राष्ट्रपति भवन

शितल निवास
नेपालको आधिकारिक राष्ट्रपति भवन (शितल निवास)
सामान्य विवरण
स्थान	काठमाडौँ,नेपाल
हाल भाडामा लिनेहरू	नेपालको राष्ट्रपति
सम्पन्न	सन् १९३४

राष्ट्रपति भवन शितल निवास नेपालको राष्ट्रपतिको आधिकारिक निवास हो । यो भवन महाराजगंज (काठमाडौँ)मा अवस्थित छ । यो भवनको निर्माण चन्द्र शम्सेर राणाले सन् १९६० मा गराएका हुन् । नेपाल सरकारले सन् २००८ जुलाई ४ मा मन्त्रीपरिषदको बैठकद्वारा शितल निवासलाई आधिकारिक रूपमा राष्ट्रपति निवास बनाउने घोषणा गरेको थियो । नेपालको वर्तमान राष्ट्रपति यसै निवासमा बसोबास गर्दै आएका छन् ।

यो दरबार राणा प्रधानमन्त्री चन्द्रशमसेरले वि.सं. १९८० मा आफ्न छोरा कृष्णशमशेरका लागि बनाइदिएका थिए। इन्जिनियर द्वय कुमारनरसिंह र किशोरनरसिंह राणाले यो दरबारको डिजाइन गरेका हुन् । यो दरबार करिब १४० रोपनी जग्गा भित्र बनेको थियो । वि.सं. १९९० माघ २ को महाभूकम्पबाट यस दरबारको निकै क्षति भएकोले कृष्णशमशेरले यसको मर्मत संहार गरेर आधुनिक तरिकाले निर्माण गर्न लगाएका थिए । पछि कृष्णशमशेरले यो भवन तत्कालिन सरकारलाई हस्तान्तरण गरेका हुन्।

राणा शासनको अन्त्यपश्चात नेपाल सरकारले यो भवनलाई सरकारी अतिथिगृहको रूपमा प्रयोग गरेको थियो । पछि यसलाई परराष्ट्र मन्त्रालयको लागि समेत प्रयोग गरिएको थियो ।  गणतन्त्रको स्थापनापछि वि.सं. २०६५ साल असार २० को मन्त्रीपरिषद्को निर्णय बमोजिम नेपाल सरकारले यस दरबारलाई राष्ट्रपति भवनमा परिणत गरेको हो।