देवराज जोशी

स्वतन्त्र विश्वकोश, नेपाली विकिपिडियाबाट
Jump to navigation Jump to search


देवराज जोशी

बाजुरा, क्षेत्र नं.१बाट निर्वाचित नेपाली कांग्रेसका सभासद देवराज जोशी त्रिभुवन विश्वविद्यालयबाट शिक्षाशास्त्रमा स्नातक हुनुहुन्छ। विद्यार्थी राजनीतिबाट २०३९ सालमा राजनीतिक जीवन प्रारम्भ गरेका जोशी २०४६ देखि निरन्तर नेपाली कांग्रेसमा आवद्ध हुनुहुन्छ। २०४८ देखि हालसम्म नेपाली काङ्ग्रेस महासमिति सदस्य रहेका जोशी नेपाली काङ्ग्रेस- वाजुराका सभापति हुनुहुन्छ। यस अघि २०५७-५९मा र २०५९-६४मा पनि उहाँ क्रमशः नेपाली काङ्ग्रेस र नेपाली काङ्ग्रेस (प्रजातान्त्रिक) का जिल्ला सभापति हुनुहुन्थ्यो। सभासद जोशी २०४६को संसदीय निर्वाचनमा आफ्नो क्षेत्रबाट प्रतिनिधिसभा सदस्य निर्वाचित हुनुभएको थियो। राजनीतिक आन्दोलनका क्रममा धेरै पटक प्रहरी हिरासतमा वसेका जोशी २०५८ असारदेखि असोजसम्म ८२ दिन माओवादीको अपहरणमा पर्नुभएको थियो। राजनीति बाहेक उहाँको पेशा छैन। धार्मिक र राजनीतिक विषयका पुस्तक अध्ययन गर्न रुचाउने जोशी सादा पहिरन र सादा नेपाली खाना मन पराउनुहुन्छ। बाजुरा स्थित विभिन्न सामाजिक सङ्घ संस्था र बडीमालिका वहुमुखी क्याम्पससँग उहाँ आवद्ध रहनुभएको छ। उहाँका दुई छोरा र दुई छोरी छन्। गर्न सकिने कुराको मात्र वाचा गर्ने, नसक्ने कुराको आ‍‍श्वासन नदिने वानी, अरुको विरोध गर्नुभन्दा आफ्नो कुरा राख्‍न रुचाउने स्वभाव, सबैको कुरा सुन्ने धैर्य र राजनीतिक इमान्दारीले आफूलाई विजयी वनाएको जोशीको आकलन छ। संविधानसभामा पिछडिएको क्षेत्रको विकासका लागि विशेष व्यवस्था र केन्द्रीयता, विकेन्द्रीकरण दुवै व्यवस्था सहितको सङ्घीय व्यवस्थाका मुद्दाहरूलाई प्रमुखतासाथ उठाउने उहाँको अठोट छ। जोशी भन्नुहुन्छ- जनप्रतिनिधिले सादा जीवन, उच्च विचार अँगालेर नैतिकता र सैद्धान्तिक राजनीतिको पूर्ण पालना गर्नुपर्छ।

[१]

सन्दर्भ[सम्पादन गर्ने]