मवदुअ

मवदुअ

मवदुअको गृह पृष्ठ
साइटको प्रकार	इन्टरनेट सामग्री प्रकाशक
उपलब्ध भाषा	अरबी
मालिकहरू	महम्मद जाबिर, रामि कवासमी
युआरएल	आधिकारिक वेबसाइट
अलेक्सा क्रम	५६८ (डिसेम्बर २०१९)
व्यवसायिक	हो
वर्तमान स्थिति	चालू
लेखिएको भाषा	विकि

मवदुअ , (अरबी: موضوع‎‎), (अनुवाद - विषय), एक व्यापक अनलाइन अरबी सामग्री प्रकाशक हो जुन जोर्डनमा आधारित छ। यसले विकीपिडिया जस्तै समान विकी प्रणालीको प्रयोग गर्दछ, र गुणस्तरीय अरबी सामग्रीहरूको प्रदान गर्दछ। मवदुअ, सुरुवातमा सन् २०१० मा मोहम्मद जाबेर र रमी अल कावासमीद्वारा स्थापित गरिएको थियो। यसले सन् २०१२ देखि औपचारिक रूपमा सेवाको सञ्चालन गरेको छ। यसले सन् २०११ मा विश्वविद्यालय र शिक्षाविद्को श्रेणीका लागि रानी रानिया राष्ट्रिय उद्यमशीलता पुरस्कारको लागि पहिलो पुरस्कार जितेको थियो। त्यस समयदेखि, मवदुअ धेरै दिशामा विकसित भएको छ र यसले लगातार खाडी मुलुकहरूमा विश्वसनीय अरबी सामग्रीहरूको प्रदान गरिरहेको छ। यसले मासिक रूपमा ४ करोड २० लाख मासिक सक्रिय प्रयोगकर्ता प्राप्त गर्ने पहिलो अरबी वेबसाइट पनि हो।

मानव ज्ञानका विभिन्न प्रकारका सबै पक्षहरूसँग व्यवहार गर्दै, विश्वव्यापी अरबी इन्टरनेट प्रयोगकर्ताहरूलाई सरलीकृत तरीकाले जानकारी प्रदान गरेर, मवदुअ डटकमले, १ लाख ४० हजार लेख, पुस्तकालय मार्फत अनलाइन अरबी सामग्री विस्तार गर्न थालेको थियो। मवदुअले कृत्रिम बुद्धिमत्ताको क्षेत्रमा पनि आफ्नो यात्रा सुरु गरेको थियो।

इतिहास

स्थापना

मवदुअको विचर मोहम्मद जाबेरबाट सुरु भएको थियो, जसले जोर्डनको हासिमेट विश्वविद्यालय अध्ययन गरिरहेका थिए। उनले भने: "परियोजनाको विचार सन् २००९ को अन्तमा मेरो ग्रीष्मकालीन बिदामा ई-बजारशास्त्रको बारेमा एक पुस्तक पढेर आएको थियो, जसले मलाई प्रेरित गर्‍यो"। मैले तीन विशेष पुस्तकहरू किनेँ र ती पढें, जसले अरबी भाषामा किवर्ड विश्लेषण सेवा विकास गर्ने परियोजना निर्माण गर्ने अवसर प्रकट गर्‍यो"।

सन् २०१० मा, जाबेर र रामी अल कावासमीले व्यक्तिगत रकम, परिवार र साथीहरूको साथ मवदुअको को स्थापना गरेका थिए। यो सुरुवातमा सन् २०११ मा रानी रानिया व्यापार योजना प्रतियोगिता पुरस्कारको लागि पहिलो पुरस्कार प्राप्तकर्ता हो। पुरस्कार प्राप्त गर्ने समयमा संस्थापकहरू विद्यार्थीहरूनै थिए। सेवाको सञ्चालन सन् २०१२ मा सुरू भएको थियो।

लगानी र साझेदारी

अगष्ट २०१५ मा, मौदुले, दुबई स्थित लगानीकर्ता “इक्विट्रष्ट” मार्फत कोष सङ्कलनको पहिलो चरणमा १५ लाख अमेरिकी डलर प्राप्त गरेको घोषण गरेको थियो। फलस्वरूप, प्रत्येक महिना २ करोड भन्दा बढी भ्रमणको साथ यसको ट्राफिकमा उल्लेखनीय बृद्धि भएको थियो जसमध्ये १ करोड २० लाख अद्वितीय प्रयोगकर्ताहरू छन्। यसमा धेरैजसो ट्राफिक साउदी अरबबाट आउँदछ भने त्यसपछि, मिश्र र जोर्डनको क्रमशः दोस्रो र तेस्रो स्थानमा रहेका छन्। यो रकम अरबी सामग्री समर्थन गर्न र इन्टरनेटमा अरबी पृष्ठहरूको सङ्ख्या बढाउन प्रयोग गरिएको थियो।

थप रूपमा, मवदुअले धेरै प्रकाशक र संस्थाहरूसँग उनीहरूलाई उच्च गुणस्तरका सामग्रीहरू प्रदान गर्न साझेदारी गरिरहेको छ।

बेलायतमा आधारित किङ्सवे र अमेरिकामा अस्थित एण्डर क्यापिटलको नेतृत्वमा, जुलाई २०१८ मा, मवदुअले आफ्नो कोष सङ्कलनको दोस्रो चरणमा १ करोड ३५ लाख अमेरिकी डलर प्राप्त गरेको घोषण गरेको थियो।

वृद्धि

सन् २०१६ को सुरुमा, करीव १ करोड ७० लाख प्रयोगकर्ताहरूको साथ, मवदुअ विश्वको पहिलो अरबी वेबसाइटको रूपमा घोषित भएको थियो। सन् २०१८ मा, मवदुअले ४ करोड ५० लाख अद्वितीय प्रयोगकर्ताहरू सम्म पुगेको घोषणा गरेको थियो जसमा उनीहरूको वृद्धि दर ४३% रहेको थियो।

तथ्याङ्क

प्रयोगकर्ता

अलेक्साको तथ्याङ्क अनुसार, मवदुअका प्रयोगकर्ताको वितरण:

क्रम	देश	प्रयोगकर्ताको सङ्ख्या
१	मिश्र	२०.०%
२	साउदी अरब	१४.३%
३	अल्जेरिया	१३.१%
४	सुडान	९.२%

बाह्य कडीहरू

• आधिकारिक वेबसाइट