खड्ग शमशेर जङ्गबहादुर राणा

स्वतन्त्र विश्वकोश, नेपाली विकिपिडियाबाट
Jump to navigation Jump to search
श्री कमाण्डर ईन चिफ
खड्ग शमशेर जङ्गबहादुर राणा
Khadga Shamsher Jang Bahadur Rana.jpg
नेपालको प्रधान सेनापति
कार्यकाल
सन् १८८५ – सन् १८८७ [१]
अग्रजजीतजङ्ग राणा
उतराधिकारीरण शमशेर जङ्गबहादुर राणा
पाल्पाको बडाहाकिम
कार्यकाल
वि सं १९४८ – वि सं १९५९
प्रधानमन्त्रीवीर शमशेर
अग्रजभीम शमशेर
उतराधिकारीसमर शमशेर
व्यक्तिगत विवरण
जन्म१६ फेब्रुअरी, १८६१
मृत्यु२२ डिसेम्बर, १९२१
नेपाल दरबार, सौगोर
आमाकेशरसिंह थापाकी
पिताधीर शमशेर राणा
सैनिक सेवा
श्रेणीजनरल

खड्ग शमशेर जङ्गबहादुर राणा नेपाली सेनाका प्रधान सेनापति थिए। उनको जन्म कमाण्डर धीर शमशेर राणाको दोस्रो पुत्रको रुपमा भयो।

४२ सालको पर्व[सम्पादन गर्ने]

वि.सं. १९४२(सन् १८८५) मा आफ्नै ठुलोबुवा प्रधानमन्त्री रणोद्दिप सिँह बहादुर राणाको हत्या गरे पश्चात उनी प्रधान सेनापति भए साथै प्रधानमन्त्रीको मर्यादामा दाजु वीर शमशेर जङ्गबहादुर राणा पछिको दोस्रो थिए। सन् १८८७ मा यिनी प्रधानमन्त्रीको रोलक्रमबाट निश्काषित भई ठाडा जेलमा बन्दी भए।

पाल्पाको बडाहाकिम[सम्पादन गर्ने]

सन् १८८९ मा पाल्पाको बडाहाकिममा नियुक्त भइ पुनर्स्थापित भए। सन् १९०१ मा धनकुटाको बडाहाकिम भए। सन् १९०९ मा बेलायतका महाराज एडवार्ड सातौंबाट व्यक्तिगत राजाको उपाधि पाए।

उनी नेपालका शाहाजहाँ कहलिएका थिए। वि.सं. १९५० मा उनले आफ्नी पत्नी तेजकुमारीको स्मृतिमा कालीगण्डकीको तटमा भव्य दरबार बनाए, त्यसलाई रानीमहल भनियो र त्यो तटलाई रानीघाट भनियो। जुन नेपालको ताजमहल कहलिएको थियो।

खडगशमशेरले डा. फुहररको सहयोगमा लुम्बिनी स्थित अशोकस्तम्भ, कपिलवस्तुका पुरातात्त्विक वस्तुको पुनस्र्त्थान गरे। डा. फुहरर भारतीय पुरातत्त्व विभागका सदस्य थिए। गौतम बुद्धको जन्मस्थल नेपालमा हो भनी खडग शमशेरले पत्ता लगाए। [२]

यो पनि हेर्नुहोस्[सम्पादन गर्ने]

स्रोत[सम्पादन गर्ने]

  1. http://www.royalark.net/Nepal/lamb2.htm
  2. नेपालको तथ्य इतिहास राजाराम सुवेदी पृष्ठ २४७

बाह्य लिङ्कहरू[सम्पादन गर्ने]