लाजिम्पाट

लाजिम्पाट लाजिमपट राजपत्तन
नगर
देश	नेपाल
अञ्चल	बागमती
जिल्ला	काठमाडौँ जिल्ला
जनसङ्ख्या  (1991)
• जम्मा	९,४८१
समय क्षेत्र	युटिसी+5:45 (नेपालको प्रमाणिक समय)

लाजिम्पाट दरबार, अहिले होटल शङ्कर हो

लाजिम्पाट काठमाडौँको एक आवासिय क्षेत्र हो । दुईसय वर्षअघिको 'पाँडेथली' आज लाजिम्पाटको नामले सुप्रसिद्ध छ। थापाहरू बस्ने क्षेत्रलाई 'थापाथली' भने झैं त्यस इलाकामा केही पाँडेहरू बसोबास गर्ने हुनाले त्यसलाई पाँडेथली या पाँडेगाउँ भनिन्थ्यो । यो नारायणहिटी राजदरबारको नजिक छ र विभिन्न होटल, दुतावासको अवस्थितिले परिचित छ । लाजिम्पाट दरबार यही रहेको छ जुन अहिले होटल शंकरमा परिणत भएको छ ।  

लाजिम्पाटको एक सिमा ठमेलसँग जोडिएको छ भने अर्को तिर प्रधानमन्त्रि, प्रधानन्यायधिश र सभामुखको आवास रहेको बालुवाटार क्षेत्र छ ।

नामाकारण

सत्यमोहन जोशीको राय

संस्कृतको ‘राजपत्तन’ (राजधानी) अपभ्रंश भएर लाजिम्पाट भएको हो ।

डा. प्रेम सिंह बस्न्यातको राय

लाजिम्पाट ‘लाजिम’ र ‘पट’ मिलेर बनेको हो। ‘लाजिम’ भनेको ‘राजा’ र ‘पट’ भनेको ‘दरबार’ हो। किरातकालमा ‘राजदरबार’ बुझाउन ‘लाजिमपट’ भन्दाभन्दै कालान्तरमा लाजिम्पाट भएको हो ।

डा. महेशराज पन्तको राय

ब्रिटिस राजदुतको आवास (लजिङ, अङ्ग्रेजी: Lodging) र पार्ट (अङ्ग्रेजी: Part) बाट यो स्थानको नाम लाजिम्पाट रहेको हो।