वासुदेव (चलचित्र)

स्वतन्त्र विश्वकोश, नेपाली विकिपिडियाबाट
Jump to navigation Jump to search

thumb|चलचित्र वासुदेवको पोस्टर

वासुदेव
निर्देशक नीर शाह
निर्माता विनोद चौधरी
लेखक डा. ध्रुवचन्द्र गौतम
संवाद डा. ध्रुवचन्द्र गौतम
संगीत निर्देशक महाकवी लक्ष्मीप्रसाद देवकोटाको यात्री कविता
देश नेपाल
भाषा नेपाली
बजट १४ लाख



वासुदेव (चलचित्र) एक नेपाली कथानक चलचित्र हो । आख्यानकार डा. ध्रुवचन्द्र गौतमको उपन्यास ‘कट्टेल सरको चोटपटक’ मा आधारित रहेर २०३९ सालमा सुटिङ सुरु भएको यो फिल्म २०४१ मा सार्वजनिक प्रदर्शनीमा आएको थियो ।[१]

पृष्ठभूमि[सम्पादन गर्ने]

०३७ सालमा उपन्यास ‘कट्टेल सरकार चोटपटक’ बजारमा आयो । आएकै वर्ष नीर शाहले पढे । कथा उनको आँखामै बिलायो । उनलाई यसमा चलचित्र बनाउनुपर्छ भन्ने लाग्यो । लेखक डा. ध्रुवचन्द्र गौतमसँग उनले अनुमति मागे । गौतमले पनि स्वीकृति दिए । शाहले चलचित्र निर्माण सुरु गरे । साढे तीन लाख रुपैयाँ शाहसँगै थियो । उनले साथीसँग साढे तीन लाख हाल्न लगाए । सात लाख जम्मा भयो । तर, त्यतिले चलचित्र निर्माण हुने अवस्था थिएन । उनले व्यापारी विनोद चौधरीलाई सम्झिए । उनले ‘कट्टेल सरको चोटपटक - वासुदेव’ उपन्यास पुस्तक चौधरीलाई पढ्न भनेर दिए । उनले पनि लगानी गर्न तयार रहेको बताए । चलचित्रमा सात लाख रुपैयाँ उनले लगानी गरे । १४ लाखमा चलचित्र निर्माण भयो ।[२]

कथा[सम्पादन गर्ने]

कुमार (नीर शाह) व्यापारमार्फत कालोधन कमाउँथे । वासुदेव सर ( हरिहर शर्मा ) चलचित्रमा आदर्श चरित्र हुन्छन् । वासुदेव सर आदर्शको प्रतिमूर्ति हुन्छ । उनको शिर सधैं उचो हुन्छ । आफ्नै व्यापारी साथी कुमारको लोभलालचबाट उनी सधैं टाढै रहन्छन् । तर कुमारले उनको नैतिकतामाथि पलपलमा प्रहार गरिरहन्छ । उनको नैतिकता डगाएर आफ्नो व्यापारको हिस्सा बनाउन चाहन्छ । तर सतीसाल जस्तै वासुदेवको नैतिकता झन् बलियो हुँदै गएको देखेर चुर भएको कुमार वासुदेवकै घरमा पुगेर उसकी छोरी र श्रीमतीको इज्जत लुट्न खोज्छ । कुमारको व्यवहारले अति भएपछी, वासुदेव कुमारको घर पुगेर उसको घाँटी थिचेर मारिदिन्छ र भन्छ– यो देशलाई तँजस्ता मान्छेको आवश्यकता छैन ।

कुमारको हत्या गरेर निस्किएको वासुदेव हृदयघातले मर्छ ।[२]

पात्रहरू[सम्पादन गर्ने]

सन्दर्भ[सम्पादन गर्ने]

यो पनि हेर्नुहोस्[सम्पादन गर्ने]

नेपाली चलचित्र उद्योग