अनुराधा कोइराला

स्वतन्त्र विश्वकोश, नेपाली विकिपिडियाबाट
Jump to navigation Jump to search
अनुराधा कोइराला
जन्म सन् १९४९ अप्रिल १४
रुम्जाटार, ओखलढुङ्गा, नेपाल
नागरिकता नेपाली
पेशा समाजसेवी
धर्म हिन्दु
जिवनसाथी दिनेशप्रसाद कोइराला
सन्तान मनीष कोइराला
मातापिता कोलोनेल प्रताप सिंह गुरुङ र लक्ष्मी गुरुङ

अनुराधा कोइराला प्रसिद्ध समाजसेवी तथा माइती नेपालकी संस्थापक अध्यक्ष हुन्।[१] उनले आफ्नो माइती नेपाल नामक गैरसरकारी संस्था मार्फत बेचिएका चेलीबेटीको उद्वार गरेकी छिन्। खासगरी भारतीय कोठीहरूमा बेचिएर नारकीय जीवन बिताउन वाध्य भएका नेपाली चेलीबेटीहरूको उद्धार तथा पुनर्स्थापनामा उनको संस्था कृयाशील छ। यिनले २०१० CNN Heroको उपाधि पनि पाएकी छिन्।[२]

जन्म[सम्पादन गर्ने]

अनुराधाको जन्म १४ अप्रिल १९४९[३] मा ओखलढुङ्गा जिल्लाको रुम्जाटारमा गुरुङ परिवारमा भएको हो। उनका बाबु कर्णेल प्रताप शिंह गुरुङ र आमा लक्ष्मी गुरुङ हुन् ।[४]

१० कक्षासम्म भारतको कालिम्पोङमा अध्ययन गरेकी उनले भारतकै कोलकाताबाट बीए पास गरेकी छिन्। चार जना दाजुभाइ र दुई दिदी बहिनीमध्येकी उनी काँइली हुन्। १९ वर्षे किशोर उमेरमा काठमाडौंका दिनेशप्रसाद कोइरालासँग वैवाहिक बन्धनमा बाँधिएकी अनुराधाका एक मात्र छोरा मनीष कोइराला पनि 'प्रयास नेपाल' नामको गैरसरकारी संस्था चलाउँदै आएका छन्।[५]

CNN हिरो अवार्डका साथ अनुराधा कोइराला

मान तथा सम्मान[सम्पादन गर्ने]

कोइरालाले क्यालिफोर्नियाको लसएन्जलसमा CNN हिरो उपाधी जितेकी छिन् । उनलाई डेमी मुरएस्टन कचरले मञ्चमा संयुक्तरुपमा चिनाएका थिए।[६]

कोइरालाई माइती नेपालको आफ्नो कार्यक्रम जारी राख्न अमेरिकी डलर १००,००० को साथमा अमेरिकी डलर २५,०० कदर स्वरुप सिएनएन द्वारा प्रदान गरियो।[६][७]

उनले २०१४ मा मदर टेरेसा सम्मान जितिन् ।[८][९]उनले पदमा श्री जस्तो उपाधि पनि पाएकी छिन् । [१०]

प्रदेश प्रमुख[सम्पादन गर्ने]

मिति २०७४ माघ ३ गते बसेको मन्त्रिपरिषद्को बैठकले प्रदेश ३ को प्रमुखमा अनुराधा कोइरालालाइ नियुक्त गरेको छ ।[११]

सन्दर्भ सूची[सम्पादन गर्ने]

  1. अनुराधा कोइराला
  2. अनुराधा कोइराला सीएनएन हिरो
  3. अनुराधाको जीवनी
  4. अनुराधाको जीवनी
  5. "सीएनएनमा अनुराधा", कान्तिपुर दैनिक, बुधवार, २०६८ वैशाख २१। 
  6. ६.० ६.१ "अनुराधाले CNN Heroes Award जितिन्", CNN Edition, २०१२-०३-२३। 
  7. "अनुराधाले CNN Heroes Award जितिन्", २०१२-०३-२३। 
  8. "Mother Teresa global awards for Anuradha Koirala, Amte", Business Standard, अभिगमन मिति १४ डिसेम्बर २०१४ 
  9. "Mother Teresa Memorial International Award for Social Justice held on Sunday", dna (Diligent Media Corporation Ltd.), ११ नोभेम्बर २०१४, अभिगमन मिति १४ डिसेम्बर २०१४ 
  10. "अनुराधा कोइराला पद्मश्री पदकबाट सम्मानित", UJYAALO ONLINE :: Nepal News, Nepali Samachar, २६/०५/२०७४, अभिगमन मिति २६/०५/२०७४ 
  11. बीबीसी नेपाली सेवा