राजाजी थान

राजाजी थान
राजाजी थान, मानराजा
मधेश प्रदेशको नक्साभित्र स्थान राजाजी थान (नेपाल)
प्राथमिक विवरण
स्थान:	मानराजा
निर्देशाङ्क	२६.५६°N ८६.५९°E / 26.56; 86.59
सम्बन्धन	हिन्दुत्व
देवता	राजाजी (लक्ष्मी नारायण)
चाडपर्व	राम नवमी
जिल्ला	सप्तरी जिल्ला
राज्य	मधेश प्रदेश
देश	नेपाल
वास्तुकला विवरण
वास्तुकला	अज्ञात
स्थापित मिति	अज्ञात
विशेष विवरण
मन्दिर(हरू)	१
स्मारक(हरू)	२
अवस्थिति	१०० मी (३२८ फिट)

राजाजी थान नेपालको मधेश प्रदेशको सप्तरी जिल्लाको साविक मानराजा गाउँ विकास समिति हाल बोदेबरसाइन नगरपालिकामा रहेको एक ऐतिहासिक धार्मिक स्थल हो। स्थानीय वासीहरूले यो स्थानलाई सामान्य बोलिचालीमा श्री राजाजी स्थान वा राजाजी स्थान समेत भन्ने गरेका छन्। राजाजीको नामले स्थापित र पूजा गरिने उक्त मूर्ति लक्ष्मी नारायणको हो।

मन्दिर र संरचना

यो मन्दिर तित्री रुखको मुनि रहेको छ। पक्की संरचना नरहेतापनि मूर्ति स्थापना गरिएको भागलाई आयताकार बुट्टेदार ढुङ्गाद्वारा घेरिएको छ। मिथिला क्षेत्रको प्रतीक दर्शाउने उक्त आयताकार ढुङ्गाहरू लगभग १.५ मिटर अग्लो र १ मिटर चौडा छ। विभिन्न प्रतीकहरू कोरिएका कालो ढुङ्गाका टुक्राहरू मन्दिरसँगै रहेका छन्।

पुरातत्व सर्वेक्षण

वि.सं. २०४५ सालमा यस क्षेत्रमा सर्वेक्षण गर्न आएको पुरातत्व विभाग (नेपाल)को टोलीले यस मन्दिरको भित्री भागमा पौराणिक आयताकार इटाहरू प्रयोग गरिएकोले अर्को कुनै मन्दिरको भग्नावशेष हुन सक्ने सम्भवना रहेको आफ्नो प्रतिवेदनमा उल्लेख गरेको थियो।