रमेश लेखक
रमेश लेखक
कञ्चनपुर, दैजी गाविस निवासी ४४ वर्षीय रमेश लेखक नेपाली कांग्रेसका सभासद हुनुहुन्छ। २०५६ सालको निर्वाचनमा कञ्चनपुर क्षेत्र नं. ३बाट विजयी लेखक पुनर्स्थापित व्यवस्थापिका-संसदमा समेत सक्रिय हुनुहुन्थ्यो। लोकतन्त्र बहालीपछिको सरकारमा श्रम तथा यातायात मन्त्री रहेका लेखक हाल नेपाली कांग्रेसका केन्द्रीय सदस्य हुनुहुन्छ। राजनीतिक यात्राक्रममा उहाँ सामान्य पक्राउ पनुभएको छ। त्रिभुवन विश्वविद्यालयबाट कानुनमा स्नातक र राजनीतिशास्त्रमा स्नातकोत्तर लेखक २०४७ सालबाट नेपाली काङ्ग्रेस मार्फत राजनीतिमा सक्रिय रहँदै आउनुभएको हो। त्यसअघि उहाँ वकालत पेशामा हुनुहुन्थ्यो। अध्ययनमा रुचि राख्ने लेखकका लेख-रचनाहरू पत्रपत्रिकामा प्रकाशित हुँदै आएका छन्। समाजसेवामा पनि उहाँको रुचि छ र आफ्नो क्षेत्रमा व्यक्तिगत रूपमा तथा संघसंस्था मार्फत सामाजिक कार्यमा सक्रिय रही आउनुभएको छ। संविधानसभामा उहाँले प्रमुख रूपमा उठाउने अठोट गरेका मुद्दा हुन् - सङ्घीय लोकतन्त्रको संस्थागत विकास, राज्यको पुनःसंरचना गरी यसका सबै अंगमा सबै जाति-वर्ग-समुदायको समानुपातिक प्रतिनिधित्व सुनिश्चित गर्नु तथा दण्डहीनताको अन्त्य।
