नन्दकृष्ण जोशी

स्वतन्त्र विश्वकोश, नेपाली विकिपिडियाबाट
Jump to navigation Jump to search




नन्दकृष्ण जोशी (वि.सं. २०१५ - ) देउडा गायक हुन्। नेपाल प्रज्ञा प्रतिष्ठानको प्रज्ञा सभासद हुने पहिलो सुदुर पश्चिमेली हुन्। जोशी जनआन्दोलन २ लगायतका विभिन्न आन्दोलनमा गरी ३७ पटक थुनिए। नयाँ राष्ट्रियगानको चयन समितिमा पुगेका जोशीले देउडा गायनलाई राष्ट्रिय स्तरमा चिनाए।

जीवनी[सम्पादन गर्ने]

उनी वि.सं. २०१५ साल साउन १५मा बझाङको तलकोटमा जन्मेका हुन्। पिता जगदीश र माता गंगमतीका चार छोरा र तीन छोरी जन्मेका थिए। ती चार भाईमा नन्दकृष्ण एक हुन्। सानोमा उनलाई नन्दकिशोर भनेर बोलाईन्थ्यो। उनका पिता धर्मकर्ममा धेरै विश्वास गर्थे। तलकोटमा सप्ताह, नवाह, सत्यनारायण गराउने उनका पिताले नाम फेरिदिनुभयो र नन्दकृष्ण राखिदिनुभयो। तलकोट क्षेत्रमा ६ गाविस छन्। ती ६ वटा गाविसबाट एम.ए.बराबरको पढाई सक्ने उनी पहिलो हुन्। आफूलाई अगाडि बढाउन सधैं हौसला दिने दाजुहरू शुकदेव र देवीचन्द्रलाई सम्झन्छन्।

शिक्षा[सम्पादन गर्ने]

उनले अक्षर कोर्दा काठको पिराजस्तो फल्याकको टुक्रा हुन्थ्यो। कमेरोको झोल बनाएर बोक्थे। फल्याकको टुक्रामा मोसो र घ्यूको घोल लेप्थे। त्यसमा कमेरोले लेख्थे। स्कुल आधा घन्टा हिँडेर पुगिन्थ्यो। उनलाई अक्षर सिकाउने उनका दाजु शुकदेव हुन्। कक्षा ८ सम्म अर्का दाजु देवीचन्द्रले पढाए। उनी सुरुमा बडीगाउँमा पढ्न जान्थे। पाँच कक्षापछि तलकोटकै दुर्गा भवानी नि.मा.वि.मा पढ्न थाले। कक्षा ८ पछिको पढाई बझाङ सदरमुकामनजीकको भोपुरको सत्यवादी मा.वि.मा भयो। त्यो विद्यालयमा पढ्दा उनले घर छाडे। त्यहाँ पुग्न सेती तरेर जानुपर्थ्यो। सेतीमा पुल थिएन। कक्षा ९ त उनले काप्रीकोटमा भएको दिदीको घरमा बसेर पढे। काप्रीकोटबाट सत्यवादी धाउँथे। कक्षा १० चाहिँ होस्टलमा बसेर सके।

बाहिरी लिङ्कहरू[सम्पादन गर्ने]