आदर्श विद्यालय, बिराटनगर

आदर्श विद्यालय
ठेगाना
बिराटनगर-७, मोरङ नेपाल
जानकारी
प्रकार	सार्वजनिक विद्यालय
स्थापना	वि.सं १९८६
विद्यार्थी सङ्ख्या	१९३७
क्षेत्र	१ बिघा १७ कठ्ठा ३ धुर जग्गा

विराटनगरको आदर्श विद्यालय स्थानीय समाजसेवी श्री कृष्णप्रसाद कोइरालाले स्थापना गरेका हुन्। राणाकालमा गरीबका छोराछोरीले पढ्न पाउन भनेर बीपी कोइरालाका पिता कृष्णप्रसाद कोइलाले वि.सं. १९८६ साल वसन्त पञ्चमीमा स्थापना गरेका थिए। नेपालमा सहशिक्षा सुरू गर्ने यो पहिलो विद्यालय हो। त्यहाँ देशप्रेम, स्वावलम्वन तथा सरल जीवनयापन पद्धतिमा समतामूलक तवरले शिक्षा दिइन्थ्यो। दरवार हाइस्कुलपछिको नेपालको यो दोस्रो हाइस्कुल हो। बालिकाहरूले पठन पाठनमा प्रवेश पाएको यो पहिलो विद्यालय थियो। गिरिजाप्रसाद कोइराला लगायत नेपालका धेरै जना राजनीतिक व्यक्तित्त्वहरूको प्रारम्भिक शिक्षा यसै विद्यालयबाट सुरु भयो।^{[स्रोत नखुलेको]}

वर्तमान स्थिति

विज्ञान, व्यवस्थापन र शिक्षा संकायका सबै विषयहरू बाहेक यस विद्यालयमा विहानी पख ऐच्छिक कम्प्युटर, तीन वर्षे डिप्लोमा इन कम्प्युटर इन्जिनियरिङ (डीकम), डिप्लोमा इन सिभिल इन्जिनियरिङ र १८ महिने प्राविधिक एसएलसीको पढाइ हुन्छ। यस विद्यालयका ५४ शिक्षकहरू मध्ये आधा युवा उमेरका छन्। ५० वर्ष उमेर नाघेका ८, ४० देखि ५० वर्ष उमेर समूहका १६ जना र ४० मुनिका ३० शिक्षकशिक्षिकाहरू छन्।

उल्लेखनीय भूतपूर्व विद्यार्थीहरू

विश्वविद्यालयका केही प्रख्यात स्नातकहरू निम्न हुन्:

• गिरिजाप्रसाद कोइराला
• मनमोहन अधिकारी
• सूर्यबहादुर थापा
• नगेन्द्रप्रसाद रिजाल
• विश्वनाथ उपाध्याय
• शेखर कोइराला
• भोला रिजाल
• प्रफुल कुमार काफ्ले