अमरसिंह थापाको परिवार

यो लेख बडाकाजी अमरसिंह थापाको परिवारको बारेमा हो। सानुकाजी अमरसिंह थापाको परिवारको लागि थापा वंश हेर्नुहोस्।

बडाकाजी अमरसिंह थापाको परिवार
अमरसिंहको पुर्ख्यौली कुल बगाले थापाको निशानकालिका झण्डा
हालको क्षेत्र	गोरखा र काठमाडौँ
अघिल्लो हिज्जे	बगाले थापा
उत्पतिस्थान	सिरानचोक, गोरखा
सदस्यहरू	भीमसिंह थापा बाघ अमरसिंह थापा रणध्वज थापा रणजोर थापा नरसिंह थापा अर्जुन सिंह थापा भूपाल सिंह थापा रिपुमर्दन थापा सुरथसिंह थापा
जडान भएका सदस्यहरू	बलभद्र कुँवर चन्द्रवीर कुँवर
जोडिएका परिवारहरू	कुँवर परिवार
परम्पराहरू	क्षत्रिय (क्षेत्री)
सम्पत्ति(हरू)	गोरखाको सिरानचोक

बडाकाजी अमरसिंह थापा (१८०८ - १८७३) को परिवार नेपाल अधिराज्यको एक राष्ट्रिय भारदारी परिवार तथा गोरखा राज्यको पुरानो भारदारी परिवार थियो । भीमसेन थापाको परिवार तथा अमरसिंह थापाको परिवार बगाले थापा कुलसंग सम्बन्धित थिए र नेपाल अधिराज्यको वृहद थापा गुटको अंश थिए ।

यस परिवारको पितृ सिरानचोक निवासी रणजय (रञ्जै) थापा थिए । उनका छोरा बाघ भीमसिंह थापा गोरखा राज्यको सैनिक अधिकारी थिए जो पलाञ्चोकको युद्धमा वीरगति पाए । भीमसिंहका छोरा तथा यस परिवारको सर्वाधिक परिचित सदस्य, अमरसिंह थापा कुमाऊँ, गढवाल तथा पश्चिमी प्रान्तहरूको मुख्तियार बन्न पुगे । अमरसिंहको छोरा तथा नातिहरू नेपाल अधिराज्यको भारदार, राजनीतिज्ञ, सैनिक अधिकारी तथा प्रान्तीय हाकिमहरू बन्न पुगे ।

यस परिवारको वैवाहिक सम्बन्ध कुँवर परिवारसँग थियो । चन्द्रवीर कुँवरका ससुरा अमरसिंह थापा थिए । उनी बलभद्र कुँवर तथा वीरभद्र कुँवरका मावली हजुरबुवा पनि थिए ।