इमराती गैरआवासी

इमराती गैरआवासी
الإماراتيون المغتربون

उल्लेखीय जनसङ्ख्या भएका क्षेत्रहरू
१,८५०,२००
अन्य खाडी मुलुक	भिन्नता
क्यानडा	२०,९९०
संयुक्त अधिराज्य	१७,१६१
भारत	१२,४७०
संयुक्त राज्य अमेरिका	९,१९७
अस्ट्रेलिया	४,४१५
जोर्डन	१,७२०
जर्मनी	१,१५२
फिनल्यान्ड	१,४२४
डेनमार्क	२२०
भाषाहरू
अरबी (खाडी अरबी वा मानक)
धर्महरू
इस्लाम
सम्बन्धित जातीय समूह
इमराती मानिस

इमराती गैरआवासीले (अरबी: الإماراتيون المغتربون‎) संयुक्त अरब इमिरेट्सका नागरिकहरूको समावेश गर्दछ जसले संयुक्त अरब एमिरेट्सबाट अन्य देशहरूमा बसाइसराई गरेका छन् जसमा इमराती मूलमा जन्मिएका मानिसहरू वा अन्य देशका बासिन्दाहरू पर्दछन्।

पृष्ठभूमि

संयुक्त अरब इमिरेट्समा नागरिकहरूलाई पर्याप्त अवसरहरू प्रदान गर्ने र धेरै नागरिकहरूलाई जीवनयापन गर्न र अन्य देशहरूमा काम गर्ने आवश्यकतालाई प्रतिस्थापन गरेका कारण विश्वव्यापी अरबी गैरआवासीको एक भागमा इमराती गैरआवासीहरूको सङ्ख्या धेरै सानो छ। संयुक्त अरब इमिरेट्सका धेरै स्थानीयहरू राम्रो रोजगारी पाएका कारण नोकरको जागिर गर्न रुचाउँदैनन्। तथापि, केही कुशल इमराती नागरिकहरू राम्रो कामको अवसर वा बहुमूल्य अनुभव प्राप्त गर्न विदेश जान्छन्। एउटा प्रतिवेदनकोे अनुसार दक्षताको प्रमाणपत्र भएका तीन भागका नागरिकहरू मध्ये दुई भागका नागरिकहरू विदेश जाने गरेका छन्। यसको प्रति उत्तरमा, संयुक्त अरब इमिरेट्समा विगतका केही वर्षहरूमा दुबै सार्वजनिक र निजी क्षेत्रहरूको बढ्दो सङ्ख्याको साथ, संयुक्त अरब इमिरेट्स सरकारले बसाइसराइलाई बढावा दिएको थियो र यसको विपरीत रूपमा विदेश पलायन भएका र प्रवासी इमरातीहरूलाई स्वदेशमा फिर्ता बोलाउँदै रोजगारीका अवसरहरूलाई प्रोत्साहित गर्दै "घर फर्क" भनिने पहलको सुरुवात गरिएको थियो।

यसको अतिरिक्त, धेरै इमीरातीहरू विदेशी विश्वविद्यालयहरूमा शिक्षा लिन, पर्यटन, चिकित्सा उपचार वा व्यापार सञ्चालन गर्ने जस्ता उद्देश्यका लागि विदेश जान्छन्। धेरै इमराती विद्यार्थीहरूको लागि, विदेशमा अध्ययन गर्नु भनेको उनीहरूको क्षितिज, अन्तर्राष्ट्रिय अनुभव र कामका अवसरहरू विस्तार गर्नु हो। प्रायः साना इमराती गैरआवासीहरू मध्य पूर्व (मुख्यतया खाडि सहयोग परिषद् ), उत्तर अमेरिका, युरोप र अष्ट्रेलियामा केन्द्रित छन्। संयुक्त अरब इमिरेट्सले विश्वभरि कूटनीतिक उपस्थिति र दूतावासहरूको सञ्जाल कायम राखेको छ। इमराती राष्ट्रियता कानूनले दोहोरो नागरिकता प्रदान गर्दैन, त्यसैले जो अन्य देशका नागरिक बन्छन् उनीहरूले संयुक्त अरब इमिरेट्सको नागरिकता त्याग्नु पर्लछ। संयुक्त अरब इमिरेट्सको नागरिकता छोडेका व्यक्तिहरूलाई सामान्यतया एमिराती समाजमा देखि रूचाउँदैनन्।

सन् १९९० देखि २०१२ सम्मको बीचमा करिब २५० इमिरातीहरूले बेलायती नागरिक भएको एक सरकारी तथ्याङ्कले देखाएको छ। जबकि केहि अरुले पनि वर्षौंमा अमेरिकी र पश्चिमी नागरिकता प्राप्त गरेका थिए।

जनसङ्ख्या वितरण

मध्य पूर्व

धेरै संयुक्त अरब इमिरेट्सका नागरिकहरू खाडी सहयोग परिषद् गठन गर्ने फारसी खाडीको अरब राज्यहरूमा अध्ययन वा बसोबास गर्ने गर्दछन् वा काम गर्छन्। खाडी सहयोग परिषद् राज्यका नागरिकहरू सबै खाडी सहयोग परिषद् सदस्य देशहरूमा आवागमनको स्वतन्त्रता उपभोग गर्दछन् जसमा बसोबास गर्ने र काम गर्ने अधिकार सहित, कुनै पनि प्रतिबन्ध लगाइएको छैन।

दक्षिण एसिया

दक्षिण एसियामा मुख्यतया पाकिस्तान र भारतमा संयुक्त अरब इमिरेट्सका थोरै सङ्ख्यामा विद्यार्थीहरूको उपस्थिति रहेको छन्।

दक्षिण पूर्वी एसिया

सन् २०१२ सम्म करीव २०० एमरती विद्यार्थीहरू मलेसियामा अध्ययन गरिरहेका थिए। सन् २००९ सम्म इन्डोनेसिया संयुक्त अरब इमिरेट्सका करीव सय नागरिकहरू थिए।

उत्तर अमेरिका

इमराती अमेरिकीको जनसङ्ख्या केहि हजार रहेको अनुमान गरिएको छ। अमेरिकामा प्राय जसो संयुक्त अरब इमिरेट्सका नागरिकहरू अन्तर्राष्ट्रिय विद्यार्थीहरू हुन्। क्यानडामा पनि एक सानो इमराती जनसङ्ख्या रहेको छ, जसमा विद्यार्थीहरू समावेश छन्।

युरोप

संयुक्त अधिराज्यमा ५,४०० भन्दा बढी इमरातीहरू छन्। बेलायत इमराती विद्यार्थीहरूको लागि सबै भन्दा लोकप्रिय गन्तव्य हो। संयुक्त अरब इमिरेट्सका करिब ३,४०० विद्यार्थीहरू बेलायतका विभिन्न विश्वविद्यालयहरूमा अध्ययन गरिरहेका थिए। बेलायतको लण्डनमा इमराती जनसङ्ख्याको सबैभन्दा महत्त्वपूर्ण एकाग्रता छ। यसको अतिरिक्त, यूरोपभरि अन्य विभिन्न देशहरूमा इमरातीहरू छन् जसमा मुख्यतया विद्यार्थीहरू समावेश छन्।

ओसिनिया

सन् २०१० मा अष्ट्रेलियामा, १,७०० भन्दा बढी इमराती विद्यार्थीहरू रहेका थिए। न्युजिल्याण्डमा पनि इमराती विद्यार्थीहरू रहेका छन्।