नथिया (उपन्यास)

नथिया

प्रथम संस्करणको आवरण
लेखक	सरस्वती प्रतिक्षा
देश	नेपाल
भाषा	नेपाली
प्रकार	आख्यान
स्थान	सुदूर-पश्चिमाञ्चल विकास क्षेत्र
प्रकाशित	फेबुररी ३, २०१८
प्रकाशक	बूक हिल पब्लिकेशन
पृष्ठ	२८२
पुरस्कार	पहिचान पुरस्कार, २०१९
आइएसबिएन	9789937921701

नथिया सरस्वती प्रतिक्षा द्वारा एक नेपाली उपन्यास हो। यो बुक-हिल प्रकाशन द्वारा फेब्रुअरी ३, २०१८ मा प्रकाशित भएको थियो। पुस्तक नेपालको सुदूरपश्चिम क्षेत्रका वादी महिलाको पीडामा आधारित छ । पुस्तक प्रतिष्ठित मदन पुरस्कारका लागि मनोनयन गरिएको थियो।

पृष्ठभूमि

पुस्तक सन् १९८० (२०३६) देखि १९९० (२०४६) सम्मका वादी समुदायका महिलाहरूको जीवनमा आधारित छ। पुस्तकमा दाङ उपत्यकाको उत्तरपश्चिमी क्षेत्रमा बसोबास गर्ने वादी महिलाको पीडालाई उजागर गरिएको छ । नेपालमा राणा शासनको पतनपछि वादी महिलाहरूले वेश्यावृत्तिको सहारा लिनु परेको थियो । समाचारमा सिंहदरबार अगाडि वादी आन्दोलन गरेको देखेपछि प्रतिक्षाले किताब लेख्ने निर्णय गरेकी हुन् ।

विमोचन

यसअघि तीनवटा कविता सङ्ग्रह प्रकाशित भएको यो लेखकको पहिलो उपन्यास हो। पुस्तकको विमोचन फेब्रुअरी ३, २०१८ मा वादी अभियन्ता उमादेवी बादी, लेखक नारायण वाग्ले र पत्रकार यशोदा तिम्सिनाले संयुक्त रुपमा नेपाल प्रज्ञा प्रतिष्ठान परिसरमा गरेका थिए ।

विवाद

वादी परिषद्ले पुस्तकविरुद्ध मुद्दा दायर गरेको थियो । वादी मानिसहरूलाई वर्णन गर्न पुस्तकमा प्रयोग गरिएका शब्दहरूलाई वादी परिषदले अपमानजनक मानेको थियो। उक्त मुद्दाको सुनुवाई अप्रिल २७, २०१८ मा नेपालको सर्वोच्च अदालतमा भएको थियो। प्रतिवादी सरस्वती प्रतिक्षाले ती शब्दहरू समुदायको अपमान गर्नुभन्दा पनि वादीको पीडालाई उजागर गर्नका लागि पुस्तकमा प्रयोग गरिएको दाबी गरिन। अदालतले जनताको पीडालाई उजागर गर्न शब्दहरू प्रयोग गरिएको भन्दै लेखकको पक्षमा फैसला सुनायो।

पुरस्कारहरू

किताब मदन पुरस्कारको लागि मनोनित भएको थियो र यसले २०१९ को पहिचान पुरस्कार जित्न सफल भयो कार्यक्रमका प्रमुख अतिथि बैरागी काइँलाले प्रतिक्षालाई नगद दुई लाख दुई सय रुपैयाँसहित पुरस्कार प्रदान गरे । 200,200।

यो पनि हेर्नुहोस्

• योगमाया
• परित्यक्ता
• उलार