सिमला जिल्ला

सिमला जिल्ला
हिमाचल प्रदेशको जिल्ला
शीर्ष-बायाँबाट घडीको दिशामा: सिमला सहर, राष्ट्रपति निवास, नारकान्डा नजिकै तानी जुब्बर ताल, चन्द्रनहन सांगला पास, सराहनमा भीमाकाली मन्दिर
उपनाम:  पहाडकी रानी
हिमाचल प्रदेशमा स्थान
देश	भारत
राज्य	हिमाचल प्रदेश
मुख्यालय	सिमला
क्षेत्रफल
• जम्मा	५१३१ किमी२ (१९८१ वर्ग माइल)
जनसङ्ख्या  (सन् २०११)
• जम्मा	८१४०१०
• क्रम	तेस्रो
• घनत्व	१६०/किमी२ (४१०/वर्ग माइल)
भाषाहरू
• आधिकारिक	हिन्दी
समय क्षेत्र	युटिसी+५:३० (भारतीय मानक समय)
वेबसाइट	hpshimla.nic.in/welcome.asp

सिमला जिल्ला उत्तरी भारतको हिमाचल प्रदेश राज्यको बाह्र जिल्ला मध्ये एक हो। यसको मुख्यालय सिमला राज्यको राजधानी हो। यस जिल्लाको उत्तरमा मण्डी र कुल्लु, पूर्वमा किन्नौर, दक्षिणपूर्वमा उत्तराखण्ड, दक्षिणपश्चिममा सोलन र दक्षिणमा सिरमौर रहेका छन्। यस जिल्लाको उचाइ ९८७ मिटर (३,२३८ फिट) देखि ४,५०० मिटर (१४,७६४ फिट) सम्म रहेको छ।

सन् २०११ मा, यो काँगडा र मण्डी पछि हिमाचल प्रदेशको तेस्रो सबैभन्दा बढी जनसङ्ख्या भएको जिल्ला (१२ मध्ये) हो। यो हिमाचल प्रदेशको सबैभन्दा सहरीकृत जिल्ला हो।

जनसाङ्ख्यिकी

भारतको सन् २०११ को जनगणना अनुसार, जिल्लाको जनसङ्ख्या ८१४,०१० थियो। यसले यसलाई भारतमा ४८३औँ स्थान (कुल ६४० मध्ये) प्रदान गर्दछ। यस जिल्लाको जनघनत्व १५९ प्रति वर्ग किलोमिटर (४१०/वर्ग माइल) रहेको छ। सन् २००१-२०११ को दशकमा यसको जनसङ्ख्या वृद्धिदर १२.६७ प्रतिशत थियो। सिमलामा प्रति १० पुरुषमा ९१५ महिलाको लिंग अनुपात रहेको छ भने साक्षरता दर ८३.६४% रहेको छ। २४.७४% जनसङ्ख्या सहरी क्षेत्रमा बस्छ। अनुसूचित जाति र अनुसूचित जनजाति क्रमशः २६.५१% र १.०८% छन्।

भारतको सन् २०११ को जनगणना अनुसार ६७.६१% जनसङ्ख्याले पहाडी, २०.३१% हिन्दी, ४.६३% नेपाली, १.३९% पन्जाबी र १.०५% काँगडीलाई आफ्नो पहिलो भाषाको रूपमा लिपिबद्ध गरेका थिए।