मधेसतिर (कथा)
| लेखक | विश्वेश्वरप्रसाद कोइराला |
|---|---|
| आवरण कलाकार | टेकवीर मुखिया |
| देश | नेपाल |
| भाषा | नेपाली |
| विषय | कथा |
| प्रकार | सामाजिक, यौन मनोविज्ञान |
| प्रकाशक | साझा प्रकाशन |
प्रकाशित मिति | २००६ साल |
| पृष्ठ | १०४ पृष्ठ |
| आइएसबिएन | 978-99933-2-750-9 |
मधेसतिर कथाकार विश्वेश्वरप्रसाद कोइरालाको दोषी चस्मा कथासङ्ग्रहमा बिसं २००६ सालमा प्रकाशित कथा हो । यस कथामा सामाजिक तथा मनोवैज्ञानिक समस्यालाई वा मानवीय जीवनमा देखा पर्ने आर्थिक एवम् जैविक द्वन्द्वलाई सजीवरूपमा प्रस्तुत गर्ने काम भएको छ ।
कथा सारांश
[सम्पादन गर्नुहोस्]विधवा र गोरे यस कथाका मुख्य पात्रहरू हुन । यी दुबैका आ–आफ्नै समस्या छन् । गोरेको जीवनले आर्थिक समस्यालाई देखाइएको छ भने विधवाको जीवनले मनोवैज्ञानिक समस्यालाई औंल्याइएको पाइन्छ । आर्थिक र यौनजन्य समस्यालाई चित्रण गर्न अन्य तीन जना पात्रहरूलाई पनि समावेस गरिएको छ । यस कथाकी नायीका विधवामा कामवासना सम्बन्धि पीडा छ भने गोरेमा दैनिक गुजारा कसरी चलाउने भन्ने समस्या छ । जीवनका आधारभूत द्वन्द्वमा फसेका यी दुबै पात्र कुनै न कुनै संगतीको खोजीमा पहाडबाट मधेस झर्दैछन् । वास्तवमा यस कथामा विधवाका माध्यमबाट यौन अतृप्तिलाई देखाइएको छ । यौन अतृप्ति मानिसको जीवनमा अत्यन्त कष्टकर हुन्छ । यही अनुभूतिलाई यस कथाको विषय बनाइएको छ भने आर्थिक समस्या गौण रूपमा प्रकट गरिएको छ । यौनतृप्तिको आकांक्षालाई सामाजिक बन्धन, नैतिकता वा मानसिक सोचाइले गर्दा यौनेच्छा पूर्ण हुन पाउँदैन । यौनेच्छा पूर्ण हुन नपाउँदा त्यसबाट असाध्यै ठूलो कष्ट वा पीडा हुन्छ भन्ने बिषयलाई नाटकीयकरण गरी यस कथामा प्रस्तुत गरिएको छ । यस कथाकी विधवा को एक जना छोरा हुन्छ । उसभित्र यौनेच्छा जाग्दछ र त्यो पूरा हुनसक्दैन । त्यसैले त्यो विधवा सम्पन्न भएर पनि आफ्नो अतृप्त यौनेच्छालाई तृप्ति दिने आन्तिरिक चाहानाले छोरालाई लिएर झर्दैछे । विधवाले मधेस झर्दा पैसा र गहनाको पोको लिएर झरेकी हुन्छे । त्यसबाट कुनै युवकलाई आकर्षित गर्ने र सम्भोग गर्ने, घरजग्गा किनेर सँगै बसेर सधै शारीरिक सम्बन्ध राख्ने जस्ता उसभित्र अतृप्त यौनको तृप्तिको चाहना विद्यमान थिए । त्यसैले बाटोमा भेटिएका चारजना यात्री मध्ये गोरे भन्ने युवकलाई आफ्नो लोग्ने बनाउने र मधेसमा राम्रो घरबारी लिएर जीवन बिताउने सुरले गहनाको लोभ देखाउँछे ।तर गोरे राति सुतेकै बेलामा विधवाको गहनाको पोको चोरेर भागेपछि उसको त्यो यौन तृप्तिको चाहनामा ठूलो बाधा आइलाग्छ । यसबाट उसको जीवन झन् दुखद् र करुणामय बन्न पुग्छ । वास्तवमा उसको अतृप्त यौनेच्छा अचेतनमा दमित हुन पुग्दा कष्टदायी बन्न गएको छ । गोरेले गहना र पैसाका पोको चोरेर भागेपछि विधवा यौन समस्याकासाथै आर्थिक समस्यामा पनि पर्छिन् । उनका सारा सपनाहरू चकनाचुर हुन पुग्छन् । उता गोरे, भोटे र धने जस्ता पात्रहरू रोजीरोटीको समस्याले सताइएका छन् । अन्तिममा केही सिप नलागेपछि र आफ्नो कामोत्तेजना रोक्न न सकेपछि आफ्नै छोरालाई यौनक्रिडा सिकाउन थाल्छिन् र आनन्द लिन थाल्छिन् ।इएका छन् ।
यो पनि हेर्नुहोस
[सम्पादन गर्नुहोस्]- विश्वेश्वरप्रसाद कोइराला दोषी चस्मा