आशिकी २

विकिपिडिया, एक स्वतन्त्र विश्वकोशबाट
Jump to navigation Jump to search
आशिकी २
Poster featuring the lead couple hugging each other
रङ्गमञ्च प्रदर्शित पोस्टर
निर्देशकमोहित सूरी
निर्माता
लेखकशगुफ्ता रफीक
आधारितअ स्टार इज बर्न
लेखक: जर्ज क्विकर
कलाकार
सङ्गीत
छायाङ्कनविष्णु राव
सम्पादकदेवेन्द्र ए मुरुदेश्वर
उत्पादन
कम्पनी
वितरक
प्रदर्शन मिति
  • २६ अप्रिल २०१३ (2013-04-26)[१]
समयावधि
१३४ मिनेट
देशभारत
भाषाहिन्दी
लगानी₹१५० मिलियन[क][२]
कमाइअनुमान ₹२.०९ बिलियन[२]

आशिकी २ सन् २०१३ को भारतीय प्रेमप्रसङ्गयुक्त साङ्गीतिक नाटक चलचित्र हो जुन मोहित सूरीद्वारा निर्देशित छ। मुख्य भूमिकामा आदित्य रोय कपूरश्रद्धा कपूर अभिनीत, यसलाई मुकेश भट्टभूषण कुमारले विशेष फिल्म्सटी-सिरिज फिल्म्सको ब्यानर अन्तर्गत निर्माण गरेका थिए। सन् १९५४ को प्रेमलीला'अ स्टार इज बर्न'को रूपान्तरण, यसले सन् १९९० को साङ्गीतिक चलचित्र 'आशिकी'को आध्यात्मिक उत्तराधिकारीको रूपमा काम गर्दछ, र शाद रन्धावामहेश ठाकुरले सहायक भूमिकामा अभिनय गरेका छन्, साथै सलिल आचार्य पनि चलचित्रको सुरुवातमा एक क्यामिको उपस्थितिमा देखा परेका छन्।

सन् २०१० को दशकको सुरुवातमा स्थापित गरिएको, 'आशिकी २' एक असफल गायक राहुल जयकर र उनकी आश्रित, महत्वाकांक्षी गायिका आरोही केशव शिर्के बीचको अशान्त प्रेमप्रसङ्गयुक्त सम्बन्धमा केन्द्रित छ, जुन राहुलको मदिरा सेवन र स्वभावका मुद्दाहरूबाट प्रभावित छ।[१] यो मूल चलचित्रको उच्च मापदण्ड र सफलतासम्म जीवित रहन सक्दैन भनेर भारतीय मिडियामा सुरुमा धेरै चिन्ताहरू थिए। केप टाउन, गोवामुम्बईमा १८० मिलियन (युएस$२.५ मिलियन) को बजेटमा प्रिन्सिपल फोटोग्राफी हुँदै, यस चलचित्रको निर्माण सन् २०११ मा सुरु भएको थियो।

२६ अप्रिल २०१३ मा प्रदर्शन गरिएको,[१] नयाँ आगमनहरूद्वारा अभिनीत भएपनि, 'आशिकी २' बक्स-अफिसमा व्यावसायिक सफलता भएको थियो, र सन् २०१३ को सबैभन्दा बढी कमाई गर्ने बलिउड चलचित्रहरू मध्ये एक थियो, जसले पहिलो चार हप्तामा विश्वव्यापी १.४५ बिलियन (युएस$२० मिलियन) कमाएको थियो। 'आशिकी २' विशेष फिल्म्सद्वारा निर्मित सबैभन्दा धेरै कमाई गर्ने गर्ने चलचित्र हो। चलचित्रको साउन्डट्र्याक जारी गरेपछि धेरै लोकप्रिय भयो; "तुम ही हो" र "सुन रहा है" गीतहरू भारतको विभिन्न प्लेटफर्महरूमा चार्टमा शीर्ष स्थानमा थिए, साथ साथै "चाहुँ मेँ या ना" र "मिलने है मुझसे आयी" गीतहरू पनि चार्टमा शीर्ष स्थानमा थिए।

कहानी[सम्पादन गर्ने]

गोवाको एक स्टेज कार्यक्रममा राहुल जयकरलाई – एक सफल गायक र सङ्गीतकार जसको करियर उसको मदिराको लतका कारण कमजोर हुँदैछ – पर्खिरहेका ठूलो भीडलाई देखाउँदै यस चलचित्र सुरु हुन्छ। लगभग एक गीत पूरा गरेपछि, उनी अप्रत्याशित रूपमा एक कलाकार आर्यन, जो राहुलको कारण आफ्नो करियर गुमाउँदै थिए, द्वारा अवरुद्ध हुन्छन्। राहुल उनीसँग झगडा गर्छन्, उनको प्रदर्शन रोक्छन्, र स्थानीय बारमा ड्राइभ गर्छन्। उनले आरोही केशव शिर्केलाई भेट्छन्, एक बार गायिका जसले राहुललाई आदर्शित बनाउँछिन्। बारमा आरोहीलाई लता मंगेशकरको फोटो हेरिरहेको ध्यान दिएपछि, उनी गायिका हुन चाहान्छिन् भनेर उनले मान्छन्। उनको सरलता र आवाजबाट प्रभावित, राहुलले उनलाई सिङ्गिङ सेन्सेसनमा रूपान्तरण गर्ने वाचा गर्छन् र उनलाई बारमा फेरि कहिल्यै प्रदर्शन नगर्न भन्छन्। उनको आश्वासनको कारण, आरोही आफ्नो जागिर छोडेर राहुलसँग मुम्बई फर्किन्छिन्, जसले रेकर्ड निर्माता सहगललाई उनलाई भेट्न मनाउँछन्। जब आरोहीले राहुललाई फोन गर्छिन्, ऊ केहि गुन्डाहरूद्वारा आक्रमण र घाइते हुन्छन्, र उनको कल प्राप्त गर्न असमर्थन हुन्छन्। उनका साथी र व्यवस्थापक विवेकले राहुलमाथि हमला भएको समाचार मिडियामा पुग्नुहुन्न भनेर निर्णय गर्छन्, र यसको सट्टा राहुलले स्टेज कार्यक्रमहरूमा भाग लिन देश छोडेको गलत कथा सुनाउँदछन्। जब आरोही राहुललाई फेरि सम्पर्क गर्ने प्रयास गर्छिन्, विवेकले कलहरू बेवास्ता गर्छन्। दुई महिनासम्म राहुललाई सम्पर्क गर्न व्यर्थ प्रयास गरेपछि, आरोही आफ्नो परिवारको समस्याका कारण फेरि बारमा गाउन बाध्य हुन्छिन्।

यसै बीच, राहुल आफ्नो चोटबाट निको हुन्छन् र फेरि आरोहीलाई खोजी सुरु गर्छन्। उनले आरोही फेरी बारमा काम गरिरहेकी र विवेकले राहुललाई सूचित नगरी उसको कललाई वेवास्ता गरेको थाहा पाउछन्। राहुल आरोहीसँग माफी माग्छन् र विवेकलाई जागिरबाट हटाउँछन्, र उनीहरू रेकर्डिङ सम्झौताको लागि सहगललाई भेट्छन्। राहुलले आरोहीलाई तालिम दिन सुरु गर्छन् जसले चलचित्रहरूमा गाउन सङ्गीत सम्झौतामा हस्ताक्षर गर्छिन् र सफल पार्श्व गायक हुन्छिन्। उनको परिवार र राहुल खुसी छन्, तर जब राहुलले उनलाई नोकरको रूपमा प्रयोग गरिरहेछन् मानिसहरूले भनेर कुरा गर्न थाल्छन्, उनी रक्सीको लतमा पुनः संलग्न हुन्छन्। आरोही, जसले राहुललाई उनको करियर भन्दा बढी माया गर्छिन्, उनलाई सान्त्वना दिन्छिन् र उनीहरूले प्रेम बनाउँछन्। आरोहीकी आमाले अस्वीकार गरेपनि, आरोही राहुलको साथ अघि बढ्छिन् र राहुलको लत नबिग्रेसम्म सबै कुरा ठीक हुँदै जान्छ। यसले उनलाई आक्रामक र हिंस्रक बनाउँछ। राहुल आक्रामक र हिंस्रक हुन्छन्।

राहुललाई उनको मदिरा सेवनसँग लड्न मद्दत पुर्‍याउन आरोहीले उनको गायन क्यारियर त्यागेर राहुललाई पुनःस्थापना गर्ने प्रयास गर्छिन्। सहगलले उनीहरूलाई आरोहीको सफल गायक बन्ने सपनाको सम्झना गराएपछि, राहुलले उनलाई उनको काममा ध्यान केन्द्रित गर्न आदेश दिन्छन्। आरोहीको स्टेज कार्यक्रमको क्रममा राहुलले एक पत्रकार ब्याकस्टेज भेट्छन्, जसले उनलाई आरोहीलाई अभिराम र पैसाको लागि प्रयोग गरेको आरोप लगाउँदछन्। क्रोधित, राहुलले पत्रकारलाई कुट्छन् र पिउन थाल्छन्। उनी जेल जान्छन्, र आरोही उसलाई जमानत लिन आउँछिन्। आरोहीले सहगललाई उनी राहुलको लागि आफ्नो क्यारियर छोड्न गइरहेको बताउँछिन्। उनी आफ्नो सेलिब्रेटीको स्थिति त्याग्न तयार छिन् किनकि उनको लागि राहुल बढी महत्त्वपूर्ण छ। राहुलले सुनिरहेका हुन्छन्। उनी आरोहीको जीवनमा बोझ बन्न पुगेको र उनलाई छोड्नु नै उनको उद्धारको विकल्प हो भनेर राहुलले बुझ्छन्। भोलिपल्ट, उनले आफ्नो जीवनशैली बदल्नेछन् भन्ने आश्वासन दिएर उनीलाई बिदाइ दिन्छन् र पुलबाट उफ्रेर आत्महत्या गर्छन्।

कलाकार[सम्पादन गर्ने]

विपणन र प्रदर्शन[सम्पादन गर्ने]

पहिलो लुक २२ मार्च २०१३ मा जारी गरिएको थियो, र आलोचक र दर्शकहरूद्वारा धेरै मन पराइएको थियो।[३] अन्य चलचित्रहरूका विपरीत जसको रङ्गमञ्च ट्रेलरहरू पहिले जारी गरिन्छ, चलचित्रका निर्माताहरूले ट्रेलर अघि गीतहरू जारी गर्न छनौट गरेका थिए।[४] पहिलो गीत, "तुम ही हो" १६ मार्च २०१३ मा भएको थियो र आलोचकहरूबाट सर्वसम्मत आलोचनात्मक स्वागत प्राप्त भएको थियो र दर्शकहरू बीच धेरै लोकप्रिय भएको थियो। गीत जारीको १० दिन भित्र युट्युबमा लगभग २ मिलियन दृश्यको साथ तत्काल हिट भएको थियो, जसले चलचित्रको विपणनमा सहयोग पुर्‍याएको थियो।[५] यो प्रक्षेपण भएदेखि ट्विटर र युट्युबमा ट्रेन्डिङ भएको थियो।[६]

पुरस्कार र नामाङ्कन[सम्पादन गर्ने]

फिल्मफेयर पुरस्कार[७][८]

आइफा पुरस्कार[९][१०]

स्क्रिन पुरस्कार[११][१२]

मिर्ची सङ्गीत पुरस्कार[१३]

टिप्पणीहरू[सम्पादन गर्ने]

  1. Box Office India's budget figures include print and advertising costs

सन्दर्भ सामग्रीहरू[सम्पादन गर्ने]

  1. १.० १.१ १.२ "How Lady Gaga's 'A Star Is Born' Evolved with Jennifer Lopez, Beyoncé, More" 
  2. २.० २.१ "Aashiqui 2 – Movie – Box Office India", मूलबाट २० नोभेम्बर २०१६-मा सङ्ग्रहित, अन्तिम पहुँच ८ फेब्रुअरी २०१८ 
  3. "First look of Aashiqui 2", Filmfare, २० मार्च २०१३, मूलबाट ३० जुन २०१३-मा सङ्ग्रहित, अन्तिम पहुँच २१ मे २०१३ 
  4. "Aashiqui 2 Official Theatrical Trailer Feat. Aditya Roy Kapur, Shraddha Kapoor", Koimoi, १५ अप्रिल २०१३, अन्तिम पहुँच २१ मे २०१३ 
  5. Sharma, Sarika (४ अप्रिल २०१३), "Tum Hi Ho from Aashiqui 2 a hit on YouTube with over 1.5 mln views in 10 days", The Indian Express, मूलबाट ७ मे २०१३-मा सङ्ग्रहित, अन्तिम पहुँच २२ मे २०१३ 
  6. "How Bhushan Kumar led Aashiqui 2 to a roaring success", Bollywood Hungama, २९ अप्रिल २०१३, मूलबाट १ मे २०१३-मा सङ्ग्रहित, अन्तिम पहुँच २२ मे २०१३ 
  7. "59th Idea Filmfare Awards Nominations", filmfare.com, मूलबाट १५ जनवरी २०१४-मा सङ्ग्रहित। 
  8. "Winners of 59th Idea Filmfare Awards", filmfare.com, मूलबाट २७ जनवरी २०१४-मा सङ्ग्रहित। 
  9. "IIFA Nominations Announced and Bhaag Mikha Bhaag leads with 10!", Bollyspice, २० फेब्रुअरी २०१४, मूलबाट २० फेब्रुअरी २०१४-मा सङ्ग्रहित, अन्तिम पहुँच २४ फेब्रुअरी २०१४ 
  10. "IIFA toasts to winners of the Technical Awards at IIFA Magic of the Movies", IIFA, २५ अप्रिल २०१४, मूलबाट २७ अप्रिल २०१४-मा सङ्ग्रहित, अन्तिम पहुँच २७ अप्रिल २०१४ 
  11. "Screen Awards 2015, Latest News on Screen Awards 2015, Photo Gallery The Indian Express", indianexpress.com, मूलबाट १३ मार्च २०१४-मा सङ्ग्रहित, अन्तिम पहुँच २१ फेब्रुअरी २०१४ 
  12. "Annual Screen Awards 2014: The Complete List of Nominees", International Business Times, ८ जनवरी २०१४, मूलबाट ३ फेब्रुअरी २०१४-मा सङ्ग्रहित। 
  13. Parande, Shweta (२८ फेब्रुअरी २०१४), "Mirchi Music Awards 2014 winners: Shahrukh Khan, Farhan Akhtar honoured; Aashiqui 2 wins 7 trophies", India.com (अङ्ग्रेजीमा), अन्तिम पहुँच २४ अप्रिल २०१८ 

बाह्य कडीहरू[सम्पादन गर्ने]