बबरमहल

बबर महल
बबरमहल हाल सडक विभाग रहेको भवन
सामान्य विवरण
वास्तुकलाको ढाँचा	युरोपेली शैली
सहर	काठमाण्डौ
राष्ट्र	नेपाल
ग्राहक	चन्द्र शमशेर जङ्गबहादुर राणा, बबरसम्शेर राणा
प्राविधिक विवरण
बनावट	ईँट र गिलेवा
योजना तथा निर्माण
वास्तुकार	कुमार नरसिंह राणा, किशोर नरसिंह राणा

बबरमहल लण्डनको बकिङघम दरबारको स्वरूपमा वि.सं. १९७० सालमा चन्द्र सम्शेरले आफ्नो छोरा बबरसम्शेर राणाको निम्ति बनाएका थिए। सात हेक्टर जग्गाभित्र रहेको उक्त दरबारको आन्तरिक साजसज्जामा बेलायती शैलीको प्रभाव परेको पाइन्छ ।

१९९० सालको भूकम्पपछि १९९१मा त्यस दरबारको जीर्णोद्धार गरियो । त्यहाँ हाल सडक विभाग रहेको छ । यस दरबारको जग्गाभित्र अहिले महालेखा परीक्षकको कार्यालय, भवन विभाग आदि सरकारी कार्यालयहरू रहेका छन् भने दरबारको क्षेत्रफलको केही अंशमा बबरशमशेरकै सन्तानहरूको स्वामित्व रहेको छ ।

बबरमहलको हालको नाजुक स्थितिप्रति चिन्तित हुँदै बबरशमशेरकै नाति जितु राणा आफू जन्मेको दरबारको त्यस्तो दुःखलाग्दो हालतले गर्दा नै बबरमहलकै ढाँचा र स्वरूपको अनुसरण गरी बबरमहल रिभिजिटेडको निर्माण गरेको बताउँछन् ।