गुलाफीटाउके हाँस

गुलाफीटाउके हाँस
ला स्पेकोला संग्राहलयमा संरक्षण गरी राखिएको गुलाफीटाउके हाँस
संरक्षण स्थिति
अत्यन्तै लोपोन्मुख  (आइयुसिएन ३.१)
वैज्ञानिक वर्गीकरण
जगत:	जन्तु जगत
सङ्घ:	हाड भएका
वर्ग:	पंक्षी
गण:	Anseriformes
वंश:	Rhodonessa L. Reichenbach, 1853
प्रजाति:	R. caryophyllacea
वैज्ञानिक नाम
Rhodonessa caryophyllacea (Latham, 1790)
पर्याय
Anas caryophyllacea Fuligula caryophyllacea Netta caryophyllacea Callichen caryophyllaceum

गुलाफीटाउके हाँस नेपालमा पाइने एक प्रकारको चराको नाम हो । यसलाई अङ्ग्रेजीमा पिंक हेडेड डक (Pink-headed Duck) भनिन्छ ।

शारीरिक विबरण

गुलाफीटाउके हाँस भालेको गुलाफी टाउको र ठोँड तथा गाढा खैरो शरीर हुन्छ । पोथीको फुस्रो फुस्रो गुलाफी टाउको र फिक्का खैरो शरीर हुन्छ । यसको शरीरको लम्बाई लगभग ४१ देखि ४३ सेन्टिमिटर हुन्छ ।

भौगोलिक वितरण

गुलाफीटाउके हाँस नेपाल लगायत भारत, बङ्गलादेश र म्यानमारमा पाइने गर्दथियो । तर हाल यो चरा प्राय सबै स्थानहरूबाट लोप हुँदै गएको छ ।

प्रमुख वासस्थान

गुलाफीटाउके हाँस नबग्ने पानीका श्रोत जस्तै पोखरी, ताल र नजिकैका नदीहरूमा तथा सिमसार क्षेत्रहरूमा बस्न मनपराउने गर्छ ।

खतराहरू तथा संरक्षण अवस्था

विश्वमै दुर्लभ मानिने यो प्रजाति संरक्षणका हिसावले अति सङ्टापन्न अवस्थामा रहेको छ । नेपालको सन्दर्भमा यस प्रजातिक लोप भइरहेको अनुमान गरिएको छ ।वासस्थानको विनास , मिचाहा प्रजातिको प्रकोप र सिमसार क्षेत्रहरु कृषि क्षेत्रमा परिणत हुनाले यसको प्रजाति लोप हुँदै गएको हो ।