लीलामणि पौडेल

स्वतन्त्र विश्वकोश, नेपाली विकिपिडियाबाट
Jump to navigation Jump to search

लीलामणि पौडेल (वि.सं. २०१९ - ) नेपाल सरकारका मुख्य सचिव हुन् ।

जीवनी[सम्पादन गर्ने]

पौडेल वि.सं. २०१९ मा गुल्मीको बलेटक्सारमा साधारण किसान परिवारमा जन्मिएका हुन् ।

सरकारी सेवा[सम्पादन गर्ने]

पौडेलले २४ वर्षको उमेरमा सरकारी सेवामा प्रवेश गरेका हुन् । त्रि-चन्द्र कलेजमा आइएस्सी गरेपछि बीएस्सी छोडेर उनी शंकरदेवमा कमर्श पढ्न थाले । बीकम सकेपछि लोकसेवा आयोगको परीक्षा पास गरेर लेखा कन्ट्रोलर कार्यालयमा लेखा अधिकृत नियुक्त भएका उनले २०४६ मा त्रिविबाट एमबीए गरे । त्यसपछि २०५२ मा खुला प्रतिस्पर्धाबाट उपसचिव बनेर उनी स्थानीय विकास मन्त्रालय गए ।

१८ महीनापछि खुला प्रतिस्पर्धाबाट सहसचिव बनेका उनले वाणिज्य, आपूर्ति तथा उद्योग मन्त्रालयका विभिन्न महाशाखा र विभागमा काम गरे । २०६४ मा सचिव बनेपछि उनी पर्यटन, संचार, गृह र प्रधानमन्त्री कार्यालयमा रहे ।

सरकारी सेवामा प्रवेश गरेको २६ वर्षपछि २०६९ साल साउन २२ मा नेपाल सरकारको मुख्य सचिव बनेका पौडेल कर्मचारी प्रशासनलाई शुद्धीकरण गर्ने अभियानमा सक्रिय छन् ।

बाहिरी कडीहरू[सम्पादन गर्ने]