya.com'

सज्जन राज वैद्य एक नेपाली गायक, गीतकार, गिटार वादक र रेकर्ड निर्माता हुन् । उनले सन् २०१४ मा आफ्नो पहिलो गीत "आज मात्र" निकालेका थिए । सन् २०१६ मा "हवाईजहाज" र सन् २०१८ मा "चिठीभित्र" निकालेपछि उनी प्रख्यात भएका हुन् । "हतारिँदै, बतासिँदै" उनको सबैभन्दा नाम चलेको गीत हो । उनले फेब्रुअरी २०२० मा "बराली लग्यो यो हावाले (BLYHL)" नामक गीत निकाले । उनले मे १६, २०२० मा निकालेको "फुत्की जाने जोवन" मा २०१९-२० कोरोना भाइरस प्रकोपमा विश्वभरिका, विशेष गरी नेपाली नागरिकहरूका भिडियो देख्न सकिन्छ ।

बाल्यकाल

वैद्य काठमाडौँ, नेपालमा जन्मेका र हुर्केका थिए । उनले आफ्नो सङ्गीतसँगको लगावको श्रेय आफ्नो परिवारलाई दिन्छन् । उनको सङ्गीत र त्यसप्रतिको दृष्टि उनको परिवारबाट प्रभावित भएको उनले बताएका छन् ।

वैद्य दी इगल्ज़, यूबी ४०, लिङ्किन​ पार्क र कर्णदास जस्ता गीतकारहरूबाट प्रभावित छन् । विद्यालयमा हुँदा प्रत्यक्ष प्रदर्शन गर्न थालेका वैद्यले पछि फेसबुकमा आफ्नो गीतहरू राख्न थाले ।

कार्य जीवन

सन् २०१४ को "आज मात्र" वैद्यको प्रथम प्रमुख कार्य थियो । उनको दोस्रो गीत "हवाईजहाज" ले टन्नै सफलता हासिल गर्यो । उक्त गीतको भिडियो फज फ्याक्ट्री प्रोडक्शन्सले बनाएको थियो । उनले सन् २०१८ मा "मुस्कान" नामक गीतलाई दोस्रो पल्ट निकाले । त्यही वर्ष उनले "अनौठो मुटु" निकाले । जनवरी १, २०१९ मा उनले "हतारिँदै, बतासिँदै" निकाले, जसको भिडियोमा विषमयौनिक जोडीका साथै दुई समयौनिक पुरुष बिचको चुम्बन देखाइन्छ, जुन नेपाली मिडियामा दुर्लभ छ । यस भिडियोले गर्दा वैद्य एलजिबिटी समुदायको प्रतिनिधित्व गर्ने केही नेपाली कलाकारहरूको सूचीमा पर्न गएका छन् ।

"हतारिँदै, बतासिँदै" लेख्दा भिडियोको कुनै विचार नगरेका वैद्यले पछि मात्रै एलजिबिटी समुदायको कमै हुने प्रतिनिधित्वमा प्रकाश पर्न खोजेको बताए । यस गीतलाई नेपालको जून २०१९ मा आयोजित पहिलो गौरव यात्रामा बजाइएको थियो ।

कथा

कथा सन् २०१८ मा वैद्यको युट्युब च्यानलमा प्रकाशित भिडियो शृङ्खला हो । यस शृङ्खलामा कलाकारहरूले आफ्नो वा अन्य कलाकारको गीतको प्रत्यक्ष प्रदर्शन गरी उक्त गीत मूल भाव र रचना प्रक्रियाबारे छलफल गर्छन् ।

भागहरू

• नथिङ इन माइ हेड बिसाइड्स तिमी
• मेल्लो
• मरिजाउँ (बिक्की गुरुङका साथ)

गायन

• “आज मात्र” (सन् २०१४)
• “हवाईजहाज” (सन् २०१६)
• "मायालु" (सन् २०१७)
• "चिठीभित्र" (सन् २०१८)
• "अनौठो मुटु" (सन् २०१४ मा प्रकाशित, सन् २०१८ मा पुनः प्रकाशित)
• "मुस्कान" (सन् २०१४ मा प्रकाशित, सन् २०१८ मा पुनः प्रकाशित)
• नथिङ इन माइ हेड बिसाइड्स तिमी (सन् २०१८)
• "हतारिँदै, बतासिँदै" (सन् २०१९)
• "पहार" (सन् २०१९)
• "कुराकानी" (सन् २०१९)
• "सम्बडी एल्स" (सन् २०२०)
• "सुकुम्बासी" (सन् २०२०)
• "बराली लग्यो यो हावाले (BLYHL)" (सन् २०२०)
• "फुत्की जाने जोवन" (सन् २०२०)
• "लुकामारी" (सन् २०२१)
• "उल्टा पाइला" (सन् २०२१)

सम्मान

• सर्वोत्कृष्ट नयाँ कलाकार (सन् २०१८)
• मासिक कलाकार (मार्च २०१९)

बाह्य कडी

• आधिकारिक वेबसाइट
• फेसबुकमा सज्जनराज वैद्य
• इन्स्टाग्राममा सज्जनराज वैद्य
• सज्जनराज वैद्य ट्विटरमा