साइन रेसुङ्गा डेभलपमेन्ट बैंक

साइन रेसुङ्गा डेभलपमेन्ट बैंक

व्यवसाय प्रकार	'ख' वर्गको इजाजतपत्र प्राप्त संस्था
उद्योग	बैङ्किङ
स्थापित	२०६५ फागुन ११
केन्द्रीय कार्यालय	कालिकानगर, बुटवल
सेवा क्षेत्र	नेपाल
मुख्य व्यक्ति	थानेश्वर पौडेल (अध्यक्ष) प्रकाश पौडेल (कार्यकारी अधिकृत)

साइन रेसुङ्गा डेभलपमेन्ट बैंक नेपालको एक राष्ट्रिय स्तरको विकास बैङ्क हो। यसले नेपाल राष्ट्र बैंकबाट 'ख' वर्गको इजाजतपत्र प्राप्त गरेको छ।

इतिहास

साइन डेभलपमेन्ट बैंक लिमिटेडको रूपमा यसको स्थापना २०६५ फागुन ११ गते पश्चिम नेपालको आर्थिक तथा औद्योगिक केन्द्र रुपन्देही जिल्लाको बुटवल भएको थियो। विसं २०६९ चैत ४ गते गुल्मी क्षेत्रबाट रेसुङ्गा विकास बैंकसँग गाभिएपछि यस विकास बैंकको नाम परिवर्तन गरी साइन रेसुङ्गा डेभलपमेन्ट बैंक लिमिटेड राखिएको थियो र यसको सेवा क्षेत्र १० जिल्लामा विस्तार गरिएको थियो। विसं २०७३ जेठ २९ गते प्युठान जिल्लाको गौमुखी विकास बैंकमा गाभिएको थियो। विसं २०७६ आश्विन २७ गते भार्गव विकास बैंक र पूर्णिमा विकास बैंकलाई प्राप्ति गरी २०७६ माघ १० गते राष्ट्रिय स्तरको विकास बैंकमा स्तरोन्नति गरिएको थियो। यसको प्रधान कार्यालय बुटवलमा रहेको छ।