अमरसिंह थापा (सानुकाजी)

यो लेख भीमसेनका पिता सानुकाजी सरदार अमरसिंह थापाको बारेमा हो। नेपाल अङ्ग्रेज युद्धका बडाकाजीको लागि अमरसिंह थापा हेर्नुहोस्।

सानुकाजी अमरसिंह थापा
पाल्पाका बडाहाकिम
कार्यकाल ??- वि.सं. १८७१ कार्तिक ७
उतराधिकारी	उजीर सिंह थापा
व्यक्तिगत विवरण
जन्म	वि. सं. १८१६ बोर्लाङ, गोरखा जिल्ला
मृत्यु	वि.सं. १८७१ कार्तिक ७ (उमेर ५५) पाल्पा जिल्ला
नाता	छोरा भीमसेन थापा, नाति माथवरसिंह थापा, नातिनी ललित त्रिपुरा सुन्दरी
उपनाम	सानु सरदार अमरसिंह
सैन्य सेवा
निष्ठा	नेपाल
श्रेणी	जनरल
लडाई/युद्धहरू	नेपाल तिब्बत युद्ध

अमरसिंह थापा (सानुकाजी) (नेपालको पश्चिम किल्लाका सर्वोच्च कमाण्डर बडाकाजी अमरसिंह थापा अर्कै व्यक्तित्व भएको) नेपाल तिब्बत युद्धका सरदार, प्रधानमन्त्री भीमसेनका पिता तथा पाल्पाका बडाहाकिम हुन्।

परिवार

उनको जन्म बगाले थापा कुलका काजी वीरभद्र थापाको तेस्रो छोराको रूपमा गोरखा जिल्लामा वि.सं. १८१६ मा भयो। उनका दाजु जीवन थापा र वंशराज थापा हुन् । जीवन थापा कीर्तिपुरको युद्धमा मारिए । उनी राजा पृथ्वीनारायण शाहका भरपर्दा काजी थिए । उनले दुई विवाह गरेका थिए । उनका सात छोराहरू क्रमशः भीमसेन थापा, नैनसिंह थापा, अमृतसिंह थापा, बख्तावर सिंह थापा, रणवीर सिंह थापा तथा रणजावर सिंह थापा र रणबम सिंह थापा थिए ।

जीवन

उनले नेपाल तिब्बत युद्धमा भाग लिएका थिए । उनलाई सन् १७५९ मा सरदारको पद दिइएको थियो । उनले पहिलो नेपाल तिब्बत युद्धमा काजी बलभद्र शाहको नेतृत्वपक्षमा अन्य काजी भोटु पाण्डे र काजी कीर्तिमान् सिँह बस्न्यातसँगै भाग लिएका थिए । बडाकाजी अमरसिंहसँग छुट्याउन उनलाई सानुसरदार नि भनिन्छ । छोरा प्र.म. हुँदा उनी पाल्पाका बडाहाकिम थिए ।

यो पनि हेर्नुहोला

• थापा