ताशि बिरालो

ताशि बिरालो
संरक्षण स्थिति
कम चासोका  (आइयुसिएन ३.१)
वैज्ञानिक वर्गीकरण
जगत:	जनावर
Phylum:	रज्जुकी
वर्ग:	स्तनधारी प्राणी
गण:	मांसाहारी
परिवार:	फेलिडे
उपपरिवार:	फेलिने Brandt, 1841
वंश:	पार्डोफेलिस (Pallas, 1776)
प्रजाति:	P. marmorata
वैज्ञानिक नाम
Pardofelis marmorata (Pallas, 1776)
ताशि बिरालो पनइने ठाउँहरु( गाढा सुन्तला-हाल रैथाने, फिक्का सुन्तला-सायद रैथाने र हरियो-अध्ययनको कमि)

ताशि बिरालो ( वैज्ञानिक नाम:Otocolobus manul) नेपालमा पाइने बिरालो जातको जन्तु हो। ठूलो अनुमानित जनसंख्या र व्यापक फैलावटका कारण सन् २०२० मा अन्तर्राष्ट्रिय प्रकृति संरक्षण सङ्घले यसलाई "कम चासोका" संरक्षण स्थितीमा सूचिकृत गरेको छ। यस अघि भने ताशि बिरालोलाई "सङ्कटापन्न" संरक्षण स्थितीमा सूचिकृत गरिएको थियो।

फैलावट

ताशि बिरालो खासगरि मध्य एशियमा रैथाने बिरालो हो। यो पश्चिममा इरान र पूर्वमा भुटान सम्म पाइन्छ। नेपाल, इरान र भुटानसँगै ताशि बिरालो चीन(खासगरि तिब्बत),भारत,अफगानिस्तान,ताजकिस्तान,किर्गिस्तान,मङ्गोलिया,रुस, पाकिस्तान,काजकिस्थान र तुर्कमेनिस्तानमा पाइन्छ। ताशि बिरालो ४४० मिटरको उचाइदेखि ५५९३ मिटरको उचाइसम्म पाइएको छ।अहिलेसम्मकोसबैभन्दा धेरै उचाइमा ताशि बिरालो मनाङमा ५५९३ मिटरमा पाइएको थियो।

नेपालमा ताशि बिरालो

नेपालमा ताशि बिरालो पहिलो पटक सन् २०१२ मा अन्नपूर्ण संरक्षण क्षेत्रमा अवस्थित मनाङ जिललामा हिउँ चितुवाको अध्ययनका लागि छाडिएको क्यमेरा ट्रयाप प्रविधिमा देखिएको थियो। यस अघि नेपालमा यो बिरालो कहिल्यै देखिएको थिएन र त्यसैले यसको कुनै नेपाली नाम थिएन। त्यसैले अध्ययनकर्मीहरुले यसलाई संरक्षणकर्मी ताशि घले, जसले यस बिरालोलाई नेपालमा पत्ता लगाउनमा ठूलो भूमिका निभाए र उच्च हिमाली भेगका जैविक विविधताको धेरै अध्ययन गरे, उनलाई सम्मान स्वरुप यस बिरालोको नाम 'ताशि बिरालो' राखिदिए। तिब्बती भाषामा ताशिको अर्थ "भाग्यमानी" वा "भाग्यले साथ दियोस्" हुन्छ।

तस्विर सङ्ग्रह

• 
• 
• 
  अजरबैजानको हुलाकमा ताशि बिरालो