दुलेगौँडा सहर

दुलेगौँडा
सहर
देश	नेपाल
अञ्चल	गण्डकी
जिल्ला	तनहुँ जिल्ला
जनसङ्ख्या  (१९९१)
• जम्मा	७४१२
समय क्षेत्र	युटिसी+५:४५ (नेपाली समय)

दुलेगौँडा तनहुँ जिल्लामा अवस्थित एक सहर हो । यो सहर हाल शुक्लागण्डकी नगरपालिकामा रहेको छ, भने शुक्लागण्डकी नगरपालिकाको व्यापारिक केन्द्रका रूपमा रहेको छ । हाल यो सहर नेपालको नयाँ प्रदेशीक संरचना अन्तरगत प्रदेश नम्बर ४, गण्डकी अञ्चल, तनहुँ जिल्लामा रहेको छ । यो सहर नयाँ संरचना अन्तरगत १८ मे २०१४ मा नगरपालिकाको रूपमा स्थापना भएको थियो । सन् १९९१ सालको नेपाल सरकारको आधिकारिक तथ्याङ्क अनुसार यो सहरका कुल ७४१२ जना मानिसहरू बस्ने गर्दथे भने १५०७ वटा विभिन्न किसिमका घरहरू रहेको थियो ।

स्वास्थ्य

यो दुलेगौँडा सहरमा प्रमुख उपचार सेवा दिने अस्पतालका रूपमा तनहुँ सेवा अस्पताल रहेकोमा छ । यो अस्पतालको तत्कालीन नेपालका स्वास्थय मन्त्री खगराज अधिकारीले वि.स. २०७१ पुस २८ गते गरेका थिए । यस अस्पतालले तनहुँका मात्र नभइ स्याङ्जा जिल्ला, कास्की जिल्ला तथा पाल्पा जिल्ला बासिन्दाहरूलाई समेत सेवा दिने गर्दछ । यसबाहेक यो सहरमा अन्य सानाठूला स्वास्थ क्लिनिकहरू, औसधि पसलहरू तथा आयुर्वेदिक औषधालयहरू समेत रहेको छ ।

शिक्षा

दुलेगौँडा सहर तथा वरपरका मुख्य शिक्षालयहरू

• भानुभक्त बहुमुखी क्याम्पस
• सहिद कृष्ण क्याम्पस
• पञ्चमुनी देव माध्यामिक विद्यालय
• गाउँ फर्कोदय माध्यमिक विद्यालय
• ब्राइट फ्युचर बोर्डिङ स्कुल
• जीवजुना बोर्डिङ स्कुल
• बाल बिध्या बोर्डिङ स्कुल
• श्री सहिद कृष्ण मा वि कवासे
• दिवस मा वि उदेनढुङ्गा
• हंश वाहिनि मा वि काेत्रे
• खैरेनी मा वि खैरेनीटार
• सरस्वती नमुना मा वि खैरेनीटार

यातायात

यो दुलेगौँडा सहर पृथ्वी राजमार्गमा अवस्थित रहेको छ । यो सहर पोखरा र काठमाडौंको बिचमा रहेको छ ।

अर्थतन्त्र

दुलेगौंडा स्याङ्जाको धेरै ठाँउकाे वजार केन्द्र हाे ।

पर्यटन

यस क्षेत्रमा विभिन्न मठ मन्दिर गुम्वा चर्च र मस्जिदहरु रहेका छन । भुलभुले वराही ढोरवराही तीन खोले देवि फूल वराही दुलेगौँडा चर्च वेलचौतरा मस्जिद र दुलेगौँडा गुम्वा दुलेगौडामा रहेको रक गार्डेन हेर्न लायक छ भने प्रदेश न ४ का सम्पूर्ण भू भाग दखिने गरी वनेको भूजिकोट भ्यु टावर नगरपालिका २ न वडामा अवस्थित रहेको छ ।

खेलकुद

दुलेगौँडा सहरमा त्यति ठूलो वा राष्ट्रिय स्तरका खेलकुल प्रतियोगिता नभए पनि स्थानीय स्तरमा निकै खेलकुद खेलहरू तथा प्रतियोगिता सञ्चालन हुने गर्दछ । त्यस्तै यो सहरमा अन्य खेलहरूको तुलनामा बढी मात्रामा नेपालीको राष्ट्रिय खेल भलिबल र फुटबल खेल निकै लोकप्रिय रहेको छ । यो भेगका स्थानीय क्लबहरूका बिच वर्षकै पिच्छे प्रमुख रूपमा गणपति खेलकुद मैदानमा तिज कप सेभेन ए साइड फुटबल प्रतियोगिता हुने गर्दछ ।

बाह्य कडीहरू

• युएन को नक्सामा तनहुँ जिल्ला