चम्पा (उपन्यास)

चम्पा (उपन्यास)

लेखक	महाकवी लक्ष्मीप्रसाद देवकोटा
आवरण कलाकार	टेकवीर मुखिया
देश	नेपाल
भाषा	नेपाली
विषय	उपन्यास
प्रकार	सामाजिक
प्रकाशक	साझा प्रकाशन
आइएसबिएन	978-99933-2-652-6

चम्पा लक्ष्मीप्रसाद देवकोटाद्बारा लिखित औपन्यासिक कृति हो । साझा प्रकाशनले बजारमा ल्याएको यो पुस्तक लक्ष्मीप्रसाद देवकोटाद्वारा लेखिएको एकमात्र उपन्यास हो । देवकोटाको मृत्युपश्चात २०२४ सालमा प्रकाशन भए पनि यसको रचना भने २००४ सालमै भएको जानकारी यसको प्रकाशकीयबाट पाइन्छ ।

लेखकबाट सामाजिक उपन्यास नाम दिइएको यस कृतिमा कविताका क्षेत्रमा स्वच्छन्दतावादी मानवतावादलाई आत्मसात गरेका देवकोटाले तत्कालीन समाजको यथार्थ चित्रण गर्न खोजेका छन् । चम्पा देवकोटाका अन्य कृतिभन्दा भिन्न प्रवृत्तिका साथ देखा परेको उपन्यास हो । राणाकालीन सामाजिक परिवेशका विकृति र त्यसमा नारीले भोग्नुपरेको विवशतालाई देखाउन सक्षम यो कृति तत्कालीन पारिवारिक द्वन्द्वात्मक स्थिति र तनावको चित्रणमा पनि त्यतिकै सबल देखा पर्छ ।

पात्रहरू

• चम्पा
• रामकान्त
• सुब्बा श्रीकान्त
• निशा (सुब्बेनी बज्यै)
• चुनु
• बुलु
• पण्डित रमाकान्त
• सासू
• जेठी बुहारी
• कान्छी बुहारी