त्रिलोचन भट्ट

स्वतन्त्र विश्वकोश, नेपाली विकिपिडियाबाट
Jump to navigation Jump to search
त्रिलोचन भट्ट
त्रिलोचन भट्ट

नेपाल प्रदेश नं ७ का मुख्यमन्त्री
निर्वाचन क्षेत्र : डोटी जिल्ला
बहालवाला
पद बहाली 
२०७४ फागुन ४
व्यक्तिगत जानकारी
जन्म डोटी जिल्ला
राष्ट्रियता नेपाली
राजनीतिक दल नेकपा माओवादी केन्द्र
धर्म हिन्दू


त्रिलोचन भट्ट नेपालको सुदूरपश्चिम प्रदेशका मुख्यमन्त्री तथा नेकपा माओवादी केन्द्रका नेता हुन् । यिनी नेपालको संविधान २०७२ को धारा १६८ को उपधारा २ बमोजिम २०७४ फागुन ३ गते मुख्यमन्त्री नियुक्त भएका हुन्।[१] [२]

भट्ट संसदीय निर्वाचन २०७४ मा डोटी जिल्लाबाट प्रदेश सभामा निर्वाचित भएका हुन्।

४८ वर्षीय त्रिलोचन भट्टको स्थायी ठेगाना डोटी जिल्लाको साविक भूमिराजमाडौं गाविस वडा नम्बर–८ फलेडी हो । उनी बुवा प्रसाद भट्ट र आमा शारदा भट्टको साहिँलो छोरा हुन् ।

निम्न आयस्रोत भएको परिवारमा जन्मेका त्रीलोचनले गरीबीकै कारण ८ कक्षाको पढाई छोडेर १४ बर्षमै भारत पसेका थिए । उनी मुम्बईको एक जापानी कम्पनीमा चौकिदारी काम गर्न पुगेका थिए। प्रवासमैं वि.सं. २०४७ सालमा अखिल भारत नेपाली एकता समाजको सदस्यबाट राजनीति सुरु गरेका थिए।[३] भट्ट २०७१ देखि माओवादी केन्द्रका जिल्ला अध्यक्ष तथा पोलिटब्यूरो सदस्य रहेका छन्। बाम गठवन्धनको तर्फबाट डोटी प्रदेश सभा निर्वाचन क्षेत्र नं २ बाट नेपाली कांग्रेसका उम्मेदबार योगेन्द्र शाहीलाई २७ सय भोट अन्तरले हाराउदै बिजयी भएर मुख्य मन्त्री बन्न सफल भएका छन् ।

सन्दर्भ सामग्रीहरू[सम्पादन गर्ने]

  1. "मुख्यमन्त्री भट्टको शनिबार सपथ", कान्तिपुर, फाल्गुन ४, २०७४, अन्तिम पहुँच ८ जुन २०१८ 
  2. "त्रिलोचन भट्ट प्रदेश ७ को मुख्यमन्त्री नियुक्त", अनलाइन खबर, फागुन ३, २०७४, अन्तिम पहुँच ८ जुन २०१८ 
  3. "मुख्यमन्त्री भट्टको शनिबार सपथ", कान्तिपुर, फाल्गुन ४, २०७४, अन्तिम पहुँच ८ जुन २०१८ 

बाह्य लिङ्कहरू[सम्पादन गर्ने]